ଚାଇନିଜ କମ୍ପାନିଠାରୁ କ୍ରୟ କରାଯାଇଥିବା ୫ଲକ୍ଷ ଟେଷ୍ଟ କିଟକୁ ଫେରାଇବା ପାଇଁ ରାଜ୍ୟମାନଙ୍କୁ କହିଲା ଆଇସିଏମଆର

ନୂଆଦିଲ୍ଲୀ: ଭାରତରେ କୋଭିଡ୍ -୧୯ ଚିକିତ୍ସା ଏବଂ ପ୍ରଣାଳୀ ନିର୍ଦ୍ଧାରଣ ପାଇଁ ଥିବା ନୋଡାଲ୍ ସଂସ୍ଥା ଇଣ୍ଡିଆନ୍ କାଉନସିଲ୍ ଫର୍ ମେଡିକାଲ୍ ରିସର୍ଚ୍ଚ(ଆଇସିଏମଆର), ଚାଇନିଜ କମ୍ପାନିଠାରୁ କ୍ରୟ କରାଯାଇଥିବା ୫ଲକ୍ଷ ଟେଷ୍ଟ କିଟର ଫଳାଫଳ ସନ୍ତୋଷଜନକ ନ ଥିବାରୁ ଦ୍ରୁତ ଆଣ୍ଟିବଡି ପରୀକ୍ଷା କିଟ୍ ଫେରସ୍ତ କରିବାକୁ ରାଜ୍ୟ ସରକାରମାନଙ୍କୁ କହିଛି।

ସୂଚନା ମୁତାବକ, ଚୀନର ଦୁଇଟି କମ୍ପାନି - 'ଗୁଆଙ୍ଗଜୋ ୱଣ୍ଡଫୋ ବାୟୋଟେକ୍ ଏବଂ ଜୁହାଇ ଲିଭଜନ୍ ଡାଇଗ୍ନୋଷ୍ଟିକ୍'ଠାରୁ କେନ୍ଦ୍ର ୫ଲକ୍ଷ କିଟ୍ କ୍ରୟ କରିଥିଲା।  କୋଭିଡ୍ -୧୯ ପରୀକ୍ଷା ପାଇଁ ଏହି କିଟ୍ ଗୁଡିକ ରାଜ୍ୟ ମଧ୍ୟରେ ବଣ୍ଟନ କରାଯାଇଥିଲେ ମଧ୍ୟ ଟେଷ୍ଟ କିଟ୍ ଖରାପ  ଥିବା ରାଜ୍ୟମାନେ ଅଭିଯୋଗ କରିବାରୁ ଏଗୁଡିକ ଆଇସିଏମଆର ଦ୍ୱାରା ପରୀକ୍ଷା କରାଯାଇଥିଲା। ପରୀକ୍ଷଣର ଫଳାଫଳ ସନ୍ତୋଷଜନକ ନ ଥିବାରୁ ଆଇସିଏମଆର ରାଜ୍ୟଗୁଡ଼ିକୁ ଭବିଷ୍ୟତରେ ଏହି ଆଣ୍ଟିବଡି ପରୀକ୍ଷା କିଟ୍ କ୍ରୟ ବନ୍ଦ କରିବାକୁ କହିବା ସହ ପୂର୍ବରୁ ବଣ୍ଟନ କରାଯାଇଥିବା ଆଣ୍ଟିବଡି ପରୀକ୍ଷା କିଟକୁ ବ୍ୟବହାର ନ କରିବାକୁ କହିଛି।

Indian Council of Medical Research (ICMR) issues revised advisory to state governments regarding Rapid Antibody Blood tests. ICMR has written to them to stop using Guangzhou Wondfo Biotech and Zhuhai Livzon Diagnostics kits. #COVID19 pic.twitter.com/brLQILbk54

— ANI (@ANI) April 27, 2020

ଆଇସିଏମଆର କହିଛି ଯେ, ନିର୍ମାତାମାନେ ଦ୍ରୁତ ଆଣ୍ଟିବଡି ପରୀକ୍ଷଣ କିଟ ଦେବା ସମୟରେ ଏହାକୁ ନେଇ ଯେଉଁ ଆଶ୍ୱାସନା ଦେଇଥିଲେ ପରୀକ୍ଷଣ ସମୟରେ ତାହା ଭୁଲ ପ୍ରମାଣିତ ହୋଇଥିଲା | ତେଣୁ ଆଣ୍ଟିବଡି ପରୀକ୍ଷଣ କିଟକୁ ଦେଇଥିବା କମ୍ପାନୀଗୁଡିକୁ ଫେରସ୍ତ କରିବାକୁ ରାଜ୍ୟମାନଙ୍କୁ ପରାମର୍ଶ ଦିଆଯାଇଛି। ଏକ ବିବୃତିରେ ଆଇସିଏମଆର କହିଛି ଯେ, ଆଇସିଏମଆର ଭାଇରସ୍ ପାଇଁ ସ୍ୱାବ୍ 'ଆରଟି- ପିସିଆର' ପରୀକ୍ଷାକୁ ପ୍ରୋତ୍ସାହିତ କରେ, କାରଣ ଏହା 'କୋଭିଡ୍ ପଜିଟିଭ୍ କେସ୍ ପରୀକ୍ଷା ଏବଂ ଚିହ୍ନଟ କରିବାର ସର୍ବୋତ୍ତମ ଉପାୟ' |