ନୂଆଦିଲ୍ଲୀ : କୋଭିଡ-୧୯ ସଂକ୍ରମଣକୁ ଦୃଷ୍ଟିରେ ରଖି ଲକଡାଉନ ପରିପ୍ରେକ୍ଷୀରେ ଅତ୍ୟାବଶ୍ୟକ ସାମଗ୍ରୀ ଯେପରିକି ଡାକ୍ତରୀ ସାମଗ୍ରୀ, ଚିକିତ୍ସା ଉପକରଣ ଓ ଖାଦ୍ୟ ସାମଗ୍ରୀ ଇତ୍ୟାଦି ଛୋଟ ଛୋଟ ପାର୍ସଲ ଆକାରରେ ପରିବହନ କରିବା ବେଶ ଗୁରୁତ୍ୱପୂର୍ଣ୍ଣ ଥିଲା । ଏହି ଗୁରୁତ୍ୱପୂର୍ଣ୍ଣ ଆବଶ୍ୟକତାକୁ ପୂରଣ କରିବା ପାଇଁ ଭାରତୀୟ ରେଳବାଇ, ଇ-ବାଣିଜ୍ୟ ସଂସ୍ଥା ଏବଂ ରାଜ୍ୟ ସରକାରଙ୍କ ସମେତ ଅନ୍ୟ ଉପଭୋକ୍ତାମାନଙ୍କର ସାମଗ୍ରୀ ଦ୍ରୁତ ଗତିରେ ପହଞ୍ଚାଇବା ପାଇଁ ପାର୍ସଲ ଭ୍ୟାନ ସେବା ଉପଲବ୍ଧ କରାଇଛି । ଅତ୍ୟାବଶ୍ୟକ ସାମଗ୍ରୀର ନିରବଚ୍ଛିନ୍ନ ଯୋଗାଣକୁ ସୁନିଶ୍ଚିତ କରିବା ପାଇଁ ରେଲବାଇ ସ୍ଥିର କରାଯାଇଥିବା ରୁଟର ସମୟ-ସରଣୀ ଅନୁସାରେ ପାର୍ସଲ ଟ୍ରେନ ଚଳାଇବାକୁ ନିଷ୍ପତି ନେଇଛି।
Sambad is now on WhatsApp
Join and get latest news updates delivered to you via WhatsApp
ମଣ୍ଡଳ ରେଳବାଇ ଏହି ସ୍ୱତନ୍ତ୍ର ପାର୍ସଲ ଟ୍ରେନର ନିୟମିତ ଚଳାଚଳ ପାଇଁ ରୁଟ୍ ଗୁଡିକ ଚିହ୍ନଟ ଓ ସୂଚିତ କରୁଛି । ବର୍ତ୍ତମାନ ଏହି ଟ୍ରେନ ଗୁଡିକ ୬୫ଟି ରୁଟରେ ଚଳାଚଳ କରୁଛି । ସେହି ସୂଚୀରେ ସାମିଲ କରିବା ପାଇଁ ଯେଉଁ ରୁଟ୍ଗୁଡ଼ିକ ଚିହ୍ନଟ କରାଯାଇଛି ସେଗୁଡ଼ିକ ମଧ୍ୟରେ ରହିଛି, ରାଜ୍ୟ ରାଜଧାନୀଗୁଡିକରୁ/ଗୁରୁତ୍ୱପୂର୍ଣ୍ଣ ସହରରୁ ରାଜ୍ୟର ସମସ୍ତ ଅଞ୍ଚଳକୁ ଯୋଗାଯୋଗ, ଉତ୍ପାଦିତ ହେଉଥିବା ଅଞ୍ଚଳରୁ ଦେଶର ଅନ୍ୟଭାଗକୁ ଅତ୍ୟାବଶ୍ୟକ ସାମଗ୍ରୀ କୃଷି ପାଇଁ ଆବଶ୍ୟକ ସାମଗ୍ରୀ, ଔଷଧ, ଡାକ୍ତରୀ ଉପକରଣ ଇତ୍ୟାଦି)ର ଯୋଗାଣ।
୧୪ ତାରିଖ ସଂଧ୍ୟା ୬ଟା ସୁଦ୍ଧା ୭୭ଟି ଟ୍ରେନ ଚଳାଚଳ କରିଛି, ଏଥିମଧ୍ୟରୁ ୭୫ଟି ଟ୍ରେନ ହେଉଛି ସମୟ ସରଣୀ ଆଧାରରେ ଚଳାଚଳ କରିଥିବା ସ୍ୱତନ୍ତ୍ର ପାର୍ସଲ ଟ୍ରେନ । ମୋଟ ୧୮୩୫ ଟନର ସାମଗ୍ରୀ ବୋଝେଇ ହୋଇଛି, ଯାହା ରେଳବାଇ ପାଇଁ ଗୋଟିଏ ଦିନରେ ୬୩ ଲକ୍ଷ ଟଙ୍କା ଆୟ କରିଛି । ସେହିଭଳି, ଏହି ସମୟସୀମା ମଧ୍ୟରେ ମୋଟ୍ ୫୨୨ଟି ଟ୍ରେନ ଚଳାଚଳ କରିଛି । ଯେଉଁଥିରେ ୨୦,୪୭୪ ଟନର ସାମଗ୍ରୀ ବୋଝେଇ ହୋଇଛି ଏବଂ ପ୍ରାୟ ୭.୫୪ କୋଟି ଟଙ୍କାର ଆୟ ହୋଇଛି ।