ନୂଆଦିଲ୍ଲୀ: ଅଯୋଧ୍ୟାରେ ନବନିର୍ମିତ ରାମ ମନ୍ଦିରର ଉଦ୍ଘାଟନ ଓ ସେଥିରେ ସ୍ଥାପିତ ପ୍ରଭୁ ରାମଙ୍କ ବିଗ୍ରହର ପ୍ରାଣ ପ୍ରତିଷ୍ଠା ସମ୍ପର୍ଣ୍ଣ ହୋଇଛି। ଏହାପରେ ଭକ୍ତମାନଙ୍କ ଦର୍ଶନାର୍ଥେ ପ୍ରଥମ ଫଟୋ ପ୍ରକାଶ ପାଇଛି। ପ୍ରାଣ ପ୍ରତିଷ୍ଠା ଚକ୍ଷୁଦାନ ପରେ ବିଗ୍ରହ ଆଉ ବିଗ୍ରହ ହୋଇ ରହନ୍ତି ନାହିଁ, ସେ ପ୍ରତ୍ୟକ୍ଷ ଦେବତା ହୋଇଯାଆନ୍ତି। ପ୍ରଭୁ ଫୁଲ ଓ ଅଳଙ୍କାରରେ ସଜ୍ଜିତ ହୋଇଛନ୍ତି। ପ୍ରଭୁଙ୍କ ଦର୍ଶନ ପାଇଁ ବ୍ୟାକୁଳ ହୋଇ ରହିଥିବା ଭକ୍ତମାନେ ଏହି ଫଟୋ ଦେଖି ଭାବବିହ୍ବଳ ହୋଇପଡ଼ିଛନ୍ତି।
ଜାନୁଆରି ୨୩ ତାରିଖରୁ ଶ୍ରୀରାମମନ୍ଦିରରେ ରାମଲଲ୍ଲାଙ୍କ ଦର୍ଶନ ପାଇଁ ଲୋକଙ୍କୁ ଅନୁମତି ପ୍ରଦାନ କରାଯିବ। ତେଣୁ ଦେଶର କୋଣଅନୁକୋଣରୁ ଲୋକେ ଆସି ଅଯୋଧ୍ୟାରେ ପହଞ୍ଚିଛନ୍ତି। ପ୍ରଭୁ ଶ୍ରୀରାମଙ୍କ ପ୍ରତି ରାମଭକ୍ତଙ୍କ ଥିବା ଭକ୍ତିଭାବର ଅନେକ ଭିଡିଓ ବି ସାମ୍ନାକୁ ଆସିଛି। ଏହି କ୍ରମରେ ଏମିତି ଜଣେ ରାମଭକ୍ତ ଅଛନ୍ତି ଯାହାଙ୍କ ଭକ୍ତିକୁ ଦେଖି ଲୋକେ ଚକିତ ହୋଇଯାଇଛନ୍ତି।
View this post on Instagram
ଉକ୍ତ ରାମଭକ୍ତ ଜଣକ ଗୋଡକୁ ବାନ୍ଧି ଦେଇ ହାତରେ ଚାଲିଚାଲି ଅଯୋଧ୍ୟା ପର୍ଯ୍ୟନ୍ତ ଯାତ୍ରା କରିଛନ୍ତି। ଏହି ଘଟଣାର ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି।
ଉକ୍ତ ଭକ୍ତଙ୍କୁ ତାଙ୍କ ଯାତ୍ରା ବିଷୟରେ ପଚରା ଯିବାରୁ ସେ କୌଣସି ପ୍ରତିକ୍ରିୟା ଦେଇ ନଥିଲେ। ତାଙ୍କ ସାଥୀରେ ଥିବା ଜଣେ ଭକ୍ତ କହିଥିଲେ,‘ସେ ରାମଲଲ୍ଲାଙ୍କ ଦର୍ଶନ ପରେ ଯାଇ ଯାହା କହିବା କଥା କହିବେ। ଏବେ ତାଙ୍କର ଗୋଟିଏ ଲକ୍ଷ୍ୟ କେମିତି ରାମଲଲ୍ଲାଙ୍କ ଦର୍ଶନ କରିବେ।’