କୋଭିଡ୍-୧୯ ସଂକ୍ରମଣ ବୃଦ୍ଧି ଦୃଷ୍ଟିରୁ ପଶ୍ଚିମବଙ୍ଗରେ ସମସ୍ତ ନିର୍ବାଚନ ରାଲି ବାତିଲ କଲେ ରାହୁଲ୍ ଗାନ୍ଧୀ
ନୂଆଦିଲ୍ଲୀ: କରୋନାଭାଇରସ୍ ସଂକ୍ରମଣ ମାମଲା ବଢ଼ି ଚାଲିଥିବା ବେଳେ ବିଶାଳ ନିର୍ବାଚନ ପ୍ରଚାର ରାଲି କରୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ତୀବ୍ର ସମାଲୋଚନା କରିବାର କିଛି ଘଣ୍ଟା ପରେ କଂଗ୍ରେସ ନେତା ରାହୁଲ୍ ଗାନ୍ଧୀ ପଶ୍ଚିମବଙ୍ଗ ପାଇଁ ନିର୍ଦ୍ଧାରିତ ତାଙ୍କର ସମସ୍ତ ସାଧାରଣ ସଭା ଆଜି ବାତିଲ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଟୁଇଟ୍ କରି ସେ ଲେଖିଛନ୍ତି, କୋଭିଡ୍ ପରିସ୍ଥିତି ଦୃଷ୍ଟିରୁ, ପଶ୍ଚିମବଙ୍ଗରେ ଥିବା ମୋର ସମସ୍ତ ନିର୍ବାଚନ ରାଲି ବାତିଲ କରୁଛି। ସାମ୍ପ୍ରତିକ ପରିସ୍ଥିତିରେ ସର୍ବସାଧାରଣରେ ବିଶାଳ ରାଲି ଆୟୋଜନ କରିବାର ପରିଣାମ ବିଷୟରେ ଗଭୀର ଚିନ୍ତନ ପାଇଁ ସମସ୍ତ ରାଜନେତାମାନଙ୍କୁ ମୋର ପରାମର୍ଶ।
ଏହା ପୂର୍ବରୁ ରାହୁଲ୍ ଗାନ୍ଧୀ ଟୁଇଟ୍ କରି ପ୍ରଧାନମନ୍ତ୍ରୀ ମୋଦୀଙ୍କୁ ସମାଲୋଚନା କରିଥିଲେ। ଶନିବାର ଦିନ ତାଙ୍କ ରାଜନୈତିକ ରାଲିରେ ବହୁସଂଖ୍ୟାରେ ଯୋଗ ଦେଇଥିବା ଜନତାଙ୍କୁ ପ୍ରଧାନମନ୍ତ୍ରୀ ଖୁବ୍ ପ୍ରଶଂସା କରିଥିଲେ।
ସୂଚନାଯୋଗ୍ୟ, ୮ଟି ପର୍ଯ୍ୟାୟରେ ବିଭକ୍ତ ହୋଇଥିବା ପଶ୍ଚିମବଙ୍ଗ ବିଧାନସଭା ନିର୍ବାଚନରୁ ଆଉ ତିନୋଟି ପର୍ଯ୍ୟାୟ ବାକି ରହିଛି। ୬ଷ୍ଠ, ୭ମ ଓ ୮ମ ପର୍ଯ୍ୟାୟ ନିର୍ବାଚନ ଯଥାକ୍ରମେ ଏପ୍ରିଲ୍ ୨୨, ୨୬ ଓ ୨୯ରେ କରାଯିବ। ମେ ମାସରେ ଏହି ନିର୍ବାଚନର ଫଳାଫଳ ପ୍ରକାଶ ପାଇବ।