ରାହୁଲଙ୍କ କଟାକ୍ଷ : ତୁମେ ଗଣିନ, ତେଣୁ ଲକଡାଉନରେ କେହି ମରିନାହାନ୍ତି
ନୂଆଦିଲ୍ଲୀ: କରୋନା ଲକ୍ଡାଉନ୍ ସମୟରେ ପ୍ରବାସୀ ଶ୍ରମିକଙ୍କ ମୃତ୍ୟୁ ପ୍ରସଙ୍ଗରେ ସରକାର ସଂସଦରେ ଯେଉଁ ତଥ୍ୟ ରଖିଛନ୍ତି ତା’କୁ କଡ଼ା ସମାଲୋଚନା କରିଛନ୍ତି କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ। ଲକ୍ ଡାଉନ୍ ସମୟରେ କେତେ ସଂଖ୍ୟକ ପ୍ରବାସୀ ଶ୍ରମିକଙ୍କ ମୃତ୍ୟୁ ହୋଇଛି ସେନେଇ ମୋଦୀ ସରକାର କିଛି ଜାଣନ୍ତିନାହିଁ। କେତେ ସଂଖ୍ୟକ ଲୋକ ଚାକିରି ହରାଇଛନ୍ତି ତାହା ବି ସରକାର ଜାଣନ୍ତିନି। ଯଦି ତୁମେ ଗଣିନାହଁ ତେବେ କ’ଣ କେହି ମରିନାହାନ୍ତି କି ବୋଲି ରାହୁଲ ଆଜି ସକାଳେ ଏକ ଟ୍ବିଟ୍ କରି ପ୍ରଶ୍ନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
मोदी सरकार नहीं जानती कि लॉकडाउन में कितने प्रवासी मज़दूर मरे और कितनी नौकरियाँ गयीं।
तुमने ना गिना तो क्या मौत ना हुई?
हाँ मगर दुख है सरकार पे असर ना हुई,
उनका मरना देखा ज़माने ने,
एक मोदी सरकार है जिसे ख़बर ना हुई।— Rahul Gandhi (@RahulGandhi) September 15, 2020
ରାହୁଲ କହିଛନ୍ତି, ଦୁଃଖଦାୟକ ବିଷୟ ହେଉଛି ସରକାର ଲୋକଙ୍କ ଜୀବନ ପ୍ରତି ଆଦୌ ଖାତିର କରୁନାହାନ୍ତି। ସମଗ୍ର ବିଶ୍ବ ଦେଖିଛି ସେମାନଙ୍କ ମୃତ୍ୟୁ। କିନ୍ତୁ ମୋଦୀ ସରକାର ଏ ସମ୍ପର୍କରେ କିଛି ଜାଣିନାହାନ୍ତି। ପ୍ରବାସୀ ଶ୍ରମିକଙ୍କ ପ୍ରସଙ୍ଗରେ ରାହୁଲ ପୂର୍ବରୁ ବି ସରକାରଙ୍କୁ ସମାଲୋଚନା କରିଥିଲେ। କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଚିକିତ୍ସା ପାଇଁ ବିଦେଶ ଗସ୍ତରେ ଅଛନ୍ତି। ତାଙ୍କ ସହିତ ପୁଅ ରାହୁଲ ବି ଏବେ ବିଦେଶରେ ଅଛନ୍ତି। ସେଥିପାଇଁ ସଂସଦର ମୌସୁମୀ ଅଧିବେଶନରେ ରାହୁଲ ଉପସ୍ଥିତ ହୋଇପାରିନାହାନ୍ତି। ତେବେ ସରକାର ପ୍ରବାସୀ ଶ୍ରମିକଙ୍କ ସଂପର୍କିତ ତଥ୍ୟ ସଂସଦରେ ରଖିବା ପରେ ସେ ଟ୍ବିଟ୍ କରି ଏଭଳି ସମାଲୋଚନା କରିଛନ୍ତି।