ଏୟାର ଷ୍ଟ୍ରାଇକ୍କୁ ନେଇ କହୁ କହୁ ବଡ଼ ଭୁଲ କରିଦେଲେ ମୋଦୀ, ସୋସିଆଲ ମିଡିଆରେ ହେଲେ ସମାଲୋଚନାର ଶିକାର
ନୂଆଦିଲ୍ଲୀ : ନିଉଜ୍ ନେଶନକୁ ସାକ୍ଷାତକାର ଦେଇ ଏୟାର ଷ୍ଟ୍ରାଇକ୍ ବିଷୟରେ ଆଲୋଚନା କରିଥିଲେ ପ୍ରଧାନମନ୍ତ୍ରୀ ମୋଦୀ । ନିଜର ପ୍ରାୟ ସବୁ ଜନମସଭାରେ ଏୟାର ଷ୍ଟ୍ରାଇକ୍ ବିଷୟରେ କହି ଭୋଟ୍ ମାଗୁଥିବା କଥା ବିପକ୍ଷ ଦଳ ଅଭିଯୋଗ କରି ଆସୁଥିବା ବେଳେ ପୁଣି ଥରେ ମୋଦୀ ଏୟାର ଷ୍ଟ୍ରାଇକ୍ ବିଷୟରେ ଆଲୋଚନା କରିଥିବା ଦେଖାଯାଇଥିଲା । କିନ୍ତୁ ଏହି ଆଲୋଚନା ସମୟରେ ସେ ଯେଉଁ ଭୁଲ କରି ଦେଇଥିଲେ, ତାହାକୁ ନେଇ ମୋଦୀଜୀ ଏବେ ସମାଲୋଚନାର ଶିକାର ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସାକ୍ଷାତକାରରେ ଏୟାର ଷ୍ଟ୍ରାଇକ୍ ବିଷୟରେ କହିବାକୁ ଯାଇ, ଯେଉଁ ସମୟରେ ବାଲାକୋଟ ଏୟାର ଷ୍ଟ୍ରାଇକ୍ର ପ୍ରସ୍ତୁତି ଚାଲିଥିଲା, ସେ ସମୟରେ ଆକାଶରେ ବାଦଲ ଛାଇ ରହିଥିଲା । ଏକ୍ସପର୍ଟସମାନେ ଏୟାର ଷ୍ଟ୍ରାଇକ୍କୁ ବାତିଲ କରିବା ପାଇଁ କହିବା ପରେ ମୁଁ ତାଙ୍କୁ ମନା କରିଥିଲି । ବାଦଲ ପାଇଁ ବାୟୁସେନା ବିମାନ ପାକିସ୍ତାନ ରାଡାରରୁ ବଞ୍ଚି ପାରିବ ବୋଲି କହି ମୁଁ ସେମାନଙ୍କୁ ଏୟାର ଷ୍ଟ୍ରାଇକ୍ କରିବା ପାଇଁ କହିଥିଲି ବୋଲି ମୋଦୀ କହିଥିଲେ । ଏହି ବୟାନକୁ ବିଜେପି ପକ୍ଷରୁ ଟୁଇଟ୍ରରେ ମଧ୍ୟ ଲେଖି ସେୟାର କରାଯାଇଥିଲା । ତେବେ ତାଙ୍କର ଏଭଳି ବୟାନ ପରେ, ଜମ୍ମୁ-କଶ୍ମୀରର ପୂର୍ବ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ମୋଦୀଙ୍କୁ ଟୁଇଟ୍ କରି ସମାଲୋଚନା କରିଛନ୍ତି ।
Pakistani radar doesn’t penetrate clouds. This is an important piece of tactical information that will be critical when planning future air strikes. https://t.co/OBHwEJfGSW
— Omar Abdullah (@OmarAbdullah) May 11, 2019
ଟୁଇଟ୍ରେ, ପାକିସ୍ତାନ ରାଡାର ବାଦଲକୁ ପାର୍ କରି ପାରିବ ନାହିଁ । ଏହା ଏକ ମହତ୍ୱପୂର୍ଣ୍ଣ ସାମରିକ ସୂଚନା । ଯାହା ଭବିଷ୍ୟରେ ଏୟାର ଷ୍ଟ୍ରାଇକ୍ର ଯୋଜନା କରିବା ସମୟରେ କାମରେ ଲାଗିବ ବୋଲି କହିଥିଲେ । ଓମାରଙ୍କ ଏଭଳି ଟୁଇଟ୍ ପରେ ବିଜେପି କରିଥିବା ଟୁଇଟ୍ ହଟାଇ ଦେଇଥିଲେ । ଯାହା ପରେ ପୁଣି, ଲାଗୁଛି ଟୁଇଟ୍ଟି ବାଦଲରେ ହଜିଗଲା । ସୌଭାଗ୍ୟବଶତଃ ସ୍କ୍ରିନ୍ସଟ୍ ସାହାଯ୍ୟ କରିବା ପାଇଁ ଚାରିଆଡ଼େ ବୁଲୁଛି ବୋଲି ଲେଖି ଟୁଇଟ୍ କରି ବିଜେପିକୁ କଟାକ୍ଷ କରିଥିଲେ ଓମାର ଅବଦୁଲ୍ଲା ।