ମୋଦୀ ସରକାର କୃଷକମାନଙ୍କୁ ପୁଞ୍ଜିପତିମାନଙ୍କର ଗୋଲାମ ବନାଇବାକୁ ଚାହୁଁଛନ୍ତି: ରାହୁଲ ଗାନ୍ଧୀ
ନୂଆଦିଲ୍ଲୀ: ଲୋକସଭା ପରେ ରାଜ୍ୟସଭାରେ ପାରିତ ହୋଇସାରିଛି କୃଷି ବିଲ୍ । ହେଲେ ସଡ଼କଠାରୁ ସଂସଦ ଯାଏ ଏହି ବିଲକୁ ବିରୋଧ କରାଯାଉଥିବା ଦେଖିବାକୁ ମିଳିଛି । ଏହି ବିଲକୁ ନେଇ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ବି ନିଜର ଅସନ୍ତୋଷ ଜାହିର କରିଛନ୍ତି । ସେ କହିଛନ୍ତି କି ଏହି ବିଲ ସହାୟତାରେ ମୋଦୀ ସରକାର କୃଷକମାନଙ୍କୁ ପୁଞ୍ଜିପତିମାନଙ୍କର ଗୋଲାମ ବନାଇବାକୁ ଚାହୁଁଛନ୍ତି ।
Sambad is now on WhatsApp
Join and get latest news updates delivered to you via WhatsApp
मोदी सरकार के कृषि-विरोधी ‘काले क़ानून’ से किसानों को:
1. APMC/किसान मार्केट ख़त्म होने पर MSP कैसे मिलेगा?
2. MSP की गारंटी क्यों नहीं?मोदी जी किसानों को पूँजीपतियों का ‘ग़ुलाम’ बना रहे हैं जिसे देश कभी सफल नहीं होने देगा।#KisanVirodhiNarendraModi
— Rahul Gandhi (@RahulGandhi) September 20, 2020
କୃଷି ବିଲକୁ ନେଇ ରାଜ୍ୟସଭାରେ ଯୁକ୍ତି ତର୍କ ଚାଲିଥିବା ବେଳେ ରାହୁଲ ଗାନ୍ଧୀ ତାଙ୍କ ଟ୍ୱିଟର ପେଜରେ ଲେଖିଛନ୍ତି କି ମୋଦୀ ସରକାରଙ୍କ କୃଷି ବିରୋଧୀ କଳା କାନୁନ୍ କୃଷକମାନଙ୍କର କୃଷି ବଜାରକୁ ଶେଷ କରିଦେବ । କୃଷକର ବଜାର ଶେଷ ହୋଇଗଲେ କିଭଳି ମିଳିବ ସର୍ବନିମ୍ନ ସହାୟକ ଦର । ଏହି ବିଧେୟକରେ ସର୍ବନିମ୍ନ ସହାୟକ ମୂଲ୍ୟର ଗ୍ୟାରେଣ୍ଟି କାହିଁକି ରଖାଯାଇ ନାହିଁ ? । ଏହି ବିଲ୍ ମାଧ୍ୟମରେ ମୋଦୀଜୀ କୃଷକମାନଙ୍କୁ ପୁଞ୍ଜିପତି ମାନଙ୍କର ଗୋଲାମ ବନାଇବାକୁ ଯାଉଛନ୍ତି, ଯାହାଦ୍ୱାରା ଦେଶକୁ କେବେ ସଫଳତା ମିଳିବ ନାହିଁ ବୋଲି ସେ ଲେଖିଛନ୍ତି ।
ଏହାସହ ନିର୍ବାଚନ ପୂର୍ବରୁ ନରେନ୍ଦ୍ର ମୋଦୀ କୃଷକମାନଙ୍କୁ ଯେଉଁ କଥା ଦେଇଥିଲେ କି ତାଙ୍କ ସରକାର ଆସିଲେ କୃଷକମାନଙ୍କର ଆୟ ଦ୍ୱିଗୁଣିତ ହେବ ତାହା ଉପରେ କଟାକ୍ଷ କରିଛନ୍ତି ରାହୁଲ ଗାନ୍ଧୀ । ସେ ଲେଖିଛନ୍ତି କି ମୋଦୀ କୃଷକମାନଙ୍କ ପାଇଁ ଯେଉଁ କଳା କାନୁନ ଆଣିବାକୁ ଯାଉଛନ୍ତି ତା’ଦ୍ୱାରା କୃଷକମାନଙ୍କର ଆୟ ଦ୍ୱିଗୁଣିତ ହେବା ପରିବର୍ତ୍ତେ କୃଷକ ଓ ଶ୍ରମିକମାନେ କେବଳ ଆର୍ଥିକ ଶୋଷଣରେ ଶିକାର ହେବେ ।