ଚାଷ କରିବା ଲାଗି ଜେଲରୁ ଦେଢମାସ ଛୁଟି ମାଗିଲା ବିବାଦୀୟ ଧର୍ମଗୁରୁ ଗୁରମୀତ ରାମରହିମ
ରୋହତକ : ବିଭିନ୍ନ ଅପରାଧିକ ମାମଲାରେ ଦୋଷୀ ସାବ୍ୟସ୍ତ ହୋଇ ସ୍ଥାନୀୟ ସୁନାରିଆ ଜେଲରେ ଆଜୀବନ ଜେଲଦଣ୍ଡ ଭୋଗୁଥିବା ବିବାଦୀୟ ଧର୍ମଗୁରୁ ଗୁରମୀତ ରାମ ରହିମ ପ୍ରାୟ ଦେଢ ମାସ ପାଇଁ ପ୍ୟାରୋଲ ବା ଜେଲରୁ ଛୁଟି ମାଗିଛି । ଯେଉଁ କାରଣ ଦର୍ଶାଇ ସେ ପ୍ୟାରୋଲ ମାଗିଛି ତାହା ଶୁଣି ଜେଲ ବିଭାଗ ଆଚମ୍ବିତ ହୋଇଯାଇଛି । ଚାଷ କରିବା ପାଇଁ ସେ ଏହି ଛୁଟି ମାଗିଛି ।
Sambad is now on WhatsApp
Join and get latest news updates delivered to you via WhatsApp
ଏହି ଆବେଦନ ମିଳିବା ପରେ ଜେଲ ଅଧୀକ୍ଷକ ଜିଲ୍ଲା ପ୍ରଶାସନକୁ ଚିଠି ଲେଖି ଅନୁମତି ମାଗିଛି । ଏହି ପତ୍ରରେ ଲେଖାଯାଇଛି ଯେ ଜେଲରେ ଗୁରମୀତଙ୍କ ଚାଲିଚଳନ ଠିକ ରହିଛି ଓ ସେ କୌଣସି ଆଇନ ଉଲ୍ଲଙ୍ଘନ କରିନାହାନ୍ତି । ଏସବୁ ସତ୍ତ୍ୱେ ତାଙ୍କୁ ପ୍ୟାରୋଲରେ ଛାଡିବା ଠିକ ହେବ କି ନା ତାହା ଜେଲ ପକ୍ଷରୁ ପ୍ରଶାସନକୁ ପଚରା ଯାଇଛି । ଜେଲ ଅଧୀକ୍ଷକଙ୍କଠାରୁ ପତ୍ର ମିଳିବା ପରେ ଜିଲ୍ଲା ପ୍ରଶାସନ ପକ୍ଷରୁ ରାଜସ୍ୱ ବିଭାଗକୁ ପତ୍ର ଲେଖି ରାମରହିମଙ୍କର କେତେ ଜମି ରହିଛି ତାହା ଜାଣିବାକୁ ଚାହିଁଛି । ତାଙ୍କ ନାମରେ କେତେ ଜମି ରହିଛି ତାହାର ରେକର୍ଡ ପ୍ରଦାନ କରିବାକୁ ରାଜସ୍ୱ ବିଭାଗକୁ କୁହାଯାଇଛି । ଗତ ୨୦୧୮ ଜାନୁୟାରୀମାସରେ ପଞ୍ଚକୁଲାର ସ୍ୱତନ୍ତ୍ର ସିବିଆଇ ଅଦାଲତ ଗୁରମିତକୁ ସାମ୍ବାଦିକ ରାମଚନ୍ଦ୍ର ଛତ୍ରପତିଙ୍କ ହତ୍ୟା ମାମଲାରେ ଆଜୀବନ ଜେଲ ଦଣ୍ଡ ପ୍ରଦାନ କରିଥିଲେ ।