କଂଗ୍ରେସ ଅମଳରେ କୂଟନୀତିଜ୍ଞମାନେ ନେହେରୁଙ୍କ ନାତି ପାଇଁ କଲେଜ ସିଟ ଯୋଗାଡ଼ କରୁଥିଲେ : ରିଜିଜୁ
ନୂଆଦିଲ୍ଲୀ : ଭାରତୀୟ କୂଟନୀତିଜ୍ଞମାନେ ଗର୍ବୀ ହୋଇଗଲେଣି ବୋଲି ରାହୁଲ ଗାନ୍ଧି ଦେଇଥିବା ବୟାନକୁ ନେଇ ବିଜେପି ତାଙ୍କୁ ଟାର୍ଗେଟ କରିଛି । ଏହାର ଜବାବ ଦେଇ କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କର କହିଛନ୍ତି ଯେ ଏହାକୁ ଗର୍ବ କୁହାଯିବନାହିଁ, ଆତ୍ମ ବିଶ୍ବାସ ବୋଲି କୁହାଯିବ । ସେହିପରି କେନ୍ଦ୍ର ଆଇନ ମନ୍ତ୍ରୀ କିରେନ ରିଜିଜୁ କହିଛନ୍ତି ଯେ କଂଗ୍ରେସ ଅମଳରେ ଭାରତୀୟ କୂଟନିତିଜ୍ଞମାନେ ଗାନ୍ଧିପରିବାର ପାଇଁ ପାଶ୍ଚାତ୍ୟ ବିଶ୍ବ ବିଦ୍ୟାଳୟରେ ସିଟ ଯୋଗାଡରେ ବ୍ୟସ୍ତ ଥିଲେ ।
Sambad is now on WhatsApp
Join and get latest news updates delivered to you via WhatsApp
ଲଣ୍ଡନର କେମ୍ରିଜ ବିଶ୍ବ ବିଦ୍ୟାଳୟରେ ଅନୁଷ୍ଠିତ ‘ଆଇଡିଆଜ ଫର ଇଣ୍ଡିଆ’ ଶୀର୍ଷକ ସମ୍ମିଳନୀରେ ଯୋଗ ଦେଇ ରାହୁଲ ଗତ କାଲି କହିଥିଲେ ଯେ ଭାରତୀୟ କୂଟନୀତିଜ୍ଞମାନେ ବଦଳି ଗଲେଣି, ସେମାନେ କାହା କଥା ଶୁଣୁନାହାନ୍ତି ଓ ଗର୍ବୀ ହୋଇଗଲେଣି । ଏହାର ଜବାବରେ ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କର କହିଥିଲେ ଯେ ଭାରତୀୟ ବିଦେଶ ସେବା (ଆଇଏଫଏସ) ଅଧିକାରୀମାନେ ସରକାରଙ୍କ ଆଦେଶ ମାନନ୍ତି ଓ ଅନ୍ୟମାନଙ୍କ ଯୁକ୍ତିକୁ କାଟି ରାଷ୍ଟ୍ରର ହିତ ପାଇଁ କାମ କରନ୍ତି ।
ଅନ୍ୟପକ୍ଷରେ ରାହୁଲଙ୍କ ଏହି ବୟାନ ଓ ଆଉ କେତେକ ବୟାନକୁ ବିଜେପି ବିରୋଧ କରିଛି । ଦଳ ପକ୍ଷରୁ କୁହାଯାଇଛି ଯେ, ରାହୁଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତି ଥିବା ନିଜର ଘୃଣା ଯୋଗୁଁ ଦେଶକୁ ବି ଘୃଣା କରିବା ଆରମ୍ଭ କରିଦେଲେଣି ।