ଦୁଷ୍କର୍ମର ଶିକାର ହେବାପରେ ରାମରହିମ୍‌ଙ୍କୁ ବ୍ଲାକ୍‌ମେଲ କରୁଥିଲେ ହନିପ୍ରୀତ୍‌ !

ଚଣ୍ଡୀଗଡ଼: ଆତ୍ମଘୋଷିତ ବାବା ଗୁରମିତ୍‌ ରାମରହିମଙ୍କୁ ଗିରଫ ହୋଇ ଜେଲରେ ରହିବା ପରଠୁଁ ପ୍ରତିଦିନ ନୂଆ ନୂଆ କଥା ଶୁଣି ସାମ୍ନାକୁ ଆସିଛି। ଡେରା ସଚ୍ଚା ସୌଦା ମୁଖ୍ୟ ଗୁରମିତ୍‌ ରାମ ରହିମ୍‌ ଓ ହନିପ୍ରୀତ୍‌ ଇନସାନ୍‌ଙ୍କ ମଧ୍ୟରେ ଥିବା ଅବୈଧ ସଂପର୍କକୁ ନେଇ ନାନା ଗୁଞ୍ଜରଣ ସୃଷ୍ଟି ହୋଇଥିବା ବେଳେ ସିବିଆଇର ସାକ୍ଷୀ ହୋଇଥିବା ରାମରହିମଙ୍କ  ଡ୍ରାଇଭର୍‌ ଖଟ୍ଟାର ସିଂହ ଓ ତାର ପୁଅ ଗୁରୁଦାସ ସିଂହ କହିଛନ୍ତି ଯେ  ପ୍ରଥମଥର ଯେଉଁଦିନ ହନିପ୍ରୀତ୍‌ ରାମରହିମର ଗୁମ୍ଫା ଭିତରେ ପ୍ରବେଶ କରିଥିଲେ, ସେଦିନ ବାହାରିବା ସମୟରେ ସେ କାନ୍ଦି କାନ୍ଦି ଫେରିଥିଲେ । ସେହିଦିନ ଡ୍ରାଇଭର ଖଟ୍ଟାର ସିଂହ ନିଜେ ଗୁମ୍ଫାର ଜଗୁଆଳୀ ଥିଲେ ଓ ସେ ନିଜ ଆଖିରେ ଏହା ଦେଖିଥିବା କହିଛନ୍ତି । ସେ ଏହା ସିବିଆଇକୁ କହିଥିବା କୁହାଯାଉଛି।

ଅନୁମାନ କରାଯାଇପାରେ ଯେ ଗୁରୁମିତ ରାମ ରହିମ ଦ୍ୱାରା ହନିପ୍ରୀତ୍‌ ଦୁଷ୍କର୍ମର ଶିକାର ହୋଇଥିଲେ, ଏହାପରେ ହନିପ୍ରୀତ୍‌ ଡେରାରେ କ୍ୟାସିଅର୍‌ ଭାବେ କାମ କରୁଥିବା ନିଜର ଜେଜେଙ୍କୁ ଭେଟି ସବୁକଥା କହିଥିଲେ । ସେ ଡେରା ସଚ୍ଚାଙ୍କ ବିରୁଦ୍ଧରେ ସ୍ୱର ଉତ୍ତୋଳନ କରିବାକୁ ଚାହୁଁଥିଲେ,ମାତ୍ର ରାମରହିମଙ୍କ ଗୁଣ୍ଡାଙ୍କମାନଙ୍କ ଭୟରେ ନୀରବ ରହିଥିଲେ ହନିପ୍ରୀତ୍‌ ।

ଏହି ଦୁଷ୍କର୍ମ ଘଟଣା ପରେ ହନିପ୍ରୀତ୍‌ ନିୟମିତ ଭାବେ ଡେରା ସଚ୍ଚା ସୌଦା ଗୁରୁମିତ୍‌ ରାମରହିମ୍‌ଙ୍କୁ ବ୍ଲାକ୍‌ ମେଲ୍‌ କରି ନମ୍ବର ଟୁ ପୋଜିସନ୍‌କୁ ଆସିଥିଲେ ବୋଲି ମଧ୍ୟ କୁହାଯାଉଛି । ସେ ମନେମନେ ଏହି ଘଟଣାର ପ୍ରତିଶୋଧ ନେବାଲାଗି ଯୋଜନା କରୁଥିଲେ ବୋଲି ମଧ୍ୟ କୁହାଯାଉଛି।

ଜଣେ ପୂର୍ବତନ ଡେରା ସମର୍ଥକ ଗୁରୁଦାସ ସିଂହ ଟୁର୍‌ କହିଛନ୍ତି ଯେ ହନିପ୍ରୀତ୍‌ଙ୍କର ଆଉ ଏକ ଅଭିଳାଷ ମଧ୍ୟ ଥିଲା । ସେ ଚାହୁଁଥିଲେ ରାମ ରହିମଙ୍କ ଠାରୁ ତାଙ୍କର ଏକ ପୁତ୍ର ସନ୍ତାନ ହେଉ, ଯିଏ କି ଭବିଷ୍ୟତରେ ଡେରାର ମୁଖ୍ୟ ହେବେ । ତେବେ ରାମରହିମ ଓ ହନିପ୍ରୀତ୍‌ଙ୍କ ଏହି ପୁଅ ଆନୁଷ୍ଠାନିକ ଭାବେ ହନିପ୍ରୀତ୍‌ଙ୍କ ସ୍ୱାମୀ ବିଶ୍ୱାସ ଗୁପ୍ତାଙ୍କର ପୁଅ ବୋଲି ପରିଚତ ହେବେ । ଏଥିପାଇଁ ବାବା ରାମ ରହିମ ମଧ୍ୟ ରାଜି ହୋଇଥିଲେ। ହେଲେ କୌଣସି ସୂତ୍ରରୁ ଏହି ଖବର ପ୍ରଘଟ ହେବା ପରେ ହନିପ୍ରୀତ୍‌ଙ୍କ ସ୍ୱାମୀ ସ୍ତ୍ରୀଙ୍କ ଠାରୁ ଛାଡପତ୍ର ନେଇଥିଲେ । ପରିଣାମସ୍ୱରୂପ ଉଭୟଙ୍କର ଏହି ଯୋଜନା ପଣ୍ଡ ହୋଇଥିଲା ।ତେବେ ହନିପ୍ରୀତ ସର୍ବଦା ରାମରହିମଙ୍କୁ ବଶ କରି ରଖିଥିଲେ ବୋଲି ଗୁରୁଦାସ ସିଂହ ଟୁର୍‌ କହିଛନ୍ତି ।

ସିବିଆଇର ସାକ୍ଷୀ ହୋଇଥିବା ଗୁରୁଦାସ ସିଂହଟୁର୍‌ ଆହୁରି ମଧ୍ୟ କହିଛନ୍ତି ଯେ ସେ ଗୁରମିତ୍‌ ରାମରହିମ୍‌ ଓ ହନିପ୍ରୀତ୍‌ ଶାରୀରିକ ସଂପର୍କ କରୁଥିବାର ମଧ୍ୟ ଦେଖିଛନ୍ତି । ଏହି ସମୟରେ ତାଙ୍କର ରାମରହିମ୍‌ଙ୍କ ବ୍ୟକ୍ତିଗତ ପ୍ରକୋଷ୍ଠରେ ଜଗୁଆଳି ଦାୟିତ୍ୱ ଦିଆଯାଇଥିଲା । ୨୦୦୭ରେ ରାମରହିମ୍‌ ତାଙ୍କ ପୁଅ ଜଶମିତ୍‌ ସିଂହଙ୍କ ଡେରା ସଚ୍ଚାସୌଦାର ପରବର୍ତ୍ତୀ ମୁଖ୍ୟ ଭାବେ ଘୋଷଣା କରିଥିଲେ । ହନିପ୍ରୀତ୍‌ଙ୍କୁ କେବେ ବି ରାମରହିମ୍‌ ନିଜର କନ୍ୟା ଦୃଷ୍ଟିରେ ଦେଖୁ ନଥିଲେ ବୋଲି କହିଛନ୍ତି ଗୁରୁଦାସ ସିଂହଟୁର୍‌ ।