ଲାହୋର: ପାକିସ୍ତାନୀ ଗଣମାଧ୍ୟମର ମଜାଦାର ଭିଡିଓ ଅନେକ ସମୟରେ ସାମ୍ନାକୁ ଆସିଥାଏ | କେତେବେଳେ ସିଧା ପ୍ରସାରଣ ବେଳେ ନ୍ୟୂଜ ଆଙ୍କର ଓ ଅତିଥିଙ୍କ ମଧ୍ୟରେ ଗାଳିଗୁଲଜ ହେଉଥିବାର ଭିଡିଓ ତ କେବେ ପୁଣି ଜୋତାମାଡ଼ର ଭିଡିଓ ସାମ୍ନାକୁ ଆସିଥାଏ | ତେବେ ଏଥର ପାକିସ୍ତାନର ଜଣେ ମହିଳା ସାମ୍ବାଦିକଙ୍କ ଭିଡିଓ ସାମ୍ନାକୁ ଆସିଛି। ଯେଉଁଥିରେ ଲାଇଭ ସମୟରେ ସେ ଜଣେ ଯୁବକଙ୍କୁ ଶକ୍ତ ଚାପୁଡ଼ା ମାରୁଥିବାର ଦେଖିବାକୁ ମିଳିଛି |
Sambad is now on WhatsApp
Join and get latest news updates delivered to you via WhatsApp
ଜଣେ ମହିଳା ସାମ୍ବାଦିକ ଯୁବକଙ୍କୁ ଚାପୁଡ଼ା ମାରିବା ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି। ଏହି ଭିଡିଓରେ ଦେଖିବାକୁ ମିଳିଛି ଯେ ଜଣେ ପାକିସ୍ତାନୀ ମହିଳା ସାମ୍ବାଦିକ ଏକ ସହରରେ ଲାଇଭ ରିପୋର୍ଟିଂ କରୁଥିଲେ | ତେବେ ପିଟିସି ଦେବା ସମୟରେ ଅନେକ ଲୋକଙ୍କ ଭିଡ ଜମିଥିଲା | ଆଉ ଘଟଣା ବାବଦରେ କହୁଥିବାବେଳେ ସାମ୍ବାଦିକା ଜଣକ ଉତକ୍ଷିପ୍ତ ହୋଇ ପାଖରେ ଛିଡା ହୋଇଥିବା ଜଣେ ଯୁବକଙ୍କୁ ଶକ୍ତ ଚାପୁଡ଼ା ମାରିଥିଲେ |
????????? pic.twitter.com/Vlojdq3bYO
— مومنہ (@ItxMeKarma) July 11, 2022
ତେବେ ଭିଡିଓ ଭାଇରାଲ ହେବା ପରେ ଅନେକ ପ୍ରଶ୍ନ କରିଛନ୍ତି ଯେ ବାସ୍ତବରେ ସାମ୍ବାଦିକା ଜଣକ କାହିଁକି ମାଡ଼ ମାରୁଛନ୍ତି | ଆଉ କିଛି ୟୁଜର୍ସ ଲେଖିଛନ୍ତି ଯେ ସାମ୍ବାଦିକା ଜଣକ ପିଟିସି ଦେଉଥିବାବେଳେ ଏହି ଯୁବକ ଜଣକ ତାଙ୍କୁ ଅଶାଳୀନ ଇଙ୍ଗିତ କରିଥିଲେ | ଆଉ ଏଥିରେ ଖପ୍ପା ହୋଇ ସେ ଚାପୁଡ଼ାଟିଏ କଷି ଦେଇଥିଲେ |