‘ମ୍ୟାରିୟଟ୍ ହୋଟେଲ’କୁ ଭିନ୍ନ ଢଙ୍ଗରେ ଅପମାନ, ଗ୍ରାହକଙ୍କୁ ଋତୁକାଳୀନ ଫଳ ମାଗଣାରେ ଦେବ ‘ତାଜ୍’
ମୁମ୍ବାଇ: ଚଣ୍ଡିଗଡ଼ରେ ଥିବା ‘ଜେଡବ୍ଲୁ ମ୍ୟାରିୟଟ୍ ହୋଟେଲ୍’ ୨ଟି କଦଳୀ ପାଇଁ ଅଭିନେତା ରାହୁଲ ବୋଷଙ୍କୁ ୪୪୨ ଟଙ୍କାର ବିଲ୍ ଧରାଇବା ପରେ ସେହି ଦିନଠାରୁ ‘ରାହୁଲ୍ ବୋଷ ମୋମେଣ୍ଟ୍’ ସୋସିଆଲ୍ ମିଡିଆରେ ଥମିବାର ନାଁ ଧରୁନି। ରାହୁଲ ବୋଷ ଦୁଇଟି କଦଳୀ ସହ ହୋଟେଲ୍ ପକ୍ଷରୁ ମିଳିଥିବା ବିଲ୍ ଦେଖାଇ ଏକ ଭିଡିଓ କରି ସୋସିଆଲ୍ ମିଡିଆରେ ସେୟାର୍ କରିଥିଲେ। ତା’ପରେ ଏହାକୁ ନେଇ ଖୁବ୍ ଚର୍ଚ୍ଚା ହୋଇଥିଲା। ସୋସିଆଲ୍ ମିଡିଆ ବ୍ୟବହାରକାରୀମାନେ ସାମନ୍ୟ ଜିନିଷକୁ ଖୁବ୍ ଅଧିକ ଟଙ୍କା କିଣିଥିବା ମୁହୂର୍ତ୍ତକୁ ମନେ ପକାଇ ସୋସିଆଲ୍ ମିଡିଆରେ ‘ରାହୁଲ ବୋଷ ମୋମେଣ୍ଟ୍’ର ଟ୍ରେଣ୍ଡ୍ ସୃଷ୍ଟି କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏବେ ‘ହୋଟେଲ୍ ଜେଡବ୍ଲୁ ମ୍ୟାରିୟଟ୍’କୁ ମୁମ୍ବାଇର ‘ତାଜ୍ ହୋଟଲ୍’ ଏକ ଭିନ୍ନ ଢଙ୍ଗରେ ଅପଦସ୍ତ କରିଛି। ‘ଜେଡବ୍ଲୁ ମ୍ୟାରିୟଟ୍’ ୨ଟି କଦଳୀ ପାଇଁ ୪୪୨ ଟଙ୍କା ବିଲ୍ ଦେଇଥିବା ବେଳେ ‘ତାଜ୍ ହୋଟେଲ୍’ ପକ୍ଷରୁ ଋତୁକାଳୀନ ଫଳ ମାଗଣାରେ ଦିଆଯିବ ବୋଲି କୁହାଯାଇଛି।
You have to see this to believe it. Who said fruit wasn’t harmful to your existence? Ask the wonderful folks at @JWMarriottChd #goingbananas #howtogetfitandgobroke #potassiumforkings pic.twitter.com/SNJvecHvZB
— Rahul Bose (@RahulBose1) July 22, 2019
ଉଲ୍ଲେଖଯୋଗ୍ୟ, ଜେଡବ୍ଲୁ ମ୍ୟାରିୟଟ୍ କଦଳୀ ସହ ଜିଏସ୍ଟି ମିଶାଇ ୪୪୨ ଟଙ୍କାର ବିଲ୍ ଦେଇଥିଲା। କଦଳୀ ପରି ଖାଦ୍ୟରେ ଜିଏସ୍ଟି ଛାଡ଼ ଥିବା ବେଳେ ହୋଟଲ୍ କାହିଁକି ସେଥିରେ ଜିଏସ୍ଟି ପକାଇଛି ବୋଲି ଅଭିଯୋଗ ହେବା ପରେ ଏକ ମାମଲା ରୁଜ୍ଜୁ ହୋଇଥିଲା।