ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ପାଇଁ ଆଉ ମାତ୍ର କିଛି ମାସ ବାକି ଥିବାବେଳେ ନିର୍ବାଚନ କମିସନ ଏକ ‘ସ୍ବତନ୍ତ୍ର ମତଦାନ ସୂଚୀ ସଂଶୋଧନ ଅଭିଯାନ’ ଆରମ୍ଭ କରିଛନ୍ତି। ନିର୍ବାଚନ କମିସନଙ୍କ ଏହି ନିଷ୍ପତ୍ତିକୁ ବିହାରରେ ବିରୋଧୀ ଦଳଗୁଡ଼ିକ ତୀବ୍ର ବିରୋଧ କରିଛନ୍ତି ଏବଂ ଆଜି ବିହାରରେ ‘ଚକା ଜାମ୍’ ଡାକରା ଦିଆଯାଇଥିଲା। କଂଗ୍ରେସ ନେତା ରାହୁଲ ଗାନ୍ଧୀ, ଆରଜେଡି ନେତା ତେଜସ୍ବୀ ଯାଦବ, ସିପିଆଇର ଡି ରାଜା ଏବଂ ସିପିଏମ୍ର ଦୀପଙ୍କର ଭଟ୍ଟାଚାର୍ଯ୍ୟ ଇସିଙ୍କ ନିଷ୍ପତ୍ତିକୁ ବିରୋଧ କରି ମୁଖ୍ୟ ନିର୍ବାଚନ ଅଫିସରଙ୍କ ଅଫିସକୁ ଆନ୍ଦୋଳନ ଯାତ୍ରା କରିଛନ୍ତି। ପାଟନାର ଆୟକର ଅଫିସ ନିକଟରୁ ଏହି ଯାତ୍ରା ଆରମ୍ଭ ହୋଇଥିଲା। ତେଜସ୍ବୀ ଯାଦବ ନିର୍ବାଚନ ଆୟୋଗକୁ ବିଜେପି ଏବଂ ନୀତୀଶ କୁମାରଙ୍କ ‘ଗୋଦି ଆୟୋଗ’ ବୋଲି କହି ବଡ଼ ଆନ୍ଦୋଳନ ପାଇଁ ଆହ୍ବାନ ଦେଇଥିଲେ। ତେଜସ୍ବୀ ଯାଦବ କହିଛନ୍ତି ବିଜେପିର ଦାଦାଗିରି ଏବଂ ନୀତୀଶ କୁମାରଙ୍କ ଗୋଦି ଆୟୋଗକୁ ଆମେ ଅନୁମତି ଦେବୁ ନାହିଁ। ବିହାର ହେଉଛି ଗଣତନ୍ତ୍ରର ମା’ ଏବଂ ସେମାନେ ଏଠାରେ ଗଣତନ୍ତ୍ରକୁ ଶେଷ କରିଦେବାକୁ ଚାହାନ୍ତି। ବିହାରର ଲୋକମାନେ ଏହା କରିବାପାଇଁ ଦେବେନାହିଁ ଏବଂ ବିପ୍ଳବ ହେବ ବୋଲି ତେଜସ୍ବୀ କହିଛନ୍ତି। ଆନ୍ଦୋଳନ ସ୍ଥଳରେ ଉଦ୍ବୋଧନ ଦେଇ ରାହୁଲ ଗାନ୍ଧୀ ଦାବି କରିଛନ୍ତି ଯେ ବିହାରରେ ମଧ୍ୟ ଏଭଳି ଏକ ସମାନ ଉଦ୍ୟମ ହୋଇଛି ଯାହା ନିର୍ବାଚନ କମିସନ ପକ୍ଷରୁ ମହାରାଷ୍ଟ୍ରରେ କରାଯାଇଥିଲା।
ଇତିମଧ୍ୟରେ ବିଜେପି ମହାମେଣ୍ଟର ‘ବିହାର ବନ୍ଦ’ ଡାକରା ପାଇଁ ପ୍ରବଳ ବର୍ଷିଛି। ‘ଚକା ଜାମ୍’ ନାଁରେ ଏହା ଗୁଣ୍ଡାଗର୍ଦ୍ଦି କରୁଛି ବୋଲି ବିଜେପି ଅଭିଯୋଗ କରିଛି। ବିଜେପି ନେତା ଶାହନୱାଜ ହୁସେନ କହିଛନ୍ତି, ବିହାରରେ ଇଣ୍ଡି ମେଣ୍ଟର କିଛି ବାସ୍ତବ ପ୍ରସଙ୍ଗ ନାହିଁ। ଏନ୍ଡିଏ ସରକାର ତଥା ନୀତୀଶ କୁମାର ପ୍ରଶାସନ ବିରୋଧରେ ସେମାନଙ୍କର କୌଣସି ବୈଧ ସମାଲୋଚନା ନାହିଁ। ଉଭୟ ଦେଶ ଓ ବିହାର ଆଗକୁ ବଢ଼ୁଛି। ବିରୋଧୀ ଦଳ କେବଳ ହତାଶାରେ ନିର୍ବାଚନ କମିସନଙ୍କୁ ସଫ୍ଟ ଟାର୍ଗେଟ୍ କରିଛନ୍ତି ବୋଲି ସେ କହିଛନ୍ତି।
ବିହାରରେ ମହାମେଣ୍ଟ ଆନ୍ଦୋଳନର ନେତୃତ୍ବ ନେଲେ ରାହୁଲ, ତେଜସ୍ବୀ
ବିହାର ବିଧାନସଭା ନିର୍ବାଚନ ପାଇଁ ଆଉ ମାତ୍ର କିଛି ମାସ ବାକି ଥିବାବେଳେ ନିର୍ବାଚନ କମିସନ ଏକ ‘ସ୍ବତନ୍ତ୍ର ମତଦାନ ସୂଚୀ ସଂଶୋଧନ ଅଭିଯାନ’ ଆରମ୍ଭ କରିଛନ୍ତି। ନିର୍ବାଚନ କମିସନଙ୍କ ଏହି ନିଷ୍ପତ୍ତିକୁ ବିହାରରେ...
/sambad/media/media_files/2025/07/10/qcxzsdawe-2025-07-10-06-26-50.jpg)