ରକେଟ୍ ଆକ୍ରମଣ ଗାଜାରେ ୩୫ ମୃତ, ଇସ୍ରାଏଲ୍ରେ ୬
ଗାଜା/ଜେରୁଜେଲମ୍: ଗାଜା ଷ୍ଟ୍ରିପ୍ ଉପରେ ବୁଧବାର ଇସ୍ରାଏଲ ପକ୍ଷରୁ ଶତାଧିକ ବିମାନ ଆକ୍ରମଣ ହୋଇଛି। ସେହିପରି ପାଲେଷ୍ଟାନୀୟ ଉଗ୍ରବାଦୀମାନେ ଇସ୍ରାଏଲ୍ର ତେଲ୍ ଆଭିଭ୍ ଓ ବୀର୍ସେବା ସହର ଉପରେ ମଧ୍ୟ ସଂଖ୍ୟାଧିକ ରକେଟ୍ମାଡ଼ କରିଛନ୍ତି। ଏଥିରେ ଗାଜାରେ ୪୩ ଜଣଙ୍କର ମୃତ୍ୟୁ ଘଟିଥିବା ବେଳେ ଇସ୍ରାଏଲର ମଧ୍ୟ ୬ ଜଣ ନାଗରିକ ପ୍ରାଣ ହରାଇଛନ୍ତି। ଗାଜାରେ ଏକ ବିରାଟ ଅଟ୍ଟାଳିକାରେ ରହୁଥିବା ଲୋକଙ୍କୁ ଖାଲି କରିବାକୁ ଇସ୍ରାଏଲ ଚେତାବନୀ ଦେବା ସତ୍ତ୍ବେ ସେମାନେ ତାହା ନକରିବାରୁ ବିମାନ ଆକ୍ରମଣରେ ତାହା ଭଗ୍ନସ୍ତୂପ ପାଲଟିଯାଇଛି।
Sambad is now on WhatsApp
Join and get latest news updates delivered to you via WhatsApp
ଏହି ଆକ୍ରମଣରେ ଇସଲାମୀୟ ଗୋଷ୍ଠୀ ହମାସର କିଛି ପ୍ରମୁଖ ନେତାଙ୍କୁ ନିଶାଣ କରାଯାଇଥିବା ଇସ୍ରାଏଲ ଦାବି କରିଛି। ହମାସ ଓ ଇସ୍ରାଏଲ ମଧ୍ୟରେ ୨୦୧୪ ଯୁଦ୍ଧ ପରଠାରୁ ବୁଧବାରର ବିମାନ ଆକ୍ରମଣ ସଦ୍ୟ ବୃହତ୍ତମ ଘଟଣା ବୋଲି କୁହାଯାଉଛି। ତେବେ ଆତଙ୍କବାଦୀମାନଙ୍କୁ ବହୁମୂଲ୍ୟ ଦେବାକୁ ପଡ଼ିବ ବୋଲି ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ କହିଛନ୍ତି। ଅପରପକ୍ଷେ, ଏହାର ମୁକାବିଲା ପାଇଁ ହମାସ ପ୍ରସ୍ତୁତ ରହିଛି ବୋଲି ଏହାର ନେତା ଇସ୍ମାଇଲ ହାନିୟେ ଦୃଢ଼ୋକ୍ତି ପ୍ରକାଶ କରିଛନ୍ତି।