ହାଇଦ୍ରାବାଦର ନାମ ବଦଳାଇ ‘ଭାଗ୍ୟନଗର’ କଲେ ଆପତ୍ତି କାହିଁକି ହେବ: କେନ୍ଦ୍ର ରେଳ ରାଷ୍ଟ୍ରମନ୍ତ୍ରୀ

ହାଇଦ୍ରାବାଦ: ତେଲେଙ୍ଗାନାର ରାଜଧାନୀ ହାଇଦ୍ରାବାଦ ନାମ ପରିବର୍ତ୍ତନ ପାଇଁ ଏବେ ଆରଏସଏସର ଦାବିକୁ ସମର୍ଥନ କରିଛନ୍ତି କେନ୍ଦ୍ର ରେଳ ରାଷ୍ଟ୍ର ମନ୍ତ୍ରୀ ରାଓସାହେବ ଦାନଭେ | କେନ୍ଦ୍ର ମନ୍ତ୍ରୀ ରାଓସାହେବ ଦାନଭେ କହିଛନ୍ତି ଯେ ହାଇଦ୍ରାବାଦର ନାମ ‘ଭାଗ୍ୟନଗର’ ନାମରେ ନାମିତ ହେବାରେ କୌଣସି ଆପତ୍ତି ନାହିଁ। ବିଜେପି ଏବଂ ଆରଏସଏସ ହାଇଦ୍ରାବାଦର ନାମ ଭାଗ୍ୟନଗର ନାମରେ ନାମିତ କରିବାକୁ ଯୋଜନା କରୁଛନ୍ତି କି ବୋଲି ପଚରାଯାଇଥିବା ପ୍ରଶ୍ନରେ ସେ କହିଛନ୍ତି ଯେ ମୁଁ ଅନୁଭବ କରୁଛି ଯେ ଆମ ଦେଶ ଉପରେ ଆକ୍ରମଣ କରିଥିବା ବିଦେଶୀମାନେ ହିନ୍ଦୁମାନଙ୍କ ଭାବନାକୁ ଆଘାତ କରି ପୁରୁଣା ନାମ ବଦଳାଇ ଦେଇଛନ୍ତି।

ସ୍ୱାଧୀନ ଭାରତରେ ଯଦି ଆମେ ଆମର ଭାବନାକୁ ସମ୍ମାନ ଦେବା ପାଇଁ ପୁନର୍ବାର ନାମ ପରିବର୍ତ୍ତନ କରିବା, ତେବେ ମୁଁ ଅନୁଭବ କରୁଛି ଯେ ଏହା କରିବାରେ କୌଣସି ଆପତ୍ତି ନାହିଁ’। ବାସ୍ତବରେ ରାଷ୍ଟ୍ରୀୟ ସ୍ୱୟଂସେବକ ସଂଗଠନ ହାଇଦ୍ରାବାଦର ନାମ ଭାଗ୍ୟନଗର କରିବାକୁ ପୁଣି ଥରେ ଦାବି ଉଠାଇଛି। ସଂଗଠନର ଏକ ଟ୍ୱିଟରେ ହାଇଦ୍ରାବାଦକୁ ଭାଗ୍ୟନଗର ବୋଲି କୁହାଯାଇଛି ।

ଦୀର୍ଘ ଦିନ ଧରି ବିଜେପି ଓ ସଂଗଠନ ଏହି ପ୍ରସଙ୍ଗ ଉଠାଉଛନ୍ତି। ସୂଚନା ଥାଉ କି ହାଇଦ୍ରାବାଦ ମ୍ୟୁନିସିପାଲ ନିର୍ବାଚନ ସମୟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଗୃହମନ୍ତ୍ରୀ ଅମିତ ଶାହା ହାଇଦ୍ରାବାଦର ନାମ ଭାଗ୍ୟନଗର ନାମରେ ପରିବର୍ତ୍ତନ କରିବା ବିଷୟରେ ଉଲ୍ଲେଖ କରିଥିଲେ। ଯୋଗୀ ଆଦିତ୍ୟନାଥ କହିଥିଲେ ଯେ କିଛି ଲୋକ ମୋତେ ପଚାରୁଛନ୍ତି ଯେ ହାଇଦ୍ରାବାଦର ନାମ ଭାଗ୍ୟନଗର ନାମରେ ନାମିତ ହୋଇପାରିବ କି? ମୁଁ କହିଲି କାହିଁକି ନୁହେଁ | ମୁଁ ସେମାନଙ୍କୁ କହିଥିଲି ଯେ ବିଜେପି ସରକାର ଗଠନ ପରେ ଆମେ ଫୈଜାବାଦର ନାମ ଅଯୋଧ୍ୟା ଏବଂ ଆହ୍ଲାବାଦର ନାମ ପ୍ରୟାଗରାଜ ରଖିଛୁ |

ସମ୍ବନ୍ଧିତ ଖବର