ଜେଲ୍‌ରେ ରାମଲୀଳା: ବାନର ହୋଇଥିବା ୨ କଏଦୀ କାନ୍ଥ ଡେଇଁ ଚମ୍ପଟ୍...

ହରିଦ୍ୱାର: ଉତ୍ତରପ୍ରଦେଶର ହରିଦ୍ୱାରରୁ ଦୁଇଜଣ କଏଦୀଙ୍କ ପଳାୟନ ପରେ ଜେଲ୍‌ ବିଭାଗ ହରଡ଼ଘଣାରେ ପଡ଼ିଛି। ଜେଲ୍‌ରେ ନିର୍ମାଣ କାର୍ଯ୍ୟ ଚାଲିଥିବାକୁହାଯାଉଛି। ସେମାନେ ଏହାର ସୁଯୋଗ ନେଇ ପଳାଇ ଯାଇଥିଲେ ବୋଲି ଜେଲ୍ ଅଧିକାରୀ କହିଛନ୍ତି। କିନ୍ତୁ ରିପୋର୍ଟ ଅନୁସାରେ ନବରାତ୍ରୀ ସମୟରେ ଜେଲ୍‌ରେ ରାମଲୀଳା ହୋଇଥିଲା।

ଯେତେବେଳେ ସମସ୍ତ ଅଧିକାରୀ ଏବଂ ବନ୍ଦୀମାନେ ରାମଲୀଳା ଦେଖିବାରେ ବ୍ୟସ୍ତ ଥିଲେ। ଏହାର ସୁଯୋଗ ନେଇ ବାନର ହୋଇଥିବା କଏଦୀମାନେ କାନ୍ଥ ଡେଇଁ ପଳାଇଥିଲେ।

ବନ୍ଦୀ ପଙ୍କଜ ରୁର୍‌କିର ବାସିନ୍ଦା, ସେ ଏକ ହତ୍ୟା ମାମଲାରେ ଦଣ୍ଡ ଭୋଗୁଛନ୍ତି ଏବଂ ବନ୍ଦୀ ରାଜକୁମାର ଉତ୍ତରପ୍ରଦେଶର ଗୋଣ୍ଡାର ବାସିନ୍ଦା। ସେ ଜଣେ ଅନ୍ତେବାସୀ ବନ୍ଦୀ। ସୁଯୋଗ ପାଇବା ମାତ୍ରେ ଦୁହେଁ ଜେଲ୍‌ରୁ ଖସି ପଳାଇଥିଲେ।

ସୂଚନାନୁସାରେ, ଜେଲ୍‌ରେ ଏକ ଉଚ୍ଚ ସୁରକ୍ଷା ବ୍ୟାରେକ ନିର୍ମାଣ କରାଯାଉଥିଲା, ଏଠାରେ ଏକ ସିଡ଼ି ଲାଗିଥିଲା।ଏହାକୁ ବ୍ୟବହାର କରି ବନ୍ଦୀମାନେ ପଳାଇ ଯାଇଥିବା କୁହାଯାଉଛି।

ଏହି ଘଟଣା ସମ୍ପର୍କରେ ସୂଚନା ଦେବାବେଳେ ଜିଲ୍ଲା ଜେଲର ବରିଷ୍ଠ ଜେଲ୍‌ ଅଧୀକ୍ଷକ ମନୋଜ କୁମାର ଆର୍ଯ୍ୟ କହିଛନ୍ତି ଘଯଣା ଘଟିବା ସମୟରେ ସେ ଛୁଟିରେ ଥିଲେ। 

ଗତକାଲି ରାତିରେ ଏହି ଘଟଣା ଘଟିଛି। ରାମଲୀଲା ଚାଲିଥିବାବେ‌ଳେ ଦୁଇ କଏଦୀ ହରିଦ୍ୱାର ଜେଲ୍‌ରୁ ଚମ୍ପଟ୍ ମାରିଥିଲେ। ମାତା ସୀତାଙ୍କ ସନ୍ଧାନ ଚାଲିଥିବାବେଳେ ବାନର ହୋଇଥିବା ଦୁଇଜଣ କଏଦୀ କାନ୍ଥ ଉପରକୁ ଡେଇଁ ପଳାଇ ଯାଇଥିଲେ। ରାମଲିଲା ମଞ୍ଚସ୍ଥ ହେବାର ଦୃଶ୍ୟରେ ସମସ୍ତେ ବ୍ୟସ୍ତ ଥିଲେ ଏବଂ ଦୁହେଁ ସିଡ଼ି ଉପରକୁ ଯାଇ କାନ୍ଥ ପାର ହୋଇଥିଲେ।

घटना बीती रात की है। रामलीला मंचन के दौरान हरिद्वार जेल से दो कैदी फ़रार हो गए। इधर माता सीता की खोज हो रही थी उधर दो वानर रूपी कैदी दीवार फाँद कर भाग निकले। सब रामलीला मंचन के दृश्यों में डूब थे और ये दोनों सीढ़ी लगाकर दीवार लांघ गए।
फ़रार हुए दोनों क़ैदी जघन्य अपराधों के दोषी… pic.twitter.com/7SNcwfme5u

— Ajit Singh Rathi (@AjitSinghRathi) October 12, 2024

ବରିଷ୍ଠ ଜେଲ ଅଧୀକ୍ଷକ କହିଛନ୍ତି ଯେ କାହାର ଦୋଷ ରହିଛି ତାହା ଜାଣିବା ପାଇଁ ତଦନ୍ତ କରାଯାଉଛି। ସୂଚନା ଅନୁଯାୟୀ, ଯେତେବେଳେ ରାତିରେ ବ୍ୟାରେକ ବନ୍ଦ ହୋଇଯାଏ, ସେତେବେଳେ ବନ୍ଦୀମାନଙ୍କୁ ଗଣନା କରାଯାଏ। ରାତିରେ ଗଣନା ଆରମ୍ଭ ହେବା ପରେ ଦୁଇଜଣ କଏଦୀ ନିଖୋଜ ଥିବା ଜଣାପଡିଥିଲା।

ଯେତେବେଳେ ଅନୁସନ୍ଧାନ କରାଯାଇଥିଲା, ପଙ୍କଜ ଏବଂ ରାଜକୁମାର ନାମକ କଏଦୀ ନିଖୋଜ ଥିବା ଜଣାପଡିଥିଲା। ସିସିଟିଭି ଫୁଟେଜ ଯାଞ୍ଚ କରିବା ପରେ ଜଣାପଡିଥିଲା ​​ଯେ ଉଭୟେ ସିଡ଼ି ବ୍ୟବହାର କରି ଜେଲରୁ ପଳାଇ ଯାଇଛନ୍ତି।