ଦିଲ୍ଲୀରେ ଜେଇଏମ୍ ଆତଙ୍କବାଦୀ ଆକ୍ରମଣ ଆଶଙ୍କା, ରେଡ ଆର୍ଲଟ ଜାରି
ନୂଆଦିଲ୍ଲୀ: ଆତଙ୍କବାଦୀ ଆକ୍ରମଣର ଆଶଙ୍କା ରହିଛି ବୋଲି ଗୁଇନ୍ଦା ସଂସ୍ଥା ପକ୍ଷରୁ ସୂଚନା ମିଳିବା ପରେ ଦିଲ୍ଳୀର ନେସ୍ନାଲ୍ କ୍ୟାପିଟାଲ୍ ରିଜିଅନ୍(ଏନ୍ସିଆର୍)ରେ ରେଡ ଆଲର୍ଟ ଜାରି କରାଯାଇଛି। ଆତଙ୍କବାଦୀ ସଂଗଠନ ଜୈଶ୍-ଇ-ମହମ୍ମଦର ୩ରୁ ୪ ଜଣ ଆତଙ୍କବାଦୀଙ୍କର ସଂପୃକ୍ତ ଅଞ୍ଚଳରେ ଉପସ୍ଥିତି ଆଶଙ୍କା କରାଯିବା ପରେ ରେଡ ଆର୍ଲଟ ଜାରି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଜମ୍ମୁ-କଶ୍ମୀରରେ ଧାରା ୩୭୦ର ଉଚ୍ଛେଦକୁ ବିରୋଧ କରି ଦିଲ୍ଲୀର ଏନ୍ସିଆର୍ ଅଞ୍ଚଳରେ ଆତଙ୍କବାଦୀମାନେ ଆକ୍ରମଣ ଘଟାଇପାରନ୍ତି ବୋଲି ଆଶଙ୍କା କରାଯାଉଛି।
Delhi Police Special Cell is conducting raids at several locations in the city after receiving inputs on likely terror strike. pic.twitter.com/ctXXro53Rd
— ANI (@ANI) October 3, 2019
ଗୁଇନ୍ଦା ରିପୋର୍ଟ ପାଇବା ପରେ ଦିଲ୍ଳୀ ପୁଲିସ୍ ବୁଧବାର ରାତିରୁ ସିଲାମପୁର, ଉତ୍ତର-ପୂର୍ବ, ଜମିଆ ନଗର, ପହରଗଞ୍ଜ ସମତେ ଦିଲ୍ଳୀର ଅନ୍ୟ କେତେକ ସ୍ଥାନରେ ଚଢ଼ଉ ଆରମ୍ଭ କରିଛି। ବୁଧବାର ରାତି ପ୍ରାୟ ୯ଟାରୁ ଦିଲ୍ଳୀ ପୁଲିସ୍ ଓ ଗୁଇନ୍ଦା ବିଭାଗର କେତେକ କର୍ମୀ ଏହି କାମରେ ଲାଗି ପଡ଼ିଛନ୍ତି।
ଗତମାସ ପ୍ରକାଶ ପାଇଥିବା ଏକ ରିପୋର୍ଟରୁ ଜାଣିବାକୁ ମିଳିଥିଲା ଯେ ୮-୧୦ ଜଣ ଆତଙ୍କବାଦୀ ଜମ୍ମୁ-କଶ୍ମୀରରେ ଆତ୍ମଘାତୀ ଆକ୍ରମଣ ଘଟାଇ ପାରନ୍ତି।