ପଞ୍ଜାବ, ଦିଲ୍ଲୀ ଓ ଜମ୍ମୁକଶ୍ମୀରରେ ବିସ୍ଫୋରକ ଭର୍ତ୍ତି ବ୍ୟାଗ ମିଳିବା ପରେ ଆଲର୍ଟ
ନୂଆଦିଲ୍ଲୀ/ଚଣ୍ଡୀଗଡ଼: ପଞ୍ଜାବର ଗୁରୁଦାସପୁରରେ ଦୁଇ ଦିନ ତଳେ ଆରଡିଏକ୍ସ ମିଳିବା ପରେ ଆଜି ଅମୃତସରର ସୀମାନ୍ତ ଗାଁ ଧାନୋ କାଲାନରେ ବହୁ ପରିମାଣର ଆରଡିଏକ୍ସ ମଧ୍ୟ ମିଳିଛି। ଶୁକ୍ରବାର ସକାଳେ ଉଦ୍ଧାର ହୋଇଥିବା ଏହି ବିସ୍ଫୋରକକୁ ୨୦୨୨ ପଞ୍ଜାବ ବିଧାନସଭା ନିର୍ବାଚନ ସମୟରେ ବିସ୍ଫୋରଣ କରିବାକୁ ଲକ୍ଷ୍ୟ ରଖାଯାଇଥିଲା ବୋଲି କୁହାଯାଉଛି | ଏହି ଆରଡିଏକ୍ସକୁ ଗାଁର ମୁଖ୍ୟ ରାସ୍ତା ନିକଟରେ ଥିବା ଏକ କ୍ଷେତରେ ଲୁଚାଇ ରଖାଯାଇଥିଲା | ବିସ୍ଫୋରକ ଜବତ ହେବା ପରେ ସ୍ପେଶାଲ ଟାସ୍କ ଫୋର୍ସ (ଏସଟିଏଫ) ଟିମ୍ ସମଗ୍ର ଗାଁରେ ସର୍ଚ୍ଚ ଅପରେସନ ଆରମ୍ଭ କରିଛି।
Sambad is now on WhatsApp
Join and get latest news updates delivered to you via WhatsApp
ସେହିପରି ଶୁକ୍ରବାର ଦିନ ଶ୍ରୀନଗରର ନୋୱାଟା ଅଞ୍ଚଳର ଖୱାବାଜାର ଅଞ୍ଚଳରେ ମଧ୍ୟ ଏକ ସନ୍ଦିଗ୍ଧ ବ୍ୟାଗ ଦେଖିବାକୁ ମିଳିଛି | ଏଥିରେ ଏକ ପ୍ରେସର କୁକର ଏବଂ କିଛି ତାର ଦେଖାଯାଉଥିବାରୁ ଆଇଇଡି ଥିବାର ସନ୍ଦେହ କରି ବୋମା ନିରୋଧୀ ସ୍କ୍ୱାର୍ଡ଼କୁ ଡକାଯାଇଥିଲା | ତେବେ ପୁଲିସ ଅଧିକାରୀ କହିଛନ୍ତି ଯେ ଏହା ଆଇଇଡି କି ନୁହେଁ, ଏହାର ଅନୁସନ୍ଧାନ କରାଯାଉଛି। ସେହିପରି ଶୁକ୍ରବାର ସକାଳେ ଦିଲ୍ଲୀର ଗାଜୀପୁର ଫୁଲ ମଣ୍ଡିରେ ମଧ୍ୟ ଏକ ବ୍ୟାଗ୍ ମିଳିଛି |
ବ୍ୟାଗ ମିଳିଥିବା ସୂଚନା ପାଇବା ପୁଲିସ, ବୋମା ନିରୋଧୀ ସ୍କ୍ୱାର୍ଡ଼ ଏବଂ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲେ। ସୂଚନାନୁସାରେ, ପୂର୍ବ ଦିଲ୍ଲୀର ଗାଜିପୁର ଫୁଲ ମଣ୍ଡିରେ ଏକ ଅଜ୍ଞାତ ବ୍ୟାଗ ଥିବାର ଦେଖିବା ପରେ ସ୍ଥାନୀୟ ଲୋକ ପୁଲିସକୁ ସୂଚନା ଦେଇଥିଲେ । ତେବେ ବ୍ୟାଗରେ କଣ ଅଛି ଏଯାଏଁ ସ୍ପଷ୍ଟ ହୋଇନାହିଁ |