ମୁଁ ବିପାସନା କରେ; ଘଣ୍ଟା ଘଣ୍ଟା ଧରି ସିଧା ବସି ରହିବାର ରହସ୍ୟ କହିଲେ ରାହୁଲ
ନୂଆଦିଲ୍ଲୀ: ନ୍ୟାସନାଲ ହେରାଲ୍ଡ ମନି ଲଣ୍ଡରିଂ ମାମଲାରେ ଦୀର୍ଘ ୫ଦିନ ଧରି ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଅଧିକାରୀଙ୍କ ପ୍ରଶ୍ନର ଉତ୍ତର ରଖିଥିଲେ କଂଗ୍ରେସ ନେତା ରାହୁଲ ଗାନ୍ଧି। ଲଗାତାର ତାଙ୍କୁ ୧୧-୧୧ଘଣ୍ଟା ଧରି ଇଡି ତାଙ୍କୁ ଜେରା କରୁଥିବା ବେଳେ ଥକି ନପଡ଼ି ଇଡି ଅଧିକାରୀଙ୍କ ସମସ୍ତ ପ୍ରଶ୍ନର ଉତ୍ତର ଦେଉଥିଲେ ରାହୁଲ।
LIVE: Interacting with Congress Party workers at AICC Headquarters, Delhi https://t.co/H1uJwfyZMT
— Rahul Gandhi (@RahulGandhi) June 22, 2022
ଦିଲ୍ଲୀ ମୁଖ୍ୟାଳୟରେ ଦଳୀୟ କର୍ମୀ, ସାଂସଦ ଏବଂ ବିଧାୟକମାନଙ୍କୁ ସମ୍ବୋଧିତ କରି ରାହୁଲ କହିଛନ୍ତି ଯେ, ତିନିଜଣ ଇଡି ଅଧିକାରୀଙ୍କ ସହ ୧୨/୧୨ ଫୁଟର ଏକ କୋଠରୀରେ ବସିଥିଲେ ମଧ୍ୟ ମୁଁ ନିଜକୁ ଅଫିସରେ ଏକୁଟିଆ ଅନୁଭବ କରୁନଥିଲେ। ମୁଁ କୋଠରୀରେ ଏକୁଟିଆ ନଥିଲି, ସମସ୍ତ କଂଗ୍ରେସ କର୍ମୀ ମୋ ସହିତ ଥିଲେ। ଏବଂ ସ୍ୱାଧୀନତା ଉପରେ ବିଶ୍ବାସ କରୁଥିବା ସମସ୍ତ ଲୋକ ମୋ ସହ ଥିଲେ। ମୋତେ ୧୧-୧୧ଘଣ୍ଟା ଜେରା କରି ଇଡି ଅଧିକାରୀ କ୍ଲାନ୍ତ ହୋଇପଡ଼ୁଥିଲେ ବି ମୁଁ କ୍ଲାନ୍ତ ହେଉନଥିଲି। ଏହା ଦେଖି ସେମାନେ ଅନେକ ଥର ଆଶ୍ଚର୍ଯ୍ୟ ହୋଇଛନ୍ତି। ସେମାନଙ୍କୁ ଯାଇ କହିଦିଅ, ମୋର ଏହି କ୍ଲାନ୍ତ ନହେବା ପଛର ରହସ୍ୟ ହେଉଛି ବିପାସନା। ମୁଁ ସବୁଦିନ ବିପାସନା କରେ। ଏଥିରେ ଘଣ୍ଟା ଘଣ୍ଟା ବସିବାକୁ ପଡେ।
ତେବେ ଏହି ତଦନ୍ତ ନ୍ୟାସନାଲ ହେରାଲ୍ଡ ଖବରକାଗଜର ମାଲିକ କଂଗ୍ରେସ ଦ୍ୱାରା ପଦୋନ୍ନତି ପ୍ରାପ୍ତ ୟଙ୍ଗ ଇଣ୍ଡିଆନ୍ ପ୍ରାଇଭେଟ୍ ଲିମିଟେଡ୍ରେ ହୋଇଥିବା ଆର୍ଥିକ ଅନିୟମିତତା ଅଭିଯୋଗ ସହିତ ଜଡିତ। ଖବରକାଗଜର ପ୍ରକାଶକ ଆସୋସିଏଟେଡ୍ ଜର୍ଣ୍ଣାଲ୍ସ ଲିମିଟେଡ୍ (ଏଜେଏଲ୍)କୁ ଦଳ ଦେଇଥିବା ଋଣ, ୟଙ୍ଗ ଇଣ୍ଡିଆନ୍ ପ୍ରାଇଭେଟ୍ ଲିମିଟେଡ୍ର ଅନ୍ତର୍ଭୁକ୍ତତା, ନ୍ୟାସନାଲ ହେରାଲ୍ଡର କାର୍ଯ୍ୟ ବିଷୟରେ ଇଡି ରାହୁଲ ଗାନ୍ଧିଙ୍କୁ ପଚାରି ଥିବା ଜଣାପଡିଛି।
