ନୂଆଦିଲ୍ଲୀ : ରେଳ ବଜେଟରେ ଓଡ଼ିଶାକୁ ରେକର୍ଡ ଅନୁଦାନ ସଂପର୍କରେ ଆଜି ରେଳମନ୍ତ୍ରୀ ଅଶ୍ବିନୀ ବୈଷ୍ଣବ କହିଛନ୍ତି ଯେ ରେଳ ବଜେଟରେ ଓଡ଼ିଶା ପାଇଁ ମୋଟ ୯୭୨୩ କୋଟି ଟଙ୍କାର ଅନୁଦାନ ଦିଆଯାଇଛି । ଏଥିପାଇଁ ସେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି କଂଗ୍ରେସ ସରକାରଙ୍କ ଅମଳ ତୁଳନାରେ ଓଡ଼ିଶାକୁ ଦିଆଯାଇଥିବା ଅନୁଦାନ ପରିମାଣ ପ୍ରାୟ ୧୦ ଗୁଣ ବୃଦ୍ଧି ପାଇଛି । ଓଡ଼ିଶାରେ ରେଳ ଭିତ୍ତିଭୂମିର ବିକାଶ ଉପରେ କେନ୍ଦ୍ର ସରକାର ବିଶେଷ ଗୁରୁତ୍ବ ଦେଉଛନ୍ତି ।
ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି ଯେ କଳାହାଣ୍ଡିରେ ପ୍ରସ୍ତାବିତ ଓ୍ବାଗନ କାରଖାନା ପାଇଁ ଜମି ଅଧିଗ୍ରହଣ ଚାଲୁ ରହିଛି । ଏପର୍ଯ୍ୟନ୍ତ ୫୦ ପ୍ରତିଶତ ଜମି ଅଧିଗ୍ରହଣ ହୋଇଛି । ରାଜ୍ୟ ସରକାର ସଂପୂର୍ଣ୍ଣ ଜମିଅଗ୍ରହଣ କରିବା ପରେ ପ୍ରକଳ୍ପ କାମ ଆଗେଇବ । ସେ କହିଛନ୍ତି ଯେ ପ୍ରକଳ୍ପ ନେଇ ସୃଷ୍ଟି ହେଉଥିବା ସ୍ଥାନୀୟ ସମସ୍ୟା ଦୂର କରିବା ରାଜ୍ୟ ସରକାରଙ୍କ ଦାୟିତ୍ବ । ଅଧିକ ଜମି ମିଳିଲେ ପ୍ରକଳ୍ପ କାମ ଆଗେଇ ଚାଲିବ । ପୁଣି ରେଳବାଇ ଏକ ଜଟିଳ ସମସ୍ୟା ହୋଇଥିବାରୁ ଏହାକୁ ନେଇ ରାଜନୀତି କରାଯିବା ଉଚିତ ନୁହେଁ ।