ରାହୁଲ କହିଲେ, ୧୫ ମିନିଟରେ କିଭଳି ସୁଧୁରିପାରିବ ଅର୍ଥବ୍ୟବସ୍ଥା
ରାଞ୍ଚି: ଦେଶରେ ବିଗୁଡୁଥିବା ଅର୍ଥବ୍ୟବସ୍ଥାକୁ ନେଇ ଆଜି କଂଗ୍ରେସ ସାଂସଦ ତଥା ବରିଷ୍ଠ ନେତା ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ କରିଛନ୍ତି | ୧୫ ମିନିଟରେ ଅର୍ଥବ୍ୟବସ୍ଥା କିଭଳି ସୁଧୁରିପାରିବ ସେ ନେଇ ରାହୁଲ ଆଜି ଜନସାଧାରଣଙ୍କୁ ସମ୍ବୋଧନ କରି କହିଛନ୍ତି | ଝାଡ଼ଖଣ୍ଡର ରାଜମହଲ ନିର୍ବାଚନ ସଭାରେ ରାହୁଲ କହିଛନ୍ତି ଯେ ନରେନ୍ଦ୍ର ମୋଦୀ କେବଳ ନିଜ ବନ୍ଧୁମାନଙ୍କୁ ସାହାଯ୍ୟ କରିଥାନ୍ତି |
Sambad is now on WhatsApp
Join and get latest news updates delivered to you via WhatsApp
ଯେତିକି ଟଙ୍କା ମୋଦୀ ତାଙ୍କ ଧନୀ ସାଙ୍ଗମାନଙ୍କୁ ଦେଇଛନ୍ତି ସେତିକି ଟଙ୍କା ଯଦି ଦେଶର ଗରିବଙ୍କୁ ଦେଇଦେବେ ତେବେ ଦେଶର ଅର୍ଥବ୍ୟବସ୍ଥା ୧୫ ମିନିଟରେ ସୁଧୁରିଯିବ | କାରଣ ଗରିବଙ୍କ ପାଖରେ ଟଙ୍କା ଥିଲେ ସେମାନେ ଜିନିଷ କିଣିପାରିବେ |
ରାହୁଲ କହିଛନ୍ତି ଯେ ଜିଏସ୍ଟି ଓ ବିମୁଦ୍ରାକରଣ ସାଧାରଣ ଲୋକଙ୍କ ପାଇଁ କ୍ଷତି ସାବ୍ୟସ୍ତ ହୋଇଛି | କିନ୍ତୁ ଦେଶର ୧୫ ରୁ ୨୦ ଜଣ ଶିଳ୍ପପତିଙ୍କୁ ଏହା ଲାଭ ଦେଇଛି | ରାହୁଲ କହିଛନ୍ତି ଯେ ପ୍ରଧାନମନ୍ତ୍ରୀ ଝାଡ଼ଖଣ୍ଡର ଅର୍ଥ ଧନୀଙ୍କ ଦେଇଥାନ୍ତି | ଗରିବ ଲୋକଙ୍କ ପଇସା ନିଜ ସାଙ୍ଗକୁ ଦେଇଛନ୍ତି | ସେହିପରି ମୋଦୀ ଦେଶର ଲୋକଙ୍କ ମଧ୍ୟରେ ବିଭାଜନ ପାଇଁ ଚେଷ୍ଟା କରୁଥିବାର ରାହୁଲ କହିଛନ୍ତି |