ରାଜସ୍ଥାନ ମହିଳା ଆୟୋଗ ଅଧ୍ୟକ୍ଷାଙ୍କ ବିବାଦୀୟ ବୟାନ: ଯିଏ ନିଜ ଜିନ୍ସ ସମ୍ଭାଳି ପାରୁ ନାହିଁ ସେ କ’ଣ ନିଜ ଭଉଣୀକୁ ସୁରକ୍ଷା ଦେବ !
ଜୟପୁର : ଅନ୍ତର୍ଜାତୀୟ ମହିଳା ଦିବସରେ ରାଜସ୍ଥାନ ମହିଳା ଆୟୋଗର ଅଧ୍ୟକ୍ଷା ସୁମନ ଶର୍ମା ପୁରୁଷ ଏବଂ ଯୁବକମାନଙ୍କ ଉପରେ ବିବାଦୀୟ ବୟାନ ଦେଇଛନ୍ତି । ଏବେ ମହିଳାମାନଙ୍କୁ ନିଜର ରକ୍ଷା ନିଜେ କରିବାକୁ ପଡ଼ିବ । କାରଣ ପୂର୍ବ ପରି ଏବେ ପୁରୁଷ ଏବଂ ଯୁବକମାନଙ୍କ ମଧ୍ୟରେ ସେ ଶକ୍ତି ନାହିଁ କି ସେମାନେ ନିଜ ମା’ ଭଉଣୀକୁ ଦୁଷ୍ଟ ଲୋମାନଙ୍କଠାରୁ ବଞ୍ଚାଇ ପାରିବେ । ଏହି ବୟାନ ପରେ ତାଙ୍କୁ ତୀବ୍ର ସମାଲୋଚନା କରାଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅନ୍ତର୍ଜାତୀୟ ମହିଳା ଦିବସରେ ମହିଳା ଆୟୋଗର ଅଧ୍ୟକ୍ଷା ସୁମନ ଶର୍ମାଙ୍କୁ ଅତିଥି ଭାବେ ଏକ କାର୍ଯ୍ୟକ୍ରମକୁ ଡ଼କା ଯାଇଥିଲେ । ମହିଳା ଦିବସରେ କିଛି କହିବା ପାଇଁ କୁହାଯିବାରୁ ସେ ଷ୍ଟେଜ୍ ଉପରକୁ ଆସି ପୁରୁଷ ଏବଂ ଆଜିକାଲିକା ଯୁବକମାନଙ୍କୁ ଅପମାନିତ କଲା ଭଳି କଥା କହିଥିଲେ । “ପୂର୍ବ ଭଳି ପୁରୁଷ ଆଜିକାଲି ଦେଖିବାକୁ ମିଳୁ ନାହାନ୍ତି । ପୂର୍ବରୁ ପୁରୁଷମାନଙ୍କର ଚଉଡ଼ା ଛାତି ସହ ଛାତିରେ କେଶ ରହୁଥିଲା । ଏବେ ମୁଁ କେଉଁଠି ବି ସେଭଳି ପୁରୁଷ ଦେଖୁ ନାହିଁ । ଏବେ ଯୁବକମାନେ ଜିନ୍ସ ପିନ୍ଧିଲେ ଅଣ୍ଟା ତଳକୁ ଖସି ପଡ଼ୁଛି । ଯେଉଁମାନେ ନିଜର ଜିନ୍ସ ସମ୍ଭାଳି ପାରୁ ନାହାନ୍ତି, ସେମାନେ ନିଜ ଭଉଣୀଙ୍କୁ କ’ଣ ସୁରକ୍ଷା ଦେବେ ବୋଲି ସେ କହିଥିଲେ ।
“ଆପଣ କୌଣସି ପୁରୁଷମାନଙ୍କଠାରୁ ଦୁର୍ବଳ ବା ଆପଣଙ୍କ ସ୍ୱାମୀ, ଭାଇ, ବାପା ଆପଣଙ୍କୁ ଆସି ସବୁ ପରିସ୍ଥିତିରେ ବଞ୍ଚାଇବେ ବୋଲି ଭାବନ୍ତୁ ନାହିଁ । ପୂର୍ବରୁ ୧୯୭୦ ଏବଂ ୧୯୮୦ମସିହାରେ ପୁରୁଷମାନଙ୍କ ଶରୀର କେତେ ଶକ୍ତିଶାଳୀ ଥିଲା । ଏବେ ହେଉଛି ଆମମାନଙ୍କର ସମୟ । ଏବେ ଆମେ ହେଉଛେ ବୀର ବୋଲି ମହିଳାମାନଙ୍କୁ ଜଣାଇ ଥିଲେ । ଏହା ସହ ନିଜ ପିଲାମାନଙ୍କୁ ଭଲ ଭାବେ ଖାଇବାକୁ ଦିଅନ୍ତୁ, ଯେପରି ସେମାନଙ୍କର ଆଗକୁ ଯାଇ ଶକ୍ତିଶଳୀ ଏବଂ ଚଉଡ଼ା ଶରୀର ହୋଇ ପାରିବ । ଯାହାଦ୍ୱାରା ସେମାନେ ଖାଲି ନିଜ ଭଉଣୀର ନୁହେଁ ବରଂ ନିଜ ଦେଶର ମଧ୍ୟ ରକ୍ଷା କରି ପାରିବେ” ବୋଲି କହିଥିଲେ ।