ନୂଆଦିଲ୍ଲୀ: ବିଦେଶରେ ସମ୍ପତ୍ତି କ୍ରୟ କରିବାରେ କଳାଟଙ୍କା ଧଳା କରିଥିବା ଅଭିଯୋଗରେ କଂଗ୍ରେସ ମୁଖ୍ୟ ରାହୁଳ ଗାନ୍ଧୀଙ୍କ ଭିଣୋଇ ରବର୍ଟ ଭଦ୍ରା ଶନିବାର ଦିନ କ୍ରମାଗତ ତୃତୀୟ ଥର ଲାଗି ପ୍ରବର୍ତ୍ତନ ନିର୍ଦେଶାଳୟରେ ହାଜର ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବ୍ୟକ୍ତିଗତ ଗାଡ଼ିରେ ଭଦ୍ରା ପ୍ରାୟ ୧୦:୪୫ ମିନିଟ୍ରେ ପ୍ରବର୍ତ୍ତନ ନିର୍ଦେଶାଳୟର କାର୍ଯ୍ୟାଳୟ କେନ୍ଦ୍ରୀୟ ଦିଲ୍ଲୀର ଜାମନଗର ହାଉସ୍ରେ ପହଞ୍ଚିଥିଲେ।
ମାମଲାର ତଦନ୍ତକାରୀ ଅଧିକାରୀ ଭଦ୍ରାଙ୍କୁ ଏ ମାମଲା ସଂକ୍ରାନ୍ତରେ ଅଧିକ ପ୍ରଶ୍ନ ପଚାରିବାକୁ ଚାହାଁନ୍ତି ବୋଲି ଜଣେ ଅଧିକାରୀ କହିଛନ୍ତି। ତେଣୁ ଫେବ୍ରୁଆରି ୬ ଓ ୭ ତାରିଖ ଦିନ ପଚରା ଉଚୁରା କରାଯିବା ପରେ ପୁଣି ଶନିବାର ଦିନ ହାଜର କରିବାକୁ ତାଙ୍କୁ କୁହାଯାଇଥିଲା।
ପ୍ରଥମ ଦିନ ଭଦ୍ରାଙ୍କୁ ସାଢ଼େ ପାଞ୍ଚ ଘଣ୍ଟା ଓ ଦ୍ୱିତୀୟ ଦିନ ପ୍ରାୟ ୯ ଘଣ୍ଟା ପଚରା ଯାଇଥିଲା।
ବିକାନେର୍ ଜମି ଦୁର୍ନୀତିରେ ସମ୍ପୃକ୍ତ ଅନ୍ୟ ଏକ କଳାଟଙ୍କା ଧଳା କରିବା ମାମଲାରେ ଫେବ୍ରୁଆରି ୧୨ ତାରିଖ ଦିନ ଭଦ୍ରା ଜୟପୁର ଠାରେ ପ୍ରବର୍ତ୍ତନ ନିର୍ଦେଶାଳୟରେ ହାଜର ହେବେ ବୋଲି ଜଣାପଡ଼ିଛି।