ଏହି ଛୋଟିଆ କାମ କରିଦେଲେ, ରେଳ ମନ୍ତ୍ରାଳୟ ନେବ ଆପଣଙ୍କୁ ନିଦରୁ ଉଠାଇବାର ଦାୟିତ୍ୱ

ନୂଆଦିଲ୍ଲୀ: କିଛି ଦିନ ତଳେ ଉତ୍ତର-ପଶ୍ଚିମ ରେଲୱେ ଆରମ୍ଭ କରିଥିବା ‘ୱେକ ଅଫ କଲ’ ସେବା ବାବଦରେ ଆମେ ଆପଣଙ୍କୁ କହିଥିଲୁ | ଏହି ସେବା ଦ୍ୱାରା ଯାତ୍ରୀଙ୍କୁ ନିଦରୁ ଉଠାଇବାକୁ ଖୋଦ ଉତ୍ତର ପଶ୍ଚିମ ରେଲୱେ ଦାୟିତ୍ୱ ନେଇଥିବାର କଥା ଆମେ ଜଣାଇଥିଲୁ | ହେଲେ ଏବେ ଟ୍ରେନରେ ଯାତ୍ରା କରୁଥିବା ଯାତ୍ରୀଙ୍କ ପାଇଁ ଖୁସି ଖବର ଆଣିଛି ରେଳ ମନ୍ତ୍ରାଳୟ | ଏହି ଛୋଟିଆ କାମଟିଏ କରିଦେଲେ ରେଳ ମନ୍ତ୍ରାଳୟ ଆପଣଙ୍କୁ ନିଦରୁ ଉଠାଇବାର ଦାୟିତ୍ୱ ନେବ |

ଟ୍ରେନ ଯାଉଥିବାବେଳେ ଯଦି ରାତିରେ କୌଣସି ଷ୍ଟେସନରେ ଓହ୍ଲାଇବାକୁ ଥାଏ, ଯାତ୍ରୀ ଶାନ୍ତିରେ ଶୋଇପାରିନଥାନ୍ତି | ବେଳେ ବେଳେ ଆଖି ଲାଗିଯାଇଥିବାରୁ ରାତିରେ ଯାତ୍ରୀ ଷ୍ଟେସନରେ ଓହ୍ଲାଇପାରିନଥାନ୍ତି | ମିଳିଥିବା ସୂଚନା ମୁତାବକ ଯାତ୍ରୀଙ୍କୁ ଏବେ ‘ୱେକ ଅଫ କଲ’ ବା ‘ଜାଗ୍ରତ ପାଇଁ ଫୋନଟିଏ’ ଭଳି ସୁବିଧା ଦେବା ଆରମ୍ଭ କରିଛି | ଅର୍ଥାତ ଯେଉଁ ଷ୍ଟେସନରେ ଯାତ୍ରୀଙ୍କୁ ଓହ୍ଲାଇବାକୁ ଥିବ, ଏହାର କିଛି ସମୟ ପୂର୍ବରୁ ପଂଜିକୃତ ନମ୍ବରକୁ ଫୋନ କଲଟିଏ ଆସିବ | ‘ଆପଣ ଉଠିଯାଆନ୍ତୁ, ଆପଣଙ୍କ ଷ୍ଟେସନ ଆସିବାକୁ ଯାଉଛି’ ବୋଲି ଏହି ଫୋନ କଲରେ ଶୁଣାଯିବ | ଏଥିପାଇଁ ଆପଣଙ୍କୁ ଏହି ଛୋଟ କାମଟି କରିବାକୁ ପଡିବ |
ପ୍ରଥମ କାମ: 139 ରେ ମୋବାଇଲରେ କଲ କରନ୍ତୁ
ଦ୍ଵିତୀୟ କାମ: ଭାଷା ଚୟନ କରନ୍ତୁ
ତୃତୀୟ କାମ: ବିକଳ୍ପରେ ୨ ନମ୍ବରକୁ ଚୟନ କରନ୍ତୁ
ଚତୁର୍ଥ କାମ: ବିକଳ୍ପରେ ୭ ନମ୍ବରକୁ ଚିପନ୍ତୁ
ପଞ୍ଚମ କାମ: ୧୦ ଅଙ୍କର ପିଏନଆର ନମ୍ବର ଦିଅନ୍ତୁ
ଷଷ୍ଠ କାମ: ଷ୍ଟେସନର ଏସଟିଡି କୋଡ଼ ଦେଇ ଷ୍ଟାର ବଟନ ଦବେଇବେ
ସପ୍ତମ କାମ: ଏହା ପରେ ଏକ କନଫର୍ମେଶନ ମେସେଜ ଆସିବ
ଏହା ପରେ ଆପଣଙ୍କ ମୋବାଇଲ ନମ୍ବର ଆକ୍ଟିଭ ହୋଇଯିବ ଓ ଷ୍ଟେସନ ଆସିବାର ଅଧଘଣ୍ଟା ଆଗରୁ ଫୋନ କଲ ଆସିଯିବ |

यात्रा के दौरान अब अपना स्टेशन छूट जाने की चिंता से मुक्ति दिलाने की व्यवस्था रेलवे ने की है।

यात्री 139 डॉयल कर Wake Up और Destination Alarm की सुविधा को शुरु कर सकते हैं। इस सुविधा से स्टेशन पर ट्रेन पहुंचने के आधा घंटा पहले उन्हें कॉल या नॉटिफिकेशन द्वारा एलर्ट किया जायेगा। pic.twitter.com/9k9PJb8OMv

— Piyush Goyal (@PiyushGoyal) February 22, 2020