ନୂଆଦିଲ୍ଲୀ : ୫ଟି ରାଜ୍ୟରେ ଶୋଚନୀୟ ପରାଜୟ ପରେ କଂଗ୍ରେସ ଦଳ ଭିତରେ ଥିବା ଅସନ୍ତୋଷ କ୍ରମଶଃ ବିଦ୍ରୋହ ରୂପ ନେବାକୁ ଆରମ୍ଭ କରିଛି । ଜି-୨୩ ଭାବେ ପରିଚିତ ୨୩ ବିଦ୍ରୋହୀ କଂଗ୍ରେସ ନେତାଙ୍କ ଗ୍ରୁପ ସିଧାସଳଖ ଗାନ୍ଧି ପରିବାର ହାତରୁ କଂଗ୍ରେସର ନେତୃତ୍ବ ପ୍ରତ୍ୟାହାର କଥା ଦୋହରାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ବିଦ୍ରୋହୀ ନେତାଙ୍କୁ ବୁଝାଇବାକୁ ଖୋଦ ରାହୁଲ ଗାନ୍ଧି ଉଦ୍ୟମ କରୁଥିଲେ ମଧ୍ୟ ଗ୍ରୁପ ପକ୍ଷରୁ ଖୋଲାଖୋଲି କୁହାଯାଇଛି ଯେ ସେମାନଙ୍କର ରାହୁଲ ଗାନ୍ଧିଙ୍କ ନେତୃତ୍ବ ଉପରେ ଭରସା ନାହିଁ । ଦଳକୁ ସୁଦୃଢ କରିବାକୁ ହେଲେ ସାମୁହିକ ଓ ଉତ୍ତରଦାୟୀ ନିଷ୍ପତ୍ତି ନେବାକୁ ହେବ । ଏହି ଗ୍ରୁପର ଜଣେ ସଦସ୍ୟ ଥିବା ତଥା ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଭୁପିନ୍ଦର ସିଂ ହୁଦାଙ୍କ ସହ ରାହୁଲ ଗାନ୍ଧି ଆଲୋଚନା କରିଥିଲେ ବି ସେ ଗ୍ରୁପର ନିଷ୍ପତ୍ତି କଥା ଜଣାଇଦେଇଛନ୍ତି । ଜି-୨୩ର ପ୍ରଥମ ବୈଠକ ବୁଧବାରଦିନ ବସିଥିବାବେଳେ ଗୁରୁବାରଦିନ ପୁଣି ଏକ ବୈଠକ ବସିଥିଲା ।
ନିକଟରେ ସମାପ୍ତ ଏହି ୫ଟି ରାଜ୍ୟର ବିଧାନସଭା ନିର୍ବାଚନରେ କଂଗ୍ରେସ ଶୋଚନୀୟ ପରାଜୟ ବରଣ କରିଥିଲା । ଏହା ପରେ କଂଗ୍ରେସ ସଭାନେତ୍ରୀ ସୋନିଆ ଗାନ୍ଧି ପଞ୍ଜାବ, ମଣିପୁର, ଉତ୍ତରପ୍ରଦେଶ, ଗୋଆ ଓ ଉତ୍ତରାଖଣ୍ଡର ପ୍ରଦେଶ କଂଗ୍ରେସ ସଭାପତିମାନଙ୍କୁ ଇସ୍ତଫା ଦେବାକୁ ନିର୍ଦ୍ଦେଶ ଦେଇଥିଲେ ।