ସଡ଼କ ସୁରକ୍ଷା: ପ୍ରତି ରାଜ୍ୟକୁ ଅତି କମରେ ୩ ପୁରସ୍କାର
ନୂଆଦିଲ୍ଲୀ : କେନ୍ଦ୍ର ସରକାରଙ୍କ ପକ୍ଷରୁ ଦେଶରେ ସଡ଼କ ଦୁର୍ଘଟଣା ରୋକିବା ପାଇଁ ତତ୍ପରତା ପ୍ରକାଶ ପାଇଛି। ଏହି ମର୍ମରେ କେନ୍ଦ୍ର ସରକାର ଦେଶରେ ସଡ଼କ ସୁରକ୍ଷାକୁ ସୁଦୃଢ଼ କରିବା ପାଇଁ ରୋଡ୍ ସେଫ୍ଟି ଆକ୍ସନ ପ୍ଲାନ-୨୦୨୬ ପ୍ରସ୍ତୁତି କରିଛନ୍ତି। ଏହି ଯୋଜନାରେ ଦେଶର ଏନ୍ଜିଓ, ଟ୍ରଷ୍ଟ ଓ ସୋସାଇଟିମାନଙ୍କୁ ସାମିଲ ସହ ସଡ଼କ ସୁରକ୍ଷା ପାଇଁ ଆର୍ଥିକ ସହାୟତା ପ୍ରଦାନ କରାଯିବ।
Sambad is now on WhatsApp
Join and get latest news updates delivered to you via WhatsApp
ସଡ଼କ ସୁରକ୍ଷାରେ ଉଲ୍ଲେଖନୀୟ କାର୍ଯ୍ୟ ପାଇଁ ପ୍ରତି ବର୍ଷ ଉପରୋକ୍ତ ସଂସ୍ଥାମାନଙ୍କୁ ସର୍ବାଧିକ ୫ ଲକ୍ଷ ଟଙ୍କାର ଅର୍ଥରାଶି ପ୍ରଦାନ କରାଯିବ। ସେହିଭଳି ସଡ଼କ ସୁରକ୍ଷାରେ ସର୍ବୋତ୍ତମ ପ୍ରର୍ଦଶନ ପାଇଁ ଅତି କମରେ ତିନିଟି ପୁରସ୍କାର ପ୍ରତ୍ୟେକ ରାଜ୍ୟକୁ ପ୍ରଦାନ କରାଯିବ। ପ୍ରଥମ ପୁରସ୍କାର ବାବଦରେ ୫ ଲକ୍ଷ ଟଙ୍କା, ଦ୍ବିତୀୟ ପୁରସ୍କାର ପାଇଁ ଦୁଇ ଲକ୍ଷ ଓ ତୃତୀୟ ପୁରସ୍କାର ବାବଦରେ ଏକ ଲକ୍ଷ ଟଙ୍କା ପ୍ରଦାନ କରାଯିବ। ଏ ସଂପର୍କରେ ଓଡ଼ିଶା ସମେତ ସମସ୍ତ ରାଜ୍ୟର ପରିବହନ ପ୍ରମୁଖ ସଚିବଙ୍କୁ ପତ୍ର ଜରିଆରେ ଅବଗତ କରାଯାଇଛି।