ନୂଆଦିଲ୍ଲୀ : କଂଗ୍ରେସ ନେତା‌ ରାହୁଲ ଗାନ୍ଧି ଏବଂ ତାଙ୍କ ମା’ ସୋନିଆ ଗାନ୍ଧିଙ୍କ ବିମାନ ଗତକାଲି ମଧ୍ୟପ୍ରଦେଶର ଭୋପାଳରେ ଜରୁରୀ ଅବତରଣ କରିଥିଲା। ସୋନିଆ ଓ ରାହୁଲଙ୍କୁ ଧରି ବେଙ୍ଗାଲୁରୁରୁ ଦିଲ୍ଲୀ ଉଡ଼ାଣ କରୁଥିବା ଏକ ଚାର୍ଟଡ ବିମାନ ଗତକାଲି ଖରାପ ପାଗ ପାଇଁ ଭୋପାଳରେ ଜରୁରୀ ଅବତରଣ କରିଥିଲା। ଏହି ଘଟଣା ପରେ କଂଗ୍ରେସ ନେତା ରାହୁଲ ଗାନ୍ଧି ତାଙ୍କ ମା’ଙ୍କୁ ନେଇ ଭାବପ୍ରବଣ ପୋଷ୍ଟ୍‌ କରିଛନ୍ତି। ସୋନିଆ ଚାର୍ଟଡ ବିମାନରେ ଏମର୍ଜେନ୍ସି ଅକ୍ସିଜେନ ମାସ୍କ ପିନ୍ଧି ବସିଥିବାର ଏକ ଫଟୋ ରାହୁଲ ଆଜି ଇନଷ୍ଟାଗ୍ରାମରେ ପୋଷ୍ଟ୍‌ କରିଛନ୍ତି ଏବଂ ଲେଖିଛନ୍ତି, ‘ମା’ ବିଷମ ପରିସ୍ଥିତିରେ ଧୈର୍ଯ୍ୟର ପ୍ରତୀକ ’।