ଡ୍ୟୁଟି ସମୟରେ 'ତୁ ମେରା ହିରୋ' ଗୀତରେ ପୁରୁଷ କନଷ୍ଟେବଳଙ୍କ ସହ ରିଲ କଲେ ମହିଳା ପୁଲିସ, ଦେଖନ୍ତୁ ଭିଡିଓ

ଲଖନଉ: ସୋସିଆଲ ମିଡିଆରେ ଏକ ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି। ଏହି ଭିଡିଓରେ, ଜଣେ ମହିଳା କନଷ୍ଟେବଳ ଦୁଇ ପୁରୁଷ କନଷ୍ଟେବଳଙ୍କ ସହ ବଲିଉଡ ଫିଲ୍ମ 'ହିରୋ ନମ୍ବର ୱାନ'ର ଗୀତ 'ତୁ ମେରା ହିରୋ' ଗୀତରେ ରିଲ କରିଛନ୍ତି | ଯେତେବେଳେ ଲେଡି କନଷ୍ଟେବଳ ଡ୍ୟୁଟିରେ ଥିଲେ ଏହି ରିଲ୍ ତିଆରି କରାଯାଇଥିଲା | ମହିଳା କନଷ୍ଟେବଳ ଜଣକ ଭିଡିଓ କରିଥିବାବେଳେ ଏଥିରେ ଦୁଇଜଣ ପୁରୁଷ କନଷ୍ଟେବଳ ମଧ୍ୟ ନଜର ଆସିଛନ୍ତି। ଭିଡିଓ ଭାଇରାଲ ହେବା ପରେ ପୁଲିସ ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରି ତିନି ଜଣ ପୁଲିସ କର୍ମଚାରୀଙ୍କୁ ନିଲମ୍ବିତ କରିଛି ।

ଏହି ମାମଲା ଉତ୍ତରପ୍ରଦେଶର ହାରଦୋଇ ଜିଲ୍ଲାର ଶାହାବାଦ ଅଞ୍ଚଳର ବୋଲି ଜଣାପଡିଛି । ସୂଚନା ଅନୁଯାୟୀ, ଭିଡିଓ ଭାଇରାଲ କରିଥିବା ମହିଳା କନଷ୍ଟେବଳଙ୍କ ନାମ ହେଉଛି ବସୁଧା ମିଶ୍ର। ସୋସିଆଲ ମିଡିଆରେ କନଷ୍ଟେବଳଙ୍କ ରିଲ ଭିଡିଓ ଆସିବା ପରେ ଏହି ମହିଳା ପୁଲିସ କର୍ମଚାରୀଙ୍କୁ ନେଇ ଚର୍ଚ୍ଚା ଜୋର ଧରିଥିଲା |

यूपी के हरदोई जिले का सोशल मीडिया पर एक वीडियो वायरल हो रहा है। वीडियो में एक महिला कांस्टेबल ने अपने दो पुरुष साथियों के साथ फिल्म हीरो नंबर-वन के गाने हीरो तू मेरा हीरो है के गाने पर रील बनाई। वीडियो वायरल होने के बाद एसपी ने तीनों सिपाहियों को सस्पेंड कर दिया है।#UPPolice pic.twitter.com/w2fZKf0UmL

— Hindustan (@Live_Hindustan) July 1, 2022

ପ୍ରଥମ ଭିଡିଓରେ 'ହିରୋ ତୁ ମେରା ହିରୋ ହେ' ଗୀତରେ ରିଲ କରିଥିବାବେଳେ ଦ୍ୱିତୀୟ ଭିଡିଓରେ ସେ ପୁଲିସ୍ ଜିପ୍ ରେ ବସି ରାଜ ଫିଲ୍ମର ଗୀତରେ ଏକ ରିଲ୍ ତିଆରି କରିଥିଲେ । ଏହିପରି ଅନେକ ଭିଡିଓ ସାମ୍ନାକୁ ଆସିବା ପରେ ଏସପି ଏହି ଘଟଣାର ଅନୁସନ୍ଧାନ କରିଥିଲେ ଏବଂ ଏହା ପରେ ସମସ୍ତଙ୍କୁ ନିଲମ୍ବନ କରିଥିଲେ। ଏସପି ରାଜେଶ ଦ୍ୱିବେଦୀ କହିଛନ୍ତି ଯେ ଯଦିଓ ଭିଡିଓଗୁଡିକ ପୁରୁଣା ଯାହା ଡିଲିଟ ହୋଇଛି, ତଥାପି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି |