ସାବଧାନ ରେଳ କର୍ମଚାରୀ! ଦୁର୍ନୀତିଗ୍ରସ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ପ୍ରୋଫାଇଲ୍‌ ଅନୁଧ୍ୟାନ କରୁଛି ମନ୍ତ୍ରାଳୟ

ନୂଆଦିଲ୍ଲୀ: ଦୁର୍ନୀତିଗ୍ରସ୍ତ କର୍ମଚାରୀଙ୍କ ପ୍ରୋଫାଇଲ୍‌କୁ ଅନୁଧ୍ୟାନ କରୁଛି ରେଳ ମନ୍ତ୍ରାଳୟ। କେନ୍ଦ୍ର ରେଳ ମନ୍ତ୍ରୀ ପିୟୂଷ ଗୋଏଲ୍‌ ସୋମବାର ପ୍ରକାଶ କରିଛନ୍ତି ଯେ ଲୋକମାନଙ୍କୁ ଠିକ୍‌ ବାର୍ତ୍ତା ଦେବା ଉଦେଶ୍ୟରେ ତାଙ୍କ ମନ୍ତ୍ରାଳୟ ପକ୍ଷରୁ ଦୁର୍ନୀତିଗ୍ରସ୍ତ କର୍ମଚାରୀଙ୍କ ପ୍ରୋଫାଇଲ୍‌ ଅନୁଧ୍ୟାନ କରିବା ଆରମ୍ଭ କରାଯାଇଛି।

ଗୋଏଲ୍‌ ଆହୁରି ବି କହିଛନ୍ତି ଯେ ପୂର୍ବରୁ କେତେକ ଦୁର୍ନୀତିଗ୍ରସ୍ତ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ସାରିଛି।

#WATCH Union Railway Minister Piyush Goyal in London: Action being taken against officers who had integrity issues in several departments. My own Railways Ministry is now studying profiles of many officers to see if some action can be initiated to give a message to the others. pic.twitter.com/2E0bIUaLEd

— ANI (@ANI) July 15, 2019

ଇଂଲଣ୍ଡରେ ହେଉଥିବା ଇଣ୍ଡିଆ ଡେ କନ୍‌କ୍ଲେଭ୍‌ରେ ଯୋଗ ଦେବାକୁ ତିନି ଦିନିଆ ଗସ୍ତରେ ଯାଇ ଗୋଏଲ କହିଛନ୍ତି କି ‘ରେଳ ବିଭାଗରେ ସ୍ୱଚ୍ଛତା ବଜାୟ ରଖିବା ପାଇଁ ସରକାର ସମସ୍ତ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।’