ରାଞ୍ଚି: ‘ମୋଦୀ ଜଣେ ଚୋର’ ବୋଲି କହି ପୁଣି ଅଡ଼ୁଆରେ କଂଗ୍ରେସର ବରିଷ୍ଠ ନେତା ରାହୁଲ ଗାନ୍ଧୀ। ତାଙ୍କୁ ରାଞ୍ଚିସ୍ଥିତ ଏକ ସିଭିଲ କୋର୍ଟ ପକ୍ଷରୁ ସମନ ପଠାଯାଇଛି । ଅତୀତରେ ରାହୁଲ ଗାନ୍ଧୀ କହିଥିଲେ ଯେ, ‘ମୋଦୀ ଜଣେ ଚୋର’ । ରାହୁଲଙ୍କ ଏହି ଟିପ୍ପଣୀକୁ ନେଇ ଆପତ୍ତି ଉଠାଯାଇ ରାଞ୍ଚିର ଏକ ସ୍ଥାନୀୟ ନ୍ୟାୟାଳୟରେ ମକଦ୍ଦମା ହୋଇଥିଲା ।ଏହି ମାମଲାର ବିଚାର କରି କୋର୍ଟ ପକ୍ଷରୁ ଗତକାଲି ରାହୁଲ ଗାନ୍ଧୀଙ୍କୁ ସମନ ପଠାଯାଇଛି । ଏହି ସମନରେ ଫେବ୍ରୁଆରି ୨୨ ତାରିଖ ପୂର୍ବରୁ କୋର୍ଟରେ ହାଜର ହେବାକୁ ନିର୍ଦେଶ ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ରାହୁଲ ଗାନ୍ଧୀ ଲୋକସଭା ନିର୍ବାଚନ ପ୍ରଚାର ସମୟରେ ୨୦୧୯ ମସିହା ମାର୍ଚ୍ଚ ୨୩ ତାରିଖରେ ‘ମୋଦୀ ଜଣେ ଚୋର’ ବୋଲି ଏକ ସଭାରେ କହିଥିଲେ । ସେ କହିଥିଲେ ଯେ ନୀରବ ମୋଦୀ, ଲଲିତ ମୋଦୀ ଓ ନରେନ୍ଦ୍ର ମୋଦୀ କେମିତି ସମସ୍ତେ ମୋଦୀ ଉପନାମରେ ଆସୁଛନ୍ତି । କେମିତି ସମସ୍ତ ଚୋରମାନେ ମୋଦୀ ଉପନାମ ପାଇଛନ୍ତି? ଆମେ ଜାଣିପାରୁ ନାହୁଁ ଯେ, ଏଭଳି କେତେ ମୋଦୀ ବାହାରିବେ ।
ରାହୁଲଙ୍କ ‘ମୋଦୀ ଜଣେ ଚୋର’ ଟିପ୍ପଣୀକୁ ନେଇ ମଧ୍ୟପ୍ରଦେଶର ଭୋପାଳ ନିବାସୀ ପ୍ରଦୀପ ମୋଦୀ ନାମରେ ଜଣେ ବ୍ୟକ୍ତି କୋର୍ଟରେ ମକଦ୍ଦମା କରିଥିଲେ । ସେ ଅଭିଯୋଗ ଆଣିଥିଲେ, ଆପଣ ଯଦି ଜାଣିବାକୁ ଚାହୁଁଛନ୍ତି, ଯେଉଁମାନେ ଏଭଳି କାମରେ ସଂପୃକ୍ତ ଅଛନ୍ତି, ସେମାନଙ୍କ ନାମ ନିଅନ୍ତୁ , ମାତ୍ର ଏକ ନିର୍ଦ୍ଧିଷ୍ଟ ସଂପ୍ରଦାୟକୁ ଟାର୍ଗେଟ କରାଯିବା ଠିକ ନୁହେଁ ।