'ମାୟା'ଙ୍କ ମଞ୍ଚରେ ଦେଖାଯିବେ ରାହୁଲ-ପ୍ରିୟଙ୍କା! ଏସପି ସହିତ ଫାଟ, ବିଏସପି ସହ ମେଣ୍ଟ ପାଇଁ କଂଗ୍ରେସର ଆଶା

ଲକ୍ଷ୍ନୌ: ବିହାର ସହିତ ସମ୍ପ୍ରତି ଉତ୍ତର ପ୍ରଦେଶର ମଧ୍ୟ ରାଜନୀତି ଉଷ୍ଣ ହେବାରେ ଲାଗିଛି। ଏହା ପଛରେ କଂଗ୍ରେସ ସାଂସଦ ଇମ୍ରାନ ମାସୁଦଙ୍କ ମନ୍ତବ୍ୟ ରହିଛି। ସେ ୟୁପିରେ ସମାଜବାଦୀ ପାର୍ଟି(ଏସପି) ସହ ମେଣ୍ଟ ସମ୍ପର୍କରେ ଏକ ବଡ଼ ମନ୍ତବ୍ୟ ଦେଇଛନ୍ତି। ଯାହା ପରେ ଅଖିଳ ଭାରତୀୟ ମେଣ୍ଟ ସମ୍ପର୍କରେ ପ୍ରଶ୍ନ ଉଠିବା ଆରମ୍ଭ ହୋଇଛି। ସାହାରନପୁର ସାଂସଦ କହିଛନ୍ତି ଯେ, ଯଦି କଂଗ୍ରେସ ଏସପିଠାରୁ ପୃଥକ ଭାବରେ ନିର୍ବାଚନ ଲଢ଼େ, ତେବେ ଦଳ ବହୁତ ଭଲ ପ୍ରଦର୍ଶନ କରିବ।

କେବଳ ଏତିକି ନୁହେଁ, ମାସୁଦ ୨୦୨୭ ମସିହାରେ ବହୁଜନ ସମାଜ ପାର୍ଟି(ବିଏସପି) ସହିତ ମେଣ୍ଟ ଗଠନ କରିବା ବିଷୟରେ ମଧ୍ୟ କହିଛନ୍ତି। ଯାହା ପରେ ରାଜ୍ୟ ରାଜନୀତି ସରଗରମ ସ୍ଥିତି ସୃଷ୍ଟି ହୋଇଛି। ସେ କହିଛନ୍ତି ଯେ, କଂଗ୍ରେସ ଏବଂ ବିଏସପି ମଧ୍ୟରେ ମେଣ୍ଟ କରିବା ବିଷୟରେ ବିଏସପି ଚିନ୍ତା କରିବା ଉଚିତ୍।

ଇମ୍ରାନ ମାସୁଦଙ୍କ ଏହି ମନ୍ତବ୍ୟରୁ ଏହା ଜଣାପଡୁଛି ଯେ, ଉତ୍ତର ପ୍ରଦେଶରେ  ୟୁପିରେ ଦୁଇ ପୁଅ' ପରେ, ବିଏସପି ଏବଂ କଂଗ୍ରେସ ମିଳିତ ଭାବରେ 'ମୁଁ ଝିଅ, ମୁଁ ଲଢ଼ି ପାରିବି' ସ୍ଲୋଗାନ ଦେବାକୁ ଯାଉଛନ୍ତି। କାରଣ କଂଗ୍ରେସ ସୂତ୍ର କହୁଛି ଯେ, ପ୍ରିୟଙ୍କା ଗାନ୍ଧୀଙ୍କୁ ଖୁବ୍ ଶୀଘ୍ର ପୁଣିଥରେ ଉତ୍ତର ପ୍ରଦେଶର ପ୍ରଭାରୀ କରାଯିବ। ସେ ସଂଗଠନକୁ ମଜବୁତ କରିବେ।

ଏହା ସହିତ, କଂଗ୍ରେସ ଅଜୟ ରାୟଙ୍କ ସ୍ଥାନରେ ଇମ୍ରାନ ମାସୁଦଙ୍କୁ ରାଜ୍ୟ ସଭାପତି କରିପାରେ ବୋଲି ଆଲୋଚନା ହେଉଛି। ଉତ୍ତର ପ୍ରଦେଶରେ ଗାନ୍ଧୀ ପରିବାରର ନିକଟତର କେବଳ ଦୁଇ ଜଣ ବଡ଼ ମୁସଲିମ ଚେହେରା ଅଛନ୍ତି। ପ୍ରଥମରେ ଇମ୍ରାନ ପ୍ରତାପଗଡ଼ୀଙ୍କ ନାମ ଆସୁଥିବାବେଳେ ଦ୍ୱିତୀୟରେ ଇମ୍ରାନ ମାସୁଦଙ୍କ ନାମ ଆସୁଛି।

ନିକଟ ଅତୀତରେ କଂଗ୍ରେସ ଏବଂ ସମାଜବାଦୀ ପାର୍ଟିର ନେତାମାନଙ୍କ ମଧ୍ୟରେ ଯେଉଁ ପ୍ରକାରର ବୟାନବାଜି ଦେଖାଯାଇଛି, ତାହା ପରେ ଏସପି-କଂଗ୍ରେସ ମେଣ୍ଟ ଶେଷ ହେବା ନେଇ କଳ୍ପନାଜଳ୍ପନା ଆରମ୍ଭ ହୋଇଛି। ଇମ୍ରାନ ମାସୁଦ  କହିଥିଲେ ଯେ, କଂଗ୍ରେସ ପାଇଁ ୟୁପିରେ କୌଣସି ଆଶାବାଡ଼ିର ଆବଶ୍ୟକତା ନାହିଁ ଏବଂ କଂଗ୍ରେସ ରାହୁଲ ଗାନ୍ଧୀଙ୍କ ଯୋଗୁ ନିର୍ବାଚନ ଜିତିଛି।

ଏବେ ସେ ବିଏସପି ସହିତ ମେଣ୍ଟ ବିଷୟରେ କହି ଏକ ନୂତନ ବିତର୍କ ଆରମ୍ଭ କରିଛନ୍ତି। ରାଜନୈତିକ ବିଶେଷଜ୍ଞମାନଙ୍କ ଅନୁସାରେ, ସମାଜବାଦୀ ପାର୍ଟିଠାରୁ କଂଗ୍ରେସର ଦୂରତାରୁ ମାୟାବତୀ ଲାଭ ପାଇପାରିବାର ଆଶା ରହିଛି।

ୟୁପିରେ ଛଅଟି ଲୋକସଭା ଆସନ ଜିତିବା ପରେ, କଂଗ୍ରେସ ଏବେ ନୂତନ ଶକ୍ତି ସହିତ ରାଜ୍ୟରେ ପାଦ ଥାପିବାକୁ ଚେଷ୍ଟା କରୁଛି। ଅନ୍ୟପକ୍ଷରେ, ସବୁଠାରୁ ଦୁର୍ବଳ ପର୍ଯ୍ୟାୟ ଦେଇ ଗତି କରୁଥିବା ବିଏସପି ମଧ୍ୟ ତୃଣମୂଳ ସ୍ତରରେ ଦଳକୁ ପୁଣି ମଜବୁତ କରିବାରେ ନିୟୋଜିତ ହୋଇଛି। ଯଦି ଏସପି ସହିତ ମେଣ୍ଟ ଭାଙ୍ଗିଯାଏ, ତେବେ କଂଗ୍ରେସ ବିଏସପି ଆଡକୁ ମୁହାଁଇପାରେ। କିନ୍ତୁ ଏହା ଏତେ ସହଜ ନୁହେଁ।

ମାୟାବତୀ ଏସପି ସହିତ କଂଗ୍ରେସକୁ  ମଧ୍ୟ କଡ଼ା ସମାାଲୋଚନା କରିବା ଜାରି ରଖିଛନ୍ତି। କଂଗ୍ରେସ ଦଳ ପ୍ରତି ତାଙ୍କର ଅସନ୍ତୋଷ ତାଙ୍କ ବକ୍ତବ୍ୟରୁ ମଧ୍ୟ ସ୍ପଷ୍ଟ ଭାବରେ ଜଣାପଡ଼ିଥାଏ। କେବଳ ଏତିକି ନୁହେଁ, ମାୟାବତୀ ଅନେକ ଥର ଦୋହରାଇଛନ୍ତି ଯେ, ଏବେ ତାଙ୍କ ଦଳ କାହା ସହିତ ମେଣ୍ଟ କରିବ ନାହିଁ।

ସମାଜବାଦୀ ପାର୍ଟି ଉତ୍ତର ପ୍ରଦେଶର ଏକ ବଡ଼ ଦଳ। ଲୋକସଭା ଫଳାଫଳ ପରି, ବିଧାନସଭା ନିର୍ବାଚନରେ ​​ମଧ୍ୟ କଂଗ୍ରେସକୁ ଆସନ ପାଇଁ ସଂଘର୍ଷ କରିବାକୁ ପଡିବ। କଂଗ୍ରେସ ସଂଗଠନକୁ ଗଢ଼ି ତୋଳିବାରେ ଏବଂ ତୃଣମୂଳ ସ୍ତରରେ ନିଜର ଉପସ୍ଥିତି ସୁଦୃଢ଼ କରିବାରେ ବ୍ୟସ୍ତ।

ଅଧିକ ପଢ଼ନ୍ତୁ: ଅଭିନେତ୍ରୀ ମାହିରାଙ୍କୁ ଅସଦାଚରଣ: ଭିଡ଼ରେ ଗାର୍ଡ ତାଙ୍କୁ ଜୋରରେ ଧରି ରଖିଲେ, ଭିଡିଓ ଭାଇରାଲ

ଯଦି କଂଗ୍ରେସ ଦଳ ଏସପି ସହିତ ୨୦୨୭ ନିର୍ବାଚନରେ ​​ଯାଏ, ତେବେ ଏହା ପୁଣି ଥରେ ୧୦ ରୁ ୧୫ ଜିଲ୍ଲାରେ ଅସ୍ତିତ୍ବ ହରାଇବାର ଆଶଙ୍କା ରହିଥିବା କୁହାଯାଉଛି। ଏହା ଅପେକ୍ଷା ଫେରିବା ପାଇଁ ରାସ୍ତା ଖୋଜୁଥିବା ବିଏସପି ସହିତ ମିଶି ନିର୍ବାଚନ ଲଢ଼ିଲେ ଭଲ ହେବ ବୋଲି ରାଜନୈତିକ ସମୀକ୍ଷକ ମତପୋଷଣ କରିଛନ୍ତି। 

କାରଣ ବିଏସପି ଏସପି ଅପେକ୍ଷା କଂଗ୍ରେସକୁ ଅଧିକ ଆସନ ଦେବ। କଂଗ୍ରେସ ଦଳ ମୁସଲିମ ଭୋଟ ବ୍ୟାଙ୍କକୁ ସହଜରେ ହାତେଇ ପାରିବ। କିନ୍ତୁ ଦଳିତ ଭୋଟ ବ୍ୟାଙ୍କ ହାତେଇବା ପାଇଁ କଠିନ ପରିଶ୍ରମ କରିବାକୁ ପଡିବ। ଏହି କାରଣରୁ ଉଭୟ ଦଳ ଏକାଠି ହେଲେ ରାଜନୈତିକ ଶକ୍ତି ବୃଦ୍ଧି ପାଇବାର ଆଶା ରହିଛି। ତଥାପି, କ୍ଷମତା ହାସଲ ଆଶା ସହଜ ହେବ ନାହିଁ ବୋଲି ରାଜନୈତିକ ସମୀକ୍ଷକ ମତପୋଷଣ କରିଛନ୍ତି।

ଅଧିକ ପଢ଼ନ୍ତୁ: ପରିବାର ଲୋକଙ୍କ ଅଭିଯୋଗ: ହସ୍ତାନ୍ତର କରାଯାଉନି ‘ବାସବରାଜୁ’ର ମୃତଦେହ

uttarpradesh | Bsp mayawati congress