ସଚିନ ଓ ସେହୱାଗ ଓପନିଂ ଯୋଡି ଭଳି ହେଉଛି ବିଜେପି-ଜେଡିୟୁର ଯୋଡି: ରାଜନାଥ
ପାଟନା: ଆସନ୍ତା ୨୮ ତାରିଖରେ ବିହାରରେ ପ୍ରଥମ ପର୍ଯ୍ୟାୟ ନିର୍ବାଚନ ଆରମ୍ଭ ହୋଇ ନଭେମ୍ବର ୭ ତାରିଖରେ ଶେଷ ହେବ। ଏଥିପାଇଁ ରାଜନୀତି ପାଣିପାଗ ଗରମ ଥିବାବେଳେ ବିଭିନ୍ନ ଦଳର ପ୍ରାର୍ଥୀ ଭୋଟରଙ୍କୁ ଆକୃଷ୍ଟ କରିବାକୁ ଉଦ୍ୟମ ଜାରି ରଖିଛନ୍ତି | ଆଜି ବିହାରର ଭୋଜପୁର ଜିଲ୍ଲାର ବର୍ହାରରେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏକ ଜନସଭାକୁ ସମ୍ବୋଧିତ କରିଛନ୍ତି | ଭୋଟରଙ୍କ ଉଦ୍ଦେଶ୍ୟରେ ସେ କହିଛନ୍ତି ଯେ ଭାରତୀୟ ଜନତା ପାର୍ଟି ଓ ଜେଡିୟୁ ଯୋଡିକୁ ପ୍ରତ୍ୟାଖାନ କରନ୍ତୁ ନାହିଁ |
Sambad is now on WhatsApp
Join and get latest news updates delivered to you via WhatsApp
କ୍ରିକେଟରେ ସଚିନ ଓ ସେହୱାଗଙ୍କ ଓପନିଂ ଯୋଡି ଯେଭଳି ଥିଲା ସେହିପରି ବିହାର ରାଜନୀତିରେ ବିଜେପି ଓ ଜେଡିୟୁ ଯୋଡି ଠିକ ଏକାଭଳି ବୋଲି ରାଜନାଥ କହିଛନ୍ତି | ସେ ଜନତାଙ୍କୁ କହିଛନ୍ତି ଯେ ଆପଣ ନୀତିଶ କୁମାରଙ୍କ କାମକୁ ନେଇ ପ୍ରଶ୍ନ କରିପାରିବେ | ୫ ବର୍ଷ ଭିତରେ କେଉଁ କାମ ସେ କରିନାହାଁନ୍ତି ଆପଣ ପଚାରିପାରିବେ |
#WATCH Defence Minister Rajnath Singh addresses a public rally in Barhara of Bhojpur district. He says, “Don’t reject the pair of BJP-JD(U). This pair is like the opening pair of Sachin-Sehwag in cricket.”#BiharElections2020 pic.twitter.com/Du9Jr4nt6P
— ANI (@ANI) October 21, 2020
କିନ୍ତୁ ମୁଁ ବି ବହୁତ ଦିନ ଧରି ରାଜନୀତି କରିଆସୁଛି ଓ ଗୃହମନ୍ତ୍ରୀ ଥିବାବେଳେ ମୋ ପାଖରେ ଗୁଇନ୍ଦା ସଂସ୍ଥା ମଧ୍ୟ ଥିଲା | କିନ୍ତୁ ମୁଁ ଦୃଢତାର ସହିତ କହିପାରିବି ଯେ ଭାରତର କେହି ବି ଆଙ୍ଗୁଳି ଉଠାଇ କହିପାରିବ ନାହିଁ ଯେ ନୀତିଶ କୁମାରଙ୍କ ଉପରେ ଦୁର୍ନୀତିର ଦାଗ ଲାଗିଛି | ସୂଚନା ଥାଉ କି କିଛି ଦିନ ତଳେ ଲୋକଜନଶକ୍ତି ପାର୍ଟି ଅଧ୍ୟକ୍ଷ ଚିରାଗ୍ ଏକାକୀ ନିର୍ବାଚନ ଲଢ଼ିବେ ଏବଂ ଜେଡିୟୁ ପ୍ରାର୍ଥୀଙ୍କ ବିରୋଧରେ ସବୁ ଆସନରେ ପ୍ରାର୍ଥୀ ଦେବେ ବୋଲି ଘୋଷଣା କରିଥିଲେ।