ଆସନ୍ତାକାଲି ମାଗଣା ସେବା ଦେବ ‘ରାପିଡୋ’
ନୂଆଦିଲ୍ଲୀ: ଶୀର୍ଷକ ଦେଖି ଆଶ୍ଚର୍ଯ୍ୟ ହୋଇଗଲେ କି ? ଆସନ୍ତାକାଲି କେବଳ ଦିଲ୍ଲୀରେ ହିଁ ମାଗଣାରେ ସେବା ଦେବ ‘ରାପିଡୋ’ | ଅନଲାଇନ ବାଇକ ସେବା ପ୍ରଦାନକାରୀ କମ୍ପାନୀ ‘ରାପିଡୋ’ ଦିଲ୍ଲୀ ନିର୍ବାଚନକୁ ନେଇ ଏକ ନିଆରା ଘୋଷଣା କରିଛି | ଆସନ୍ତାକାଲି ଦିଲ୍ଲୀ ବିଧାନସଭା ପାଇଁ ନିର୍ବାଚନ ହେବାକୁ ଥିବାବେଳେ ରାପିଡୋ ଦିଲ୍ଲୀବାସୀଙ୍କୁ ମାଗଣା ବାଇକ ସେବା ଦେବାକୁ ଘୋଷଣା କରିଛି | ୭୦ଟି ଆସନ ପାଇଁ ଦିଲ୍ଲୀ ଭୋଟ ଗ୍ରହଣ ହେବାକୁ ଥିବାବେଳେ ଭୋଟ ଗ୍ରହଣ କେନ୍ଦ୍ରରୁ ୩ କିଲୋମିଟର ପରିସର ମଧ୍ୟରେ ହିଁ ଏହି ମୁକ୍ତ ସେବା ଉପଲବ୍ଧ ହେବ |
Sambad is now on WhatsApp
Join and get latest news updates delivered to you via WhatsApp
ରାପିଡୋର ସହ ସଂସ୍ଥାପକ ଅରବିନ୍ଦ ଶଙ୍କା କହିଛନ୍ତି ଯେ ,ମତଦାନ କେନ୍ଦ୍ରରେ ପହଂଚିବା ପାଇଁ ଦିଲ୍ଲୀ ଭୋଟର ଯେପରି କୌଣସି ଅସୁବିଧାର ସମ୍ମୁଖୀନ ନ କରନ୍ତି ତାହାକୁ ଦୃଷ୍ଟିରେ ରଖି ଏଭଳି ବ୍ୟବସ୍ଥା ଗ୍ରହଣ କରାଯାଇଛି | ଭୋଟର ଏହି ଦିନିକିଆ ଅଫରର ଫାଇଦା ନେବାକୁ ଚାହୁଁଥିଲେ ରାପିଡୋ ଆପ ମାଧ୍ୟମରେ କୋଡ଼ ଆଇଭୋଟ ଟାଇପ କରିବାକୁ ପଡ଼ିବ | ଏହା ପରେ ରାପିଡୋ ବାଇକ ଆସିଯିବ |
ଏହି ଅଫର ସକାଳ ୭ଟାରୁ ସନ୍ଧ୍ୟା ୬ଟା ଯାଏଁ ଉପଲବ୍ଧ ରହିବ | ରାପିଡୋ ଦେଶର ପାଖାପାଖି ୧୦୦ଟି ସହରରେ କାର୍ଯ୍ୟ କରୁଥିବାବେଳେ ଦିଲ୍ଲୀରେ ଗତ ବର୍ଷ ନଭେମ୍ବରରେ ଲଞ୍ଚ କରାଯାଇଥିଲା | ଏ ଯାଏଁ କମ୍ପାନୀର ପ୍ଲାଟଫର୍ମରେ ୧ ଲକ୍ଷ ଦିଲ୍ଲୀବାସୀ ଏହି ଗ୍ରାହକ ଅଛନ୍ତି |