ଏହା କେବଳ ପଦବୀ ନୁହେଁ, ଭାରତର ଭବିଷ୍ୟକୁ ପ୍ରତିନିଧିତ୍ୱ କରେ; ଭବିଷ୍ୟତର କଂଗ୍ରେସ ଅଧ୍ୟକ୍ଷଙ୍କୁ ରାହୁଲଙ୍କ ପରାମର୍ଶ
ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ପଦ ପାଇଁ ନାମାଙ୍କନ ପ୍ରକ୍ରିୟା ସେପ୍ଟେମ୍ବର ୨୪ରୁ ଆରମ୍ଭ ହେବାକୁ ଯାଉଛି। ଏହି ସମୟରେ ରାହୁଲ ଗାନ୍ଧୀ ଅଧ୍ୟକ୍ଷ ପଦ ପାଇଁ ଦୌଡ଼ରେ ଥିବା ନେତାମାନଙ୍କୁ ଏକ ପରାମର୍ଶ ଦେଇଛନ୍ତି। ଭାରତ ଯୋଡା ଯାତ୍ରାରେ ବ୍ୟସ୍ତ ଥିବା ରାହୁଲ ଗାନ୍ଧୀ ଗୁରୁବାର କହିଛନ୍ତି ଯେ କଂଗ୍ରେସର ଅଧ୍ୟକ୍ଷ ହେବା କେବଳ ଏକ ପଦବୀ ନୁହେଁ ବରଂ ଏହା ବିଶ୍ୱାସର ପ୍ରତୀକ। ଏହା ଭାରତର ଭବିଷ୍ୟକୁ ପ୍ରତିନିଧିତ୍ୱ କରେ।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ସହ କଥାବାର୍ତ୍ତା କରି ରାହୁଲ ଗାନ୍ଧୀ କହିଛନ୍ତି, ‘ଯେଉଁମାନେ କଂଗ୍ରେସ ସଭାପତି ଅଧ୍ୟକ୍ଷ ପଦବୀ ପାଇଁ ପ୍ରତିଦ୍ୱନ୍ଦ୍ୱିତା କରୁଛନ୍ତି ସେମାନଙ୍କ ପାଇଁ ମୋର ପରାମର୍ଶ ହେଉଛି ଆପଣ ଯେଉଁ ପଦବୀ ପାଇବାକୁ ଯାଉଛନ୍ତି ତାହା ଐତିହାସିକ ଏବଂ ଏହା ଭାରତର ବିଚାରକୁ ପ୍ରତିନିଧିତ୍ୱ କରେ। କଂଗ୍ରେସ ଅଧ୍ୟକ୍ଷ ପଦବୀ ଏକ ଆଦର୍ଶଗତ ପଦବୀ। କଂଗ୍ରେସ ଅଧ୍ୟକ୍ଷ ଏକ ଧାରଣା, ଏକ ବିଶ୍ୱାସ ପ୍ରଣାଳୀ ଏବଂ ଭାରତର ଦୃଷ୍ଟିକୋଣକୁ ପ୍ରତିନିଧିତ୍ୱ କରନ୍ତି।
ଏହି ସମୟରେ ରାହୁଲ ଗାନ୍ଧୀ ମୋଦୀ ସରକାରଙ୍କୁ ମଧ୍ୟ ଟାର୍ଗେଟ କରିଥିଲେ। ସେ କହିଥିଲେ ଯେ ଆମେ ଏକ ଏଭଳି ମେସିନ୍ ସହିତ ଲଢ଼ୁଛୁ, ଯାହା ଦେଶର ଅନୁଷ୍ଠାନଗୁଡ଼ିକୁ କବଜା କରି ନେଇଛି। ସେମାନଙ୍କ ପାଖରେ ବହୁତ ଟଙ୍କା ଅଛି। ତେଣୁ ସେମାନେ ଏସବୁ କିଣି ପାରିବେ। ଲୋକଙ୍କ ଉପରେ ଚାପ ପକାଇ ସେମାନଙ୍କୁ ଧମକ ଦେଇପାରିବେ। ଗୋଆ ଭଳି ରାଜ୍ୟରେ ଆପଣ ଏହାର ଫଳାଫଳ ମଧ୍ୟ ଦେଖିଛନ୍ତି। ଏହି ସମୟରେ କଂଗ୍ରେସ ପାର୍ଟି ଅଧ୍ୟକ୍ଷ ନିର୍ବାଚନ ପାଇଁ ବିଜ୍ଞପ୍ତି ଜାରି କରିଛି। କାର୍ଯ୍ୟସୂଚୀ ଅନୁଯାୟୀ, ଯେକୌଣସି ନେତା ନିର୍ବାଚନରେ ପ୍ରତିଦ୍ୱନ୍ଦ୍ୱିତା ପାଇଁ ସେପ୍ଟେମ୍ବର ୨୪ରୁ ୩୦ପର୍ଯ୍ୟନ୍ତ ନାମାଙ୍କନପତ୍ର ଦାଖଲ କରିପାରିବେ। ଏହା ବ୍ୟତୀତ ନାମାଙ୍କନ ପ୍ରତ୍ୟାହାରର ଶେଷ ତାରିଖ ଅକ୍ଟୋବର ୮ ହେବ।