ଜମ୍ମୁ ଓ କଶ୍ମୀରରେ ଗୋପନୀୟତାର ପର୍ଦ୍ଦା ହଟାଇବାକୁ ସରକାରଙ୍କୁ କହିଲେ ରାହୁଳ ଗାନ୍ଧୀ
ନୂଆଦିଲ୍ଲୀ: ଜମ୍ମୁ ଓ କଶ୍ମୀରର ପରିସ୍ଥିତି ସଂକ୍ରାନ୍ତରେ ଚିନ୍ତାବ୍ୟକ୍ତ କରିଛନ୍ତି କଂଗ୍ରେସ ନେତା ରାହୁଳ ଗାନ୍ଧୀ। ସାମ୍ବାଦିକମାନଙ୍କୁ କହିବା ବେଳେ ପୂର୍ବତନ କଂଗ୍ରେସ ଅଧ୍ୟକ୍ଷ ପ୍ରସ୍ତାବ ଦେଇଛନ୍ତି କି ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱାଧୀନ ଏନ୍ଡିଏ ସରକାର ଦେଶବାସୀଙ୍କୁ ବାସ୍ତବ କଥା ଲୁଚାଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ କହିଲେ ଯେ ସେ ଅଞ୍ଚଳରେ ହିଂସାକାଣ୍ଡ ଘଟୁଥିବା ଏବଂ ଲୋକେ ମରୁଥିବା ଖବର ଗଣମାଧ୍ୟମରେ ପ୍ରକାଶ ପାଉଛି। ତେଣୁ ସରକାର ବାସ୍ତବ କଥା ସ୍ପଷ୍ଟ କରନ୍ତୁ।
ସେ କହିଲେ, କେତେକ ଗଣମାଧ୍ୟମ ଖବର ଅନୁସାରେ, ଜମ୍ମୁ ଓ କଶ୍ମୀରରେ ଖରାପ ଘଟଣା ଘଟୁଛି। ହିଂସାକାଣ୍ଡ, ଲୋକେ ମରିବା ଆଦି ଖବର ପ୍ରକାଶ ପାଇଛି। କେନ୍ଦ୍ରଶାସିତ ଅଞ୍ଚଳ ଜମ୍ମୁ ଓ କଶ୍ମୀର ଏବଂ ଲଦାଖରେ ପ୍ରକୃତରେ କ’ଣ ଘଟୁଛି ତାହା ଭାରତ ସରକାର ଏବଂ ପ୍ରଧାନମନ୍ତ୍ରୀ ସ୍ପଷ୍ଟ କରିବା ଅତି ଗୁରୁତ୍ୱପୂର୍ଣ୍ଣ।
ସେ ଆହୁରି କହିଲେ ଯେ କ’ଣ ଘଟୁଛି ସରକାର ସମ୍ପୂର୍ଣ୍ଣ ସ୍ପଷ୍ଟ ରୂପେ ଦେଶବାସୀଙ୍କୁ ଜଣାଇବା ଆବଶ୍ୟକ। ସାମ୍ବାଦିକମାନଙ୍କ ସହ କଥାବାର୍ତ୍ତା ହେଉଥିବାର ଭିଡିଓ ମଧ୍ୟ ରାହୁଳ ଗାନ୍ଧୀ ଟୁଇଟ୍ କରି ସେୟାର୍ କରିଛନ୍ତି।