ପଞ୍ଜାବ ପରେ ରାଜସ୍ଥାନରେ ବଦଳିବେ କି ରାଜ୍ୟ କଂଗ୍ରେସର ଅଧ୍ୟକ୍ଷ ? ଅଜୟ ମାକେନଙ୍କ ରିଟ୍ୱିଟ୍ ପରେ ଚର୍ଚ୍ଚା ଜୋର
ନୂଆଦିଲ୍ଲୀ : ପଞ୍ଜାବ କଂଗ୍ରେସର ଅଧ୍ୟକ୍ଷ ଭାବେ ନବଜୋତସିଂ ସିଦ୍ଧୁଙ୍କୁ ଦଳ ଚୟନ କରିବା ପରେ ଏବେ ରାଜସ୍ଥାନରେ ବି ବଦଳି ପାରନ୍ତି ପିସିସି ସଭାପତି । ରାଜସ୍ଥାନ କଂଗ୍ରେସ ପ୍ରଭାରୀ ଅଜୟ ମାକେନଙ୍କ ଏକ ରି ଟ୍ୱିଟ୍ ପରେ ଏ ନେଇ ଚର୍ଚ୍ଚା ଜୋର ଧରିଛି । କଂଗ୍ରେସ ଭିତରେ ଚର୍ଚ୍ଚା ଚାଲିଛି କି କଂଗ୍ରେସ ହାଇକମାଣ୍ଡ ବା ଗାନ୍ଧୀ ପରିବାର ରାଜସ୍ଥାନ ମୁଖ୍ୟମନ୍ତ୍ରୀ ଆଶୋକ ଗେହଲୋଟଙ୍କ ଉପରେ ସନ୍ତୁଷ୍ଟ ନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ କାଲି ସାମ୍ବାଦିକ ସକିଲ ଅଖତର ଏକ ଟ୍ବିଟ କରି ଲେଖିଥିଲେ ଯେ କେବଳ ଗାନ୍ଧି ପରିବାର ନାଁରେ ଗରିବ, ସାଧାରଣ ଲୋକ କଂଗ୍ରେସକୁ ଭୋଟ ଦିଅନ୍ତି । କିନ୍ତୁ ଅମରିନ୍ଦର କିମ୍ବା ଗେହଲୋଟ୍ ପରି ବ୍ୟକ୍ତି ଭାବନ୍ତି ଯେ ସେମାନଙ୍କ ନାଁରେ ଭୋଟ ମିଳୁଛି । ଏହି ଟ୍ୱିଟକୁ ରିଟ୍ୱିଟ୍ କରିଥିଲେ ମାକେନ ।
ପ୍ରାୟ ୧୦ ଦିନ ପୂର୍ବରୁ ଅଜୟ ମାକେନ ଜୟପୁର ଆସିଥିଲେ । ସେ କହିଥିଲେ କି ମୁଖ୍ୟମନ୍ତ୍ରୀଙ୍କ ସହ ମନ୍ତ୍ରୀମଣ୍ଡଳ ବିସ୍ତାର ଓ ଦଳର କିଛି ପଦ ପଦବୀର ନବୀକରଣ କରିବାକୁ ସେ ଆସିଛନ୍ତି । ହେଲେ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କ ସହ ବୈଠକ ପରେ ବି କିଛି ନିଷ୍ପତ୍ତି ହୋଇପାରି ନଥିଲା । ପାଇଲଟଙ୍କ ସମର୍ଥକଙ୍କୁ ମନ୍ତ୍ରୀ ମଣ୍ଡଳ ଓ ଦଳୀୟ ପଦବୀରେ ନିଯୁକ୍ତି ଦେବା ନେଇ ଏକ ଫର୍ମୁଲା ପ୍ରସ୍ତୁତ ହୋଇଥିଲା । ହେଲେ କୁହାଯାଇଛି କି ଗେହଲୋଟ୍ ପାଇଲଟଙ୍କ ସହ କ୍ଷମତାକୁ ନେଇ ଭାଗ କରିବାକୁ ପ୍ରସ୍ତୁତ ନଥିଲେ । ଏହାକୁ ନେଇ ନିରାଶ ହୋଇ ଫେରିଥିଲେ ଅଜୟ ମାକେନ ।