ପଦଯାତ୍ରା ବେଳେ ଛୋଟ ଝିଅକୁ ଚପଲ ପିନ୍ଧାଇଦେଲେ ରାହୁଲ

ନୂଆଦିଲ୍ଲୀ: କଂଗ୍ରେସ ପକ୍ଷରୁ ଆରମ୍ଭ ହୋଇଥିବା ଭାରତ ଯୋଡ଼ୋ ଯାତ୍ରା ଆଜି ଏକାଦଶ ଦିନରେ ପହଞ୍ଚିଛି। ପ୍ରତିଦିନ ସକାଳ ସାଢ଼େ ୬ଟା ପରେ ରାହୁଲ ଗାନ୍ଧି ଓ ଦଳର ଅନ୍ୟ ବରିଷ୍ଠ ନେତାମାନେ ପଦଯାତ୍ରା ଆରମ୍ଭ କରୁଛନ୍ତି। ଆଜି କେରଳର ହରିପଦରୁ ଯାତ୍ରା ଆରମ୍ଭ ହୋଇଥିଲା। ଏଥିରେ ହଜାର ହଜାର କର୍ମୀ ଓ ନେତା ସାମିଲ ହୋଇଥିଲେ। ଏହି ସମୟରେ ରାହୁଲ ଗାନ୍ଧି ଜଣେ ଛୋଟ ଝିଅକୁ ଚପଲ ପିନ୍ଧାଇବାରେ ସହଯୋଗ କରୁଥିବା ଭିଡ଼ିଓ ଭାଇରାଲ ହୋଇଛି। ଆଲାପୁଝା ଜିଲ୍ଲାର ଅମ୍ବାଲାପୁଝା ସହରରେ ଏହି ଦୃଶ୍ୟ ଦେଖିବାକୁ ମିଳିଛି। ଅନେକେ ଏଥିପାଇଁ ରାହୁଲଙ୍କୁ ପ୍ରଶଂସା କରିଛନ୍ତି।