ନୂଆଦିଲ୍ଲୀ: ସ୍ତ୍ରୀ ପ୍ରିୟଙ୍କା ଗାନ୍ଧୀ ଭଦ୍ରା ରାଜନୀତିରେ ସକ୍ରିୟ ହେବାପରେ ତାଙ୍କ ସ୍ୱାମୀ ରବର୍ଟ ଭଦ୍ରା ବି ସକ୍ରିୟ ରାଜନୀତିରେ ଯୋଗ ଦେବେ ବୋଲି ସଂକେତ ମିଳିଛି। ରବର୍ଟ ଭଦ୍ରା ନିଜର ଫେସବୁକ୍ ପୋଷ୍ଟରେ ଏକଥାର ସଂକେତ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଫେସବୁକ୍ରେ ଲେଖିଛନ୍ତି ଏକ ଦଶକରୁ ଅଧିକ ସମୟ ହେବ ବିଭିନ୍ନ ସରକାର ତାଙ୍କୁ ବଦନାମ କରିବା ଲାଗି ପ୍ରଚେଷ୍ଟା କରିଛନ୍ତି। ସେମାନେ ମୋ ନାଆଁ ବ୍ୟବହାର କରି ପ୍ରକୃତ ପ୍ରସଙ୍ଗରୁ ଧ୍ୟାନ ହଟାଇଛନ୍ତି। ଦେଶର ଜନତା ବୁଝି ଗଲେଣି ଯେ ଏହି ଅଭିଯୋଗଗୁଡିକରେ କୌଣସି ସତ୍ୟତା ନାହିଁ। ଲୋକେ ମୋ’ ପାଖକୁ ଆସି ସମ୍ମାନ ପ୍ରଦର୍ଶନ କରୁଛନ୍ତି ଓ ମୋତେ ଭବିଷ୍ୟତ ପାଇଁ ଶୁଭ କାମନା ଦେଉଛନ୍ତି। ମୁଁ ଦେଶର ବିଭିନ୍ନ ଅଞ୍ଚଳକୁ ଯାଇଛି। ଉତ୍ତର ପ୍ରଦେଶ ପାଇଁ ମୋତେ କିଛି କରିବାର ଅଛି। ଲୋକଙ୍କ ସେଠାରେ ନିଜକୁ ସମର୍ପିତ କରିବା ମୋର ଆବଶ୍ୟକ’।
ରବର୍ଟ ଭଦ୍ରାଙ୍କ ଏହି ଫେସବୁକ୍ ପୋଷ୍ଟ ଭାଇରାଲ୍ ହେବା ପରେ ଏବେ ଚର୍ଚ୍ଚା ହେଉଛି ଯେ, ରବର୍ଟ ଭଦ୍ରା ସକ୍ରିୟ ରାଜନୀତିରେ ଅଂଶ ଗ୍ରହଣ କରିବେ। ଏବେ ରବର୍ଟ ଭଦ୍ରା କଳା ଟଙ୍କା ଧଳା କରିବା ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟର ଜେରାର ସମ୍ମୁଖୀନ ହୋଇଛନ୍ତି।