ପ୍ରଧାନମନ୍ତ୍ରୀ ମୋଦୀଙ୍କ ବିଷୟରେ ବିବାଦୀୟ ବୟାନ ଦେବା ଘଟଣା: ମୁଁ କେବଳ ବ୍ୟଙ୍ଗ କରିଥିଲି ବୋଲି ଅଦାଲତଙ୍କୁ ଜଣାଇଲେ ରାହୁଲ ଗାନ୍ଧୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ବିବାଦୀୟ ବୟାନ ଦେଇ ଅଡୁଆରେ ପଡ଼ିଛନ୍ତି କଂଗ୍ରେସ ଯୁବରାଜ ରାହୁଲ ଗାନ୍ଧୀ । ଏନେଇ ଗୁଜୁରାଟର ମାଜିଷ୍ଟ୍ରେଟ କୋର୍ଟରେ ହାଜର ହେବାକୁ ନୋଟିସ୍ ମିଳିବା ପରେ ଆଜି ସୁରଟରେ ପହଞ୍ଚିଥିଲେ ରାହୁଲ । ମୋଦୀଙ୍କ ବିରୋଧରେ ଦେଇଥିବା ଆପତ୍ତି ଜନକ ବୟାନ ପରେ ଏହାକୁ ନେଇ ବିଜେପିର ଜଣେ ବିଧାୟକ କୋର୍ଟରେ ଅବମାନନା ମାମଲା ଦାୟର କରିଥିଲେ । ଏହି ମାମଲାରେ ଆଜି ରାହୁଲ ଗାନ୍ଧୀଙ୍କ ଶେଷ ବୟାନ ରେକର୍ଡ କରାଯାଇଛି | ସେ ଅଦାଲତଙ୍କ କହିଛନ୍ତି ଯେ, “ମୁଁ କୌଣସି ସମ୍ପ୍ରଦାୟକୁ ଟାର୍ଗେଟ କରିବାକୁ ଚାହିଁନଥିଲି | ନିର୍ବାଚନ ସମୟରେ ମୁଁ କେବଳ ବ୍ୟଙ୍ଗ କରିଥିଲି। ମୋର ଏ ବିଷୟରେ ଅଧିକ ମନେ ନାହିଁ” |
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ୨୦୧୯ ମସିହା ଏପ୍ରିଲ ୧୩ ତାରିଖରେ କର୍ଣ୍ଣାଟକର ଏକ ନିର୍ବାଚନ ରାଲିରେ ରାହୁଲ ଗାନ୍ଧୀ କହିଥିଲେ ‘ନୀରବ ମୋଦି, ଲଳିତ ମୋଦି,ନରେନ୍ଦ୍ର ମୋଦି ଏସବୁ ଲୋକଙ୍କ ସାଙ୍ଗିଆ ମୋଦି ଓ ସବୁ ଚୋରଙ୍କ ନାମ ଶେଷରେ ମୋଦି କାହିଁକି ରହିଛି ବୋଲି ସେ ଜନତାଙ୍କୁ ପ୍ରଶ୍ନ କରିଥିଲେ’ । ଯେତେବେଳେ ସେ ଏଭଳି ବିବାଦୀୟ ବୟାନ ଦେଲେ, ସେତେବେଳେ ସେ କଂଗ୍ରେସର ଅଧ୍ୟକ୍ଷ ଥିଲେ । ତାଙ୍କର ଏଭଳି ବୟାନ ପରେ ବିଜେପି ବିଧାୟକ ପୂର୍ଣ୍ଣେସ ମୋଦି ୨୦୧୯ ଏପ୍ରିଲ ମାସରେ ରାହୁଲ ଗାନ୍ଧୀଙ୍କ ବିରୋଧରେ ଭାରତୀୟ ଦଣ୍ଡ ସଂହିତା ଧାରା ୪୯୯ ଓ ୫୦୦ ଅଧିନରେ ଅଭିଯୋଗ ଦାଖଲ କରିଥିଲେ । ସେ ଅଭିଯୋଗ କରିଥିଲେ କି ୨୦୧୯ରେ ଏକ ନିର୍ବାଚନୀ ସଭାରେ ରାହୁଲ ଗାନ୍ଧୀ ମୋଦି ସମୁଦାୟଙ୍କୁ ଚୋର ବୋଲି କହି ପ୍ରଧାନମନ୍ତ୍ରୀଙ୍କୁ ଅପମାନିତ କରିଛନ୍ତି।