ଔରଙ୍ଗାବାଦ: ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କୁ କିଡନି ଦାନ କରିଥିବା ଝିଅ ରୋହିଣୀ ଆଚାର୍ଯ୍ୟ ରାଜନୀତି‌ରେ ପ୍ରବେଶ କରି ପାରନ୍ତି ବୋଲି ଖବର ଚର୍ଚ୍ଚାରେ ରହିଛି। ଚର୍ଚ୍ଚାରେ ଥିବା ଖବର ଟି ହେଉଛି ଆଗାମୀ ବର୍ଷ  କାରାକାଟ ଲୋକସଭା ନିର୍ବାଚନମଣ୍ଡଳୀରୁ ନିର୍ବାଚନରେ ରୋହିଣୀ ଆଚାର୍ଯ୍ୟ ପ୍ରତିଦ୍ୱନ୍ଦ୍ୱିତା କରିପାରନ୍ତି।

Advertisment

ରୋହିଣୀ ଆଚାର୍ଯ୍ୟ ପ୍ରଥମଥର ରାଜନୀତିରେ ପ୍ରବେଶକୁ ନେଇ ସ‌ଙ୍କେତ ଦେଇ କହିଛନ୍ତି, ‘ଲୋକେ ଚାହିଁଲେ ମୁଁ ନିଶ୍ଚୟ ନିର୍ବାଚନ ଲିଢ଼ିବି।’

ସମ୍ପ୍ରତି କାରାକାଟ ସିଟରେ ଆରଜେଡି ପକ୍ଷରୁ ମହାବଳୀ ସିଂହ ବିଧାୟକ ରହିଛନ୍ତି।
ସୂଚନାଯୋଗ୍ୟ, କାରାକାଟ ଲୋକସଭା ନିର୍ବାଚନମଣ୍ଡଳୀର ଦାଉଦନଗରର ହିଚ୍ଛନ ବିଗହାରେ ରୋହିଣୀ ଆଚାର୍ଯ୍ୟଙ୍କର ଶାଶୁ ଘର ଅଛି। ଯେଉଁଠାକୁ ଗତ ଗୁରୁବାର ବୋହୂ ରୋହିଣୀ ତାଙ୍କ ଶ୍ବଶୁରଙ୍କ ଦଶମ ଶ୍ରାଦ୍ଧ ବାର୍ଷିକୀରେ ତାଙ୍କ ଶାଶୂ ଓ ସ୍ବାମୀ ସମରେଶ ସିଂଙ୍କ ସହ ଯାଇ ପହଞ୍ଚିଥିଲେ ।

ଏହି ସମ‌ୟରେ ଗଣମାଧ୍ୟମ ପ୍ରତିନିଧିମାନେ ରାଜନୀତିରେ ପ୍ରବେଶ କରିବେ କି ବୋଲି ରୋହିଣୀ ଆଚାର୍ଯ୍ୟଙ୍କୁ ପ୍ରଶ୍ନ କରିଥିଲେ। ଗଣମ‌ାଧ୍ୟମଙ୍କ ପ୍ରଶ୍ନର ଉତ୍ତର ରୋହିଣୀ ନା ବୋଲି ଦେଇଥିଲେ। ସମାନପ୍ରଶ୍ନ ଆଉ ଥରେ ପଚରା ଯିବାରୁ ରୋହିଣୀ କହିଥିଲେ,‘ ଲୋକେ ଚାହିଁଲେ ଏପ୍ରସଙ୍ଗ ଉପରେ ବିଚାର କରିବି। ଏବେ ବାପା ଓ ମା’ଙ୍କ ଯତ୍ନ ନେବା ହେଉଛି ପ୍ରଥମ ପ୍ରାଧାନ୍ୟ। ତେଣୁ ମୁଁ ଅନ୍ୟ ଦିଗ ଉପରେ ଏତେଟା ଧ୍ୟାନ ଦେଇ ପାରୁ ନାହିଁ। କିନ୍ତୁ ଲୋକଙ୍କୁ କେବେ ନିରାଶ ହେବାକୁ ଦେବି ନାହିଁ।’