ଐତିହାସିକ ବିଜୟ ପରେ ମାଗଣା ବିମାନ ଯାତ୍ରା ସହ ନୀରଜଙ୍କ ଉପରେ ପୁରସ୍କାର ରାଶିର ବର୍ଷା, ଏକ୍ସୟୁଭି ୭୦୦ ଦେବେ ଆନନ୍ଦ ମହିନ୍ଦ୍ରା
ନୂଆଦିଲ୍ଲୀ: ଗତକାଲି ଭାରତର ୧୨୫ ବର୍ଷର ସ୍ବପ୍ନକୁ ପୂରଣ କରିଥିଲେ ଜାଭଲିନ୍ ଫିଙ୍ଗାଳି ନୀରଜ ଚୋପ୍ରା | ୧୨୫ ବର୍ଷରୁ ଅଧିକ ହେବ ଦୌଡ଼କୁଦରେ ଭାରତକୁ ପଦକଟିଏ ମିଳିନଥିଲେ | ହେଲେ ଦୌଡ଼କୁଦରେ ସ୍ବର୍ଣ୍ଣ ପଦକ ଜିତି ସମସ୍ତ ଭାରତୀୟଙ୍କୁ ଗର୍ବିତ କରିଥିଲେ ଜାଭଲିନ୍ ଫିଙ୍ଗାଳି ନୀରଜ ଚୋପ୍ରା | ନୀରଜଙ୍କ ଏଭଳି ଐତିହାସିକ ବିଷୟ ପରେ ତାଙ୍କୁ ପ୍ରଥମେ ୬କୋଟି ଟଙ୍କାର ପୁରସ୍କାର ରାଶି ଦେବାକୁ ଘୋଷଣା କରିଥିଲେ ହରିଆଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର | ଏହା ପରଠାରୁ ତାଙ୍କ ଉପରେ ପୁରସ୍କାରର ବର୍ଷା ହେବାରେ ଲାଗିଛି |
Sambad is now on WhatsApp
Join and get latest news updates delivered to you via WhatsApp
କେଉଁଠୁ ଟଙ୍କା ପୁରସ୍କାର ଆକାରରେ ଆସୁଛି ତ କେଉଁଠୁ ଗାଡ଼ି | ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ୨କୋଟି ଟଙ୍କାର ପୁରସ୍କାର ରାଶି ଦେବାକୁ ଘୋଷଣା କରିଥିବା ବେଳେ ୧କୋଟି ଟଙ୍କା ଦେବାକୁ ଘୋଷଣା କରିଛି ବିସିସିଆଇ | ଆଇପିଏଲ୍ ଫ୍ରାଞ୍ଚାଇଜ୍ ଚେନ୍ନାଇ ସୁପର କିଙ୍ଗ୍ସ ନୀରଜଙ୍କ ପାଇଁ ଏକ କୋଟି ଟଙ୍କାର ପୁରସ୍କାର ରାଶି ଘୋଷଣା କରିଥିବା ବେଳେ ଇଣ୍ଡିଗୋ ପକ୍ଷରୁ ବର୍ଷକ ପାଇଁ ମାଗଣା ବିମାନ ଯାତ୍ରା ସୁବିଧା, ବାଇଜୁ ପକ୍ଷରୁ ୨କୋଟି ଟଙ୍କା ଓ ନୂଆ ମହିନ୍ଦ୍ରା ଏକ୍ସୟୁଭି ୭୦୦ ଦେବା ପାଇଁ କଥା ଦେଇଛନ୍ତି ଆନନ୍ଦ ମହିନ୍ଦ୍ରା |
ଟ୍ୱିଟରରେ ନୀରଜଙ୍କୁ ଏକ୍ସୟୁଭି ୭୦୦ ଦେବା ପାଇଁ ଦାବି କରାଯିବ ପରେ ଆନନ୍ଦ ମହିନ୍ଦ୍ରା କହିଥିଲେ ଯେ, ହଁ ବାସ୍ତବରେ ଆମର ଗୋଲଡେନ୍ ଆଥଲେଟଙ୍କୁ ଏକ ଏକ୍ସୟୁଭି ୭୦୦ ଉପହାର ଦେବା ମୋର ବ୍ୟକ୍ତିଗତ ସୌଭାଗ୍ୟ ଏବଂ ସମ୍ମାନ ହେବ | ଗାଡ଼ି ଲଞ୍ଚ ହେବା ପରେ ପ୍ରଥମ ଗାଡିଟି ତାଙ୍କୁ ଦିଆଯିବ |