ପରାଜୟ୍ ପରେ ସବୁ କାର୍ଯ୍ୟକ୍ରମକୁ ରଦ୍ଦ କରି ଇସ୍ତଫା ପାଇଁ ଅଡ଼ି ବସିଛନ୍ତି ରାହୁଲ
ନୂଆଦିଲ୍ଲୀ : ଲୋକସଭା ନିର୍ବାଚନର ଫଳାଫଳ ଆସିବା ପରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ବଡ଼ ଝଟକା ଲାଗିଛି। କଂଗ୍ରେସର ଗଡ଼ ବୋଲି କୁହାଯାଉଥିବା ଆମେଥିରୁ ନିର୍ବାଚନ ହାରିବା ପରେ ଏବେ ରାହୁଲ ଗାନ୍ଧୀ କାହା ସହ ଦେଖା କରୁ ନଥିବା ସୂଚନା ମିଳିଛି । ଏହା ସହ ସେ ନିଜର ସମସ୍ତ କାର୍ଯ୍ୟକ୍ରମକୁ ରଦ୍ଦ କରି ଦେଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ନିର୍ବାଚନରେ ଦଳର ଶେୋଚନୀୟ ପରାଜୟ ପରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ନିଜ ପଦରୁ ଇସ୍ତଫା ଦେବା ପାଇଁ ମନସ୍ଥ କରି ନେଇଥିଲେ । ଯାହା ପରେ ଅନେକ ଆଲୋଚନା କରାଯାଇ କଂଗ୍ରେସର କାର୍ଯ୍ୟକାରୀଣି କମିଟି ତାଙ୍କ ଇସ୍ତଫାକୁ ଖାରଜ କରି ଦେଇଥିଲେ । କିନ୍ତୁ ଏବେ ବି ରାହୁଲ ଅଧ୍ୟକ୍ଷ ପଦରୁ ଇସ୍ତଫା ଦେବା ପାଇଁ ଅଡ଼ି ବସିଥିବା ବେଳେ ଅନ୍ୟ କାହାକୁ ଅଧ୍ୟକ୍ଷ ପଦ ପାଇଁ ବାଛିବାକୁ କମିଟିକୁ ସମୟ ଦେଇଛନ୍ତି । ତେବେ କିଛି ନବ ନିର୍ବାଚିତ ସାଂସଦ ରାହୁଲଙ୍କ ସହ ଦେଖା କରିବା ପାଇଁ ଫୋନ କରିଥିବା ବେଳେ ରାହୁଲ ଦେଖା କରିବା ପାଇଁ ମନା କରି ଦେଇଥିଲେ । ଯେଉଁଥିରୁ ସେ ନିଜ ହାରିବାକୁ ନେଇ ଅଧିକ ଆହତ ହୋଇଥିବା ସ୍ପଷ୍ଟ ଜଣା ପଡ଼ୁଛି । ତେବେ ସେ ନିଜ ଟୁଇଟର ଆକାଣ୍ଟରୁ କଂଗ୍ରେସ ଅଧ୍ୟକ୍ଷର ଟ୍ୟାଗ୍ ହଟାଇ ନଥିବା ଦେଖା ଯାଇଛି ।