ଭୁଲରେ ବି ମୋବାଇଲରେ ରଖନ୍ତୁ ନାହିଁ ଏହି ୭ଟି ଆପ, ଆଖି ପିଛୁଳାକେ ଗାଏବ ହୋଇଯିବ ଜମା ଟଙ୍କା !
ନୂଆଦିଲ୍ଲୀ: ଭାରତରେ ଇଣ୍ଟରନେଟ୍ ବ୍ୟବହାରକାରୀଙ୍କ ପାଇଁ ଇଣ୍ଟରନେଟ ମାଧ୍ୟମରେ ଠକେଇ ଏକ ପ୍ରମୁଖ ସମସ୍ୟା ପାଲଟିଛି। ଏହି ପ୍ରକାର ଠକେଇର ଶିକାର ହୋଇ ଅଧିକାଂଶ ଲୋକ ତାଙ୍କର ଜମା ଟଙ୍କା ହରାଇଥାନ୍ତି | ଆପଣ ଯଦି କୌଣସି କମ୍ପାନିର ନମ୍ବର ବାବଦରେ ଜାଣିବା ପାଇଁ ଗୁଗୁଲରେ ସର୍ଚ୍ଚ କରିଥାନ୍ତି ସେତେବେଳେ ନମ୍ବର ଦେଖିବା ପରେ ଆପଣ ଏହାକୁ ଡାଏଲ୍ କରନ୍ତି | କିନ୍ତୁ ପ୍ରାୟତଃ ଗୁଗୁଲରେ ଖୋଜାଯାଇଥିବା କଷ୍ଟମର କେୟାର ନମ୍ବରର ପ୍ରଥମ ରେଜଲ୍ଟ ନକଲି ହୋଇଥାଏ | ପ୍ରଥମେ ଦେଖିବାକୁ ମିଳିଥିବା ନମ୍ବର ସ୍କାମରଙ୍କ ଦ୍ୱାରା ପରିଚାଳିତ ହେଉଥିବାବେଳେ ଏହି ନମ୍ବରରେ ଫୋନ୍ କରିବାର କିଛି ସମୟ ପରେ ଗ୍ରାହକଙ୍କ ଆକାଉଣ୍ଟରୁ ଟଙ୍କା କଟିଯାଇଥାଏ |
Sambad is now on WhatsApp
Join and get latest news updates delivered to you via WhatsApp
ଆଉ କଷ୍ଟମର କେୟାର ଠକେଇର ସବୁଠାରୁ ବଡ ଅସ୍ତ୍ର ହେଉଛି ରିମୋଟ୍ କଣ୍ଟ୍ରୋଲ୍ ଆପ୍। ଏହି ଠକମାନେ ମୋବାଇଲ୍ ବ୍ୟବହାରକାରୀଙ୍କୁ ନିଜ ଆଣ୍ଡ୍ରଏଡ୍ ଫୋନରେ ରିମୋଟ ଡେସ୍କଟପ୍ ଆପ୍ ଡାଉନଲୋଡ୍ କରିବାକୁ ବାଧ୍ୟ କରନ୍ତି | ଏହି ସାଇବର ଠକମାନେ ଲୋକଙ୍କୁ ମେସେଜ ମାଧ୍ୟମରେ ଏକ ଲିଙ୍କ୍ ପଠାନ୍ତି ଏବଂ ରିମୋଟ୍ ଆକ୍ସେସ୍ ସହିତ ଏକ ଆପ୍ ଡାଉନଲୋଡ୍ କରିବାକୁ କହନ୍ତି |
ଏହି ଆପଗୁଡିକ ହେଉଛି
1. TeamViewer QuickSupport
2. Microsoft Remote desktop
3. AnyDesk Remote Control
4. AirDroid: Remote access and File
5. AirMirror: Remote support and Remote control devices
6. Chrome Remote Desktop
7. Splashtop Personal- Remote Desktop
ଯେତେବେଳେ କୌଣସି ବ୍ୟକ୍ତି ରିମୋଟ ଆପ ଡାଉନଲୋଡ଼ କରନ୍ତି, ସେତେବେଳେ ଫୋନର ସମସ୍ତ ନିୟନ୍ତ୍ରଣ ସାଇବର ଠକଙ୍କ ହାତକୁ ଚାଲିଯାଏ | ସ୍କାମରମାନେ ଫୋନରେ ସ୍କ୍ରିନ୍ ରେକର୍ଡିଂ ଆରମ୍ଭ କରନ୍ତି | ଏହା ପରେ, ୟୁପିଆଇ ଲଗଇନ୍ ସମୟରେ, ସେମାନେ ଫୋନରେ ଆସିଥିବା ଓଟିପି ଜାଣନ୍ତି | ଆଉ ଓଟିପି ଜାଣି ଆକାଉଣ୍ଟରୁ ଟଙ୍କା ଗାଏବ କରିନିଅନ୍ତି | ସୂଚନା ଥାଉ କି କୌଣସି ରିମୋଟ୍ ନିୟନ୍ତ୍ରିତ ଆପ, ମାଲୱେର୍ ଆପ୍ ହୋଇ ନଥାଏ | ଏହି ଆପଗୁଡିକ ବହୁତ ଉପଯୋଗୀ ହୋଇଥାନ୍ତି, କିନ୍ତୁ ଯେତେବେଳେ ଏହାର ଅପବ୍ୟବହାର ହୁଏ, ଉପଭୋକ୍ତା ବହୁତ କ୍ଷତି ଭୋଗନ୍ତି |