ମହାକାଶକୁ ଗଲେ ଶିଳ୍ପପତି ରିଚାର୍ଡ ବ୍ରାନସନ, ମହାକାଶ ପର୍ଯ୍ୟଟନ କ୍ଷେତ୍ରରେ ନୂଆ ଯୁଗର ଶୁଭାରମ୍ଭ
ନ୍ୟୁ ମେକ୍ସିକୋ : ବ୍ରିଟିଶ ଉଦ୍ୟୋଗପତି ରିଚାର୍ଡ ବ୍ରାନସନ ମହାକାଶ ସ୍ବପ୍ନ ପୂରଣ ହୋଇଛି । ମହାକାଶକୁ ଏକ ପର୍ଯ୍ୟଟନସ୍ଥଳୀରେ ପରିଣତ କରିବାକୁ ସେ ସ୍ବପ୍ନ ଦେଖିଆସିଥିଲେ । ଗତକାଲି ତାଙ୍କ କମ୍ପାନି ଭର୍ଜିନ ଗାଲାକଟିକ୍ ମହାକାଶ ଅଭିଯାନ ଆରମ୍ଭ କରିବା ସହ ତାଙ୍କର ସ୍ବପ୍ନ ସାକାର ହୋଇଛି । ସେ ନିଜେ ମହାକାଶକୁ ଯାତ୍ରା କରିଥିଲେ । ଏହା ସହିତ ବିଶ୍ବରେ ମହାକାଶ ପର୍ଯ୍ୟଟନ ବା ଆଷ୍ଟ୍ରୋ ଟୁରିଜିମ୍ କ୍ଷେତ୍ରରେ ଏକ ନୂଆ ଯୁଗ ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଭର୍ଜିନ ଗାଲାକଟିକର ଯାତ୍ରୀବାହୀ ରକେଟ୍ ଭିଏସଏସ ୟୁନିଟି ଗତକାଲି ଭାରତୀୟ ସମୟ ସଂଧ୍ୟା ୮ଟା ୪୫ ମିନିଟ୍ ସମୟରେ ନ୍ୟୁ ମେକ୍ସିକୋରୁ ମହାକାଶ ଅଭିମୁଖେ ଯାତ୍ରା ଆରମ୍ଭ କରିଥିଲା । ଏହି ମହାକାଶ ଯାନରେ ଭାରତୀୟ ବଂଶୋଦ୍ଭବ ଶିରିସା ବନ୍ଦଲାଙ୍କ ସମେତ ମୋଟ ୬ ଜଣ ମହାକାଶଚାରୀ ମହାକାଶକୁ ଯାତ୍ରା କରିଥିଲେ । ମହାକାଶକୁ ଯାତ୍ରା କରିଥିବା ଏହି ଦଳର ନାଁ ରଖାଯାଇଛି ୟୁନିଟି-୨୨ । ବିଶ୍ବର ସବୁଠାରୁ ଧନୀବ୍ୟକ୍ତି ଜେଫ ବେଜୋସ ମଧ୍ୟ ଚଳିତ ମାସରେ ମହାକାଶ ଯାତ୍ରା କରିବାର କାର୍ଯ୍ୟକ୍ରମ ରହିଛି ।