ପ୍ରଧାନମନ୍ତ୍ରୀ ମୋଦୀଙ୍କୁ ଅନୁସରଣ କରି ଆଜାନ୍ ସମୟରେ ଭାଷଣ ବନ୍ଦ କଲେ ରାହୁଲ ଗାନ୍ଧୀ
ଆମେଥି: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଉତ୍ତର ପ୍ରଦେଶର ଆମେଥିରେ ଏକ ସାଧାରଣ ସଭାରେ ଭାଷଣ ଦେଉଥିବା ସମୟରେ ହଠାତ୍ ମସଜିଦରେ ଆଜାନ୍ ଆରମ୍ଭ ହୋଇଗଲା। ଯେମିତି ଆଜାନ୍ ରାହୁଲଙ୍କ କାନରେ ପଡ଼ିଲା,ସେମିତି ରାହୁଲ ଗାନ୍ଧୀ ନିଜର ଭାଷଣ ବନ୍ଦ କରି ଦେଲେ। ଆମେଥିରେ ଯେଉଁଠାରେ ରାହୁଲ ସାଧାରଣ ସଭାରେ ଭାଷଣ ଦେଉଥିଲେ, ଠିକ୍ ତା’ ପାଖରେ ଏକ ମସଜିଦ୍ ଥିଲା।
Sambad is now on WhatsApp
Join and get latest news updates delivered to you via WhatsApp
ରାହୁଲଙ୍କ ଭାଷଣ ବନ୍ଦକୁ ମଧ୍ୟ ସମର୍ଥକମାନେ ସ୍ୱାଗତ କରିଥିଲେ ଓ ସେମାନେ ସ୍ଲୋଗାନ୍ ବି ବନ୍ଦ କରି ଦେଲେ। ଉପସ୍ଥିତ ଜନତା ବି ସଂପୂର୍ଣ୍ଣ ରୂପେ ନୀରବ ହୋଇଗଲେ।
ଏଠାରେ ସୂଚନା ଯୋଗ୍ୟ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବି ଆଗରୁ କେତେକ ସାଧାରଣ ସଭାରେ ଆଜାନ୍ର ଶବ୍ଦ ଶୁଣି ନିଜର ଭାଷଣ ବନ୍ଦ କରି ଦେଇଥିଲେ।୨୦୧୬ରେ ପଶ୍ଚିମବଙ୍ଗର ବିଧାନସଭା ନିର୍ବାଚନ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଆଜାନ୍ ସମୟରେ ପ୍ରାୟ ପ୍ରାୟ ୧ ମିନିଟ୍ ୩୦ ସେକେଣ୍ଡ ଲାଗି ନିଜର ଭାଷଣ ବନ୍ଦ କରି ଦେଇଥିଲେ। ଖଡଗପୁର ରାଲିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଥିଲେ ଆମ ଯୋଗୁଁ କାହାର ପୂଜା, ପ୍ରାର୍ଥନାରେ ବାଧା ସୃଷ୍ଟି ହେବା ଉଚିତ ନୁହେଁ।