ନୂଆଦିଲ୍ଲୀ : କେନ୍ଦ୍ର କେନ୍ଦ୍ର ଖାଦ୍ୟ, ଖାଉଟି ବ୍ୟାପାର ଓ ସାଧାରଣ ବଣ୍ଟନ ମନ୍ତ୍ରୀ ତଥା ଲୋକଜନଶକ୍ତି ପାର୍ଟି ନେତା ରାମ ବିଳାସ ପାଶଓ୍ଵାନଙ୍କ ପରଲୋକ ହୋଇଛି । ମୃତ୍ୟୁବେଳକୁ ତାଙ୍କୁ ୭୪ ବର୍ଷ ହୋଇଥିଲା । କିଛିଦିନ ତଳେ ଦିଲ୍ଲୀର ଏକ ହସପିଟାଲରେ ତାଙ୍କର ହାର୍ଟ ସର୍ଜରୀ ହୋଇଥିଲା । ତାଙ୍କର ମୃତ୍ୟୁସଂପର୍କରେ ତାଙ୍କ ପୁଅ ଚିରାଗ ପାଶଓ୍ଵାନ ଟ୍ଵିଟ କରି ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
କିଛି ସମୟ ପୂର୍ବେ ଚିରାଗ ଜଣାଇଥିଲେ ଯେ ତାଙ୍କ ବାପା ଗତ କିଛି ଦିନ ହେଲା ଅସୁସ୍ଥ ହୋଇ ଚିକିତ୍ସିତ ହେଉଥିଲେ । କିନ୍ତୁ ତାଙ୍କର ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ଗତ ଶନିବାରଦିନ ତାଙ୍କର ହାର୍ଟ ସର୍ଜରୀ ହୋଇଥିଲା ।
केंद्रीय मंत्री रामविलास पासवान के निधन से देश ने एक दूरदर्शी नेता खो दिया है। उनकी गणना सर्वाधिक सक्रिय तथा सबसे लंबे समय तक जनसेवा करने वाले सांसदों में की जाती है। वे वंचित वर्गों की आवाज़ मुखर करने वाले तथा हाशिए के लोगों के लिए सतत संघर्षरत रहने वाले जनसेवक थे।
— President of India (@rashtrapatibhvn) October 8, 2020
ବିଗତ କିଛି ମାସ ହେଲା ସେ ନିଜ ଦଳର ନିତିଦିନିଆ କାର୍ଯ୍ୟକ୍ରମରୁ ଦୂରେଇ ରହୁଥିଲେ । ତାଙ୍କ ବଦଳରେ ଚିରାଗ ହିଁ ଦଳର ସବୁ କାର୍ଯ୍ୟ ଦେଖୁଥିଲେ । ବିହାର ନିର୍ବାଚନ ପାଇଁ ଏନଡିଏ ମେଣ୍ଟ ସମ୍ପର୍କରେ ଚିରାଗ ହିଁ ଆଲୋଚନା ଚଳାଇଥିଲେ । ଆଜି ମଧ୍ୟ ଦଳ ପକ୍ଷରୁ ବିହାର ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ତାଲିକା ଘୋଷଣା କରାଯାଇଥିଲା ।
Working together, shoulder to shoulder with Paswan Ji has been an incredible experience. His interventions during Cabinet Meetings were insightful. From political wisdom, statesmanship to governance issues, he was brilliant. Condolences to his family and supporters. Om Shanti.
— Narendra Modi (@narendramodi) October 8, 2020
ଶ୍ରୀ ପାଶଓ୍ଵାନଙ୍କ ପରଲୋକ ପରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଗୃହମନ୍ତ୍ରୀ ଅମିତ ଶାହା, ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଦି ବହୁ ବିଶିଷ୍ଟ ବ୍ୟକ୍ତି ଶୋକ ପ୍ରକଟ କରିଛନ୍ତି ।
Deeply saddened to know the passing away of Union Cabinet Minister #RamvilasPaswan ji. He was a popular leader having long experience in politics. My thoughts & prayers are with the bereaved family and friends of the veteran leader. May his soul rest in peace.
— Naveen Patnaik (@Naveen_Odisha) October 8, 2020
ଟ୍ଵିଟ କରି ରାଷ୍ଟ୍ରପତି ଲେଖିଛନ୍ତି ଯେ ଶ୍ରୀ ପାଶଓ୍ଵାନଙ୍କ ପରଲୋକରେ ଦେଶ ଜଣେ ଦୂରଦର୍ଶୀ ନେତାଙ୍କୁ ହରାଇଲା । ସେ ଲମ୍ବା ସମୟ ଧରି ସାଂସଦ ରହି ଜନସେବା କରିଥିଲେ । ସେହିପରି ମୋଦୀ କହିଛନ୍ତି ଯେ ନିଜର କଠିନ ପରିଶ୍ରମ ଓ ନିଷ୍ଠା ଯୋଗୁଁ ସେ ଉପରକୁ ଉଠିପାରିଥିଲେ । ଜରୁରୀ ପରିସ୍ଥିତି ସମୟରେ ସେ ଗଣତନ୍ତ୍ର ପାଇଁ ଲଢିଥିଲେ । ଜଣେ କ୍ୟାବିନେଟ୍ ସହଯୋଗୀ ଭାବେ ସେ ସବୁବେଳେ ଉତ୍ତମ ପରାମର୍ଶ ଦେଉଥିଲେ ।