କୋଟାରୁ ରାଉରକେଲା ଫେରୁଛନ୍ତି ୧୧୬ ଛାତ୍ରଛାତ୍ରୀ, ୩୦ଘଣ୍ଟା ପରେ ପହଞ୍ଚିବେ
ରାଉରକେଲା : ପ୍ରତୀକ୍ଷାର ଅନ୍ତ ଘଟିଲା l ରାଜସ୍ଥାନର କୋଟା ଓ ମହାବୀର ନଗରରେ ଫସିଥିବା ରାଉରକେଲାର ୧୧୬ ଛାତ୍ରଛାତ୍ରୀ କୋଟାରୁ ବାହାରିଛନ୍ତି l ଆଜି ଦିନ ପ୍ରାୟ ୧୦ଟା ୧୫ ମିନିଟ ସମୟରେ କୋଟାର ଲାଣ୍ଡମାର୍କ ସିଟି, ମହାବୀର ନଗରରୁ ୪ ଟି ବସରେ ବାହାରିଛନ୍ତି l ବାହାରିବା ପୂର୍ବରୁ ବସଗୁଡ଼ିକୁ ଭଲ ଭାବେ ବିଶୋଧନ କରାଯାଇଥିଲା l
Sambad is now on WhatsApp
Join and get latest news updates delivered to you via WhatsApp
ଛାତ୍ରଛାତ୍ରୀମାନଙ୍କୁ ସ୍କ୍ରିନିଂ କରାଯିବ ପରେ ବସରେ ଚଢା ଯାଇଥିଲା ବୋଲି କହିଛନ୍ତି କୋଟାରୁ ଆସୁଥିବା ଅଭିଭାବକ ବିଜୟ କୁମାର ମାଟିଆ l ସେ କହିଛନ୍ତି ରାଉରକେଲାରେ ପହଞ୍ଚିବାକୁ ପ୍ରାୟ ୩୦ଘଣ୍ଟା ସମୟ ଲାଗିବ l ପ୍ରତ୍ୟକ ଛାତ୍ରଛାତ୍ରୀ ୪ ହଜାର କରି ବସ ଭଡ଼ା ଦେଇଛନ୍ତି l
ବସ ମଧ୍ୟପ୍ରଦେଶ, ଛତିଶଗଡ଼, ରାୟଗଡ଼, ସମ୍ବଲପୁର ଓ ଝାରସୁଗୁଡ଼ା ହୋଇ ରାଉରକେଲାରେ ପହଞ୍ଚିବେ l ରାଉରକେଲାରେ ପହଞ୍ଚିବା ପରେ ଘରେ ଏକାନ୍ତବାସରେ ରହିବେ l ଗତ ୧୮ ତାରିଖରେ ଅଭିଭାବକମାନେ ରାଉରକେଲାର ଅତିରିକ୍ତ ଜିଲ୍ଲାପାଳଙ୍କୁ ଭେଟିଥିଲେ l ଅତିରିକ୍ତ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କୁ ଗୁହାରି କରିଥିଲେ।