ପ୍ରଥମ ଥର ପାଇଁ ସାମରିକ ବ୍ୟାଣ୍ଡ ବଦଳରେ ବାଜିଲା ଶଙ୍ଖ, ନାଦସ୍ବର, ନଗାଡ଼ା ପରି ବାଦ୍ୟଯନ୍ତ୍ର

ନୂଆଦିଲ୍ଳୀ: ଭାରତ ଆଜି ୭୫ତମ ଗଣତନ୍ତ୍ର ଦିବସ ପାଳନ କରିଛି। ଏହି ୨୦୨୪ ମସିହାର ସାଧାରଣତନ୍ତ୍ର ଦିବସ ଏକ ମାଇଲଖୁଣ୍ଟକୁ ଚିହ୍ନିତ କରିଛି। କାରଣ ଚଳିତବର୍ଷ ରାଜଧାନୀ ଦିଲ୍ଲୀର କର୍ତ୍ତବ୍ୟ ପଥରେ ପ୍ରଥମ ଥର ପାଇଁ ନିଆରା ପରେଡ୍‌ ଦେଖିବାକୁ ମିଳିଛି।

କର୍ତ୍ତବ୍ୟ ପଥରେ ଏକ ବିଶାଳ ପରେଡର ଆୟୋଜନ କରାଯାଇ ଭାରତର ସାମରିକ ଶକ୍ତି ଏବଂ ସାଂସ୍କୃତିକ ବିବିଧତା ପ୍ରଦର୍ଶନ କରାଯାଇଥିଲା। ଏବର୍ଷ ନାରୀ ଶକ୍ତି ବା ମହିଳା ସଶକ୍ତିକରଣ ଉପରେ ବିଶେଷ ଗୁରୁତ୍ୱ ଦେଇଥିଲା।

#WATCH | The all-women Tri-Services contingent comprising Agniveers and regular recruits proudly marches down the Kartavya Path on #RepublicDay2024

This is the first time an all Tri-Services women soldiers contingent is marching on Kartavya Path pic.twitter.com/0s54JXZ3IF

— ANI (@ANI) January 26, 2024

ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରନ୍, ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ  ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଯୋଗ ଦେଇ ଉତ୍ସବର ନେତୃତ୍ୱ ନେଇଥିଲେ।
ପ୍ରଥମ ଥର ପାଇଁ ପ୍ୟାରେଡରେ ଏକ ସର୍ବ-ମହିଳା ତ୍ରି-ସେବା କଣ୍ଟିଜେଣ୍ଟ ଅଂଶଗ୍ରହଣ କରିଥିଲେ। ପ୍ରଥମ ଥର ପାଇଁ ପାରମ୍ପରିକ ସାମରିକ ବ୍ୟାଣ୍ଡ ବଦଳରେ ୧୦୦ ଜଣ ମହିଳା କଳାକାର ମିଶି ଶଙ୍ଖ, ନାଦସ୍ବର, ନଗାଡ଼ା ପରି ଭାରତୀୟ ବାଦ୍ୟଯନ୍ତ୍ର ବଜାଇଥିଲେ।

#WATCH | Delhi | #RepublicDay2024 parade at Kartavya Path begins with 'Aavahan'.

For the first time ever, the parade is being heralded by over 100 women artists playing Indian musical instruments. The parade is commencing with the music of Sankh, Naadswaram, Nagada, etc. being… pic.twitter.com/ypM5ixl2Cd

— ANI (@ANI) January 26, 2024

ସକାଳ ୧୦.୩୦ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସହିଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ପରେ ଏହି ସମାରୋହ ହୋଇଥିଲା।

ସୁରକ୍ଷାକୁ ଦୃଷ୍ଟିରେ ରଖି ନୂଆଦିଲ୍ଲୀରେ ୭୦,୦୦୦ ସୁରକ୍ଷା କର୍ମୀ ନିୟୋଜିତ ହୋଇଥିଲେ। ଉତ୍ସବ ସମୟରେ ଯାନବାହାନ ଚଳାଚଳକୁ ସୁଗମ କରିବା ପାଇଁ ଟ୍ରାଫିକ୍ ପରାମର୍ଶଦାତା ଏବଂ ପ୍ରତିବନ୍ଧକ ଜାରି ହୋଇଥିଲା।