ମୋଦୀଙ୍କୁ ଭୟ କରୁଛନ୍ତି ରାଜନାଥ ସିଂ-ଗଡକରୀ: ଲୋକସଭାରେ କହିଲେ ରାହୁଲ

ନୂଆଦିଲ୍ଲୀ: ସଂସଦରେ ସୋମବାର ମଧ୍ୟ ଉତ୍ତେଜନା ଦେଖାଦେଇଥିଲା। ଲୋକସଭାରେ ସଂସଦୀୟ ପ୍ରକ୍ରିୟା ସମୟରେ ବିରୋଧୀ ଦଳର ନେତା ରାହୁଲ ଗାନ୍ଧୀଙ୍କୁ ଭିନ୍ନ ଶୈଳୀ କହୁଥିବାର ଦେଖିବାକୁ ମିଳିଥିଲା। ରାହୁଲ ଗାନ୍ଧୀ ବିଭିନ୍ନ ପ୍ରସଙ୍ଗରେ ସରକାରଙ୍କୁ ଟାର୍ଗେଟ କରିଥିଲେ। କୃଷକ ଏବଂ ସଂଖ୍ୟାଲଘୁ ପ୍ରସଙ୍ଗରେ ରାହୁଲ ଗାନ୍ଧୀ ପୁଣି ଥରେ ଗୃହରେ ସରକାରଙ୍କୁ ଘେରିବା ଆରମ୍ଭ କରିଥିଲେ।

ଏହି ସମୟରେ ରାହୁଲ ଗାନ୍ଧୀ ବିଜେପିର ବରିଷ୍ଠ ନେତା ତଥା କେନ୍ଦ୍ର ମନ୍ତ୍ରୀ ରାଜନାଥ ସିଂ ଏବଂ ନିତିନ ଗଡକରୀଙ୍କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମ‌ୋଦୀଙ୍କୁ କଡ଼ା ସମାଲୋଚନା କରିଥିଲେ।

ରାହୁଲ ଗାନ୍ଧୀ କହିଛନ୍ତି ଯେ ରାଜନାଥ ସିଂଙ୍କୁ ବାହାରେ ଅଭିବାଦନ ଜଣାଇ ନମସ୍ତେ କହିଲି। ମୋଦୀ ଜୀ ସେଠାରେ ଥିଲେ ମଧ୍ୟ ହସି ନ ଥିଲେ। ସେ ଗମ୍ଭୀର ଥିଲେ। ରାଜନାଥ ସିଂ ନମସ୍ତେ ମଧ୍ୟ କହିଲେ ନାହିଁ। କାଳେ ମୋଦୀ ଜୀ ଏହା ଦେଖିବେ, ବଡ଼ ଅସୁବିଧା ହେବ। କିନ୍ତୁ ଏଠାରେ ବସିଛନ୍ତି। ପୂରା ଚୁପଚ‌ାପ୍ ରହିଛନ୍ତି। ଗଡକରୀ ଜୀଙ୍କର କାହାଣୀ ମଧ୍ୟ ସମାନ। ମୋଦୀଙ୍କୁ ରାଜନାଥ ସିଂ ଏବଂ ଗଡକରୀ ଜୀ ଭୟ କରୁଛନ୍ତି।
ଅପରପକ୍ଷରେ ଅଯୋଧ୍ୟାବାସୀ ବିଜେପି ଲୋକଙ୍କୁ ଭୟଭୀତ କରାଇଛନ୍ତି।

ଆସନ୍ତୁ ଏକତ୍ର ଦେଶକୁ ଆଗକୁ ନେବା। ଆପଣ ସରକାରରେ ଅଛନ୍ତି ଆମେ ଏହାକୁ ଗ୍ରହଣ କରୁଛୁ। ଆପଣ ୨୪୦ ସିଟ୍ ସୁରକ୍ଷିତ କରିଛନ୍ତି। ଆପଣଙ୍କୁ ଅଭିନନ୍ଦନ। ଆପଣ ଏହାକୁ ଗ୍ରହଣ କରନ୍ତୁ। ଚାଲନ୍ତୁ ଆମେ ଦେଶ ପାଇଁ ଏକାଠି କାମ କରିବା। କ‌ୌଣସି ହିଂସା ବିନା କାର୍ଯ୍ୟ କରିବା ବୋଲି ରାହୁଲ କହିଛନ୍ତି।

ରାହୁଲ ଗାନ୍ଧୀ କୃଷକଙ୍କ ସମ୍ପର୍କରେ ସରକାରଙ୍କୁ ଟାର୍ଗେଟ କରିଥିଲେ। ରାହୁଲ ଗାନ୍ଧୀ କହିଥିଲେ ଯେ ଆପଣ ଚାଷୀଙ୍କୁ ଭୟଭୀତ କରିବା ପାଇଁ ତିନୋଟି ନୂତନ ନିୟମ ଆଣିଥିଲେ। ପ୍ରଧାନମନ୍ତ୍ରୀ କୃଷକମାନଙ୍କୁ କହିଥିଲେ ଯେ ଏହା ତାଙ୍କ ହିତ ପାଇଁ ଏକ ନିୟମ। ପ୍ରକୃତରେ ଏହା ଆଦାନୀ ଜୀ ଏବଂ ଅମ୍ବାନୀ ଜୀଙ୍କର ଲାଭ ପାଇଁ ଏକ ନିୟମ ଥିଲା। ଭାରତର କୃଷକ ଏକଜୁଟ ହୋଇଥିଲେ। ଆଜି ପର୍ଯ୍ୟନ୍ତ କୃଷକମାନେ ଯେଉଁ ରାସ୍ତା ଦେଇ ଆସିଥିଲେ ତାହା ବନ୍ଦ ରହିଛି।

ରାହୁଲ ଗାନ୍ଧୀ କହିଛନ୍ତି ୭୦୦ କୃଷକ ସହିଦ ହୋଇଥିଲେ। ଏଥିପାଇଁ ନୀରବ ପ୍ରାର୍ଥନା କରିବରଉଚିତ ବୋଲି ଆମେ କହିଥିଲୁ। କିନ୍ତୁ ଆପଣ କହିଛନ୍ତି ଯେ ଏହା ହେବା ଉଚିତ୍ ନୁହେଁ। ସେମାନେ କୃଷକ ନ ଥିଲେ।

ଆପଣ ସମସ୍ତ ସଂଖ୍ୟାଲଘୁ ସମ୍ପ୍ରଦାୟର କ୍ଷତି କରିଛନ୍ତି। ସେମାନଙ୍କ ବିରୁଦ୍ଧରେ ଘୃଣା ବିସ୍ତାର କରିଛନ୍ତି। ଏହା ଠିକ୍ ନୁହେଁ ବୋଲି ରାହୁଲ କହିଛନ୍ତି।