ମହିଳା ସୁରକ୍ଷିତ ରହିଲେ ହିଁ ଦେଶ ଆଗକୁ ବଢିବ: ରାହୁଲ ଗାନ୍ଧୀ
ନୂଆଦିଲ୍ଲୀ: କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ମୋରାଦାବାଦ ଏବଂ ଉତ୍ତରାଖଣ୍ଡରେ ଯୁବତୀଙ୍କ ସହ ଘଟିଥିବା ଘଟଣାକୁ ନେଇ ଉଦବେଗ ପ୍ରକାଶ କରିଛନ୍ତି। ସେ କହିଛନ୍ତି ଯେ ଏହି ଘଟଣା ହୃଦୟକୁ ଥରାଇ ଦେଇଛି ଏବଂ ଦେଶର ମହିଳା ସୁରକ୍ଷିତ ରହିଲେ ହିଁ ଭାରତ ଆଗକୁ ବଢିବ । ରାହୁଲ ଗାନ୍ଧୀ କହିଛନ୍ତି, “ମୋରାଦାବାଦ ଏବଂ ଉତ୍ତରାଖଣ୍ଡରେ ଯୁବତୀମାନଙ୍କ ସହ ଘଟିଥିବା ଘଟଣା ସମସ୍ତଙ୍କ ହୃଦୟକୁ ଥରାଇ ଦେଇଛି। ଭାରତ ଯୋଡ ଯାତ୍ରାରେ ମୁଁ ଅନେକ ପ୍ରତିଭାବାନ ବାଳିକା ଏବଂ ମହିଳାଙ୍କୁ ଭେଟୁଛି ଓ ସେମାନଙ୍କ କଥା ଶୁଣୁଛି । ଏଥିରୁ ଗୋଟିଏ କଥା ସ୍ପଷ୍ଟ, ଆମ ଭାରତ କେବଳ ସେତେବେଳେ ଅଗ୍ରଗତି କରିବ, ଯେତେବେଳେ ଦେଶର ମହିଳାମାନେ ନିରାପଦରେ ରହିବେ ।
Sambad is now on WhatsApp
Join and get latest news updates delivered to you via WhatsApp
मुरादाबाद और उत्तराखंड में युवतियों के साथ जो घटनाएं हुई हैं उसने सबका दिल दहला दिया है।
भारत जोड़ो यात्रा में, मैं कई प्रतिभाशाली बच्चियों और युवतियों से मिल रहा हूं, उन्हें सुन रहा हूं।
एक बात साफ़ है, हमारा भारत तब ही आगे बढ़ेगा, जब देश की महिलाएं सुरक्षित होंगी।
— Rahul Gandhi (@RahulGandhi) September 24, 2022
ବାସ୍ତବରେ ଉତ୍ତରାଖଣ୍ଡର ରିସର୍ଟ ରିସେପ୍ସନିଷ୍ଟଙ୍କ ଅଙ୍କିତା ଭଣ୍ଡାରୀ ହତ୍ୟା ମାମଲାରେ ୩ ଅଭିଯୁକ୍ତଙ୍କୁ ଗିରଫ କରାଯାଇଥିଲା | ବ୍ୟକ୍ତିଗତ ବିବାଦ କାରଣରୁ ସେମାନେ ‘ରିସପ୍ସନିଷ୍ଟ୍’ଙ୍କୁ ରିସର୍ଟ ନିକଟରେ ପ୍ରବାହିତ କେନାଲ୍କୁ ଠେଲି ଦେଇଥିଲେ। କେନାଲରେ ବୁଡ଼ି ସେ ପ୍ରାଣ ହରାଇଥିଲେ। ଆଉ ଚିଲ୍ଲା ପାୱାର୍ ହାଉସ୍ ନିକଟରୁ ପୁଲିସ ରିସେପ୍ସନିଷ୍ଟ୍ଙ୍କ ଶବ ଉଦ୍ଧାର କରିଥିଲା | ଏହା ସହିତ ଉତ୍ତରପ୍ରଦେଶର ମୋରାଦାବାଦରେ ଏକ ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ ଜଣେ ଯୁବତୀ ବିନା ପୋଷାକରେ ରାସ୍ତାରେ ଯାଉଥିବା ଦେଖିବାକୁ ମିଳିଥିଲା | ତାଙ୍କ ମାମୁଁ ଭୋଜପୁର ଥାନାରେ ତାଙ୍କ ସହ ଦୁଷ୍କର୍ମ ହୋଇଥିବା ମାମଲା ଦାୟର କରିଥିଲେ । ପୁଲିସ କହିଛି ଯେ ଏହି ଘଟଣା ସେପ୍ଟେମ୍ବର ୧ରେ ଭୋଜପୁର ପୁଲିସ ଷ୍ଟେସନ ଅଧୀନରେ ଥିବା ଏକ ଗ୍ରାମରେ ଘଟିଥିଲା ଏବଂ ପୀଡିତାଙ୍କ ସମ୍ପର୍କୀୟଙ୍କ ଅଭିଯୋଗ ଆଧାରରେ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି।